اهلا اختي منى انا واحدة من متتبعي منشوراتك في اليوتيوب اقطن في حي هامشي في إحدى المدن المغربية أعاني من مرض البهاق مدة ثلاث سنوات اتمنى من أحد مشاهديك ان سبق له أن تابع العلاج لهذا المرض مع أحد الأطباء وتوصل إلى علاج تام .ارجوا ان لا تنقطع عني اجابتك .
الله يرضي عليك مبقاتش فاللبوزات والزواق بقات فالعقل اش فيه ومن مور هاد الفيديو لي نتفرج فيه اش غدي نستافد واش غدي نتعلم واش طلع ليا انا من الفيديو ردو بالكم البنات وسمعو لي يحبكم وينصحكم ووحتى يبكيكم تقبلها بكل فرح ماشي تبقاو حالين فمكم فاليوتيوب والفيس بوك حتى تلقاو لعمر تقضا الناس تاتربح على ظهركم وانتما غي تزوقات نتفرجو فيها راه الانسان سيحاسب يلاكنتي تتشجعي واحد الانسان فاسق انت مشاركة معه منى عندها الحق باركا من النعاس فيقو وعيقو راه العمل عبادة وخا غي فالدار الشعب الوحيد لي حال فمو وتيضحك على التفهات انا غي عبرت على هادشي لي موجود حاليا واستسمح اخواتي🌷
ماشاء الله عليك فيديوهات تحفيزية و معها تحفيز ديني نصيحة و انا داءما كنديرها كلما انا مكنتكلمش مع شواحد ا و انا اقضي المهام المنزلية اذكر الله غتلقاو راسكم ذكرتيو الله اكتر من 5000مرة يوميا و اي حاجة كتسهال ديروها و دعيو معايا
عجبني واو منى بفضل الله ثم بفضلك نتي وصديقتي ريمة بديت حقا نتغير. وليت نوض على الستة بعدما كنت نوض على العشرة ونص ووليت مهتمة ببيتي ونفسي اكثر لكن مزال الطريق طويلة حابة نهتم اكثر لكن انا امشي ببطء لكن بثقة تامة ثقة في الله وفي نفسي اني سأغدو نحو الافضل وسآخذ بأيدي اولادي وزوجي معي عائلتي اليوم اكثر سعادة وانا اكثر طمأنينة
الاخت منى مايعجبني فيك انك انسانة راقية واعية طيبة طموحة ايجابية انسانة تحب الحياة و تنشر الفائدة تعطي الطاقة الايجابية في زمن كثر فيه الاشعاعات واللهو و التفاهات.شكرا اختي منى على كل المجهودات استمري حبيبتي احبك فالله .
حسيت بيك كتهدري بحرقة فحالي كتهدري مع أختك أو بنتك كلامك موزووون و معقوووول الله يتبتك و يجعلها في ميزان حسناتك حبيبتي قليييل الناس فحالك الله يجازيك و يفرحك ببنياتك
منى هد الفيديو شفتو عشرات عشرات المرات هو ملخص راءع كيقيس القلب والعقل .تبارك الله هليك نتمنى تزيدينا من هد النوع مغيكونش تكرار غيكون تاكييييد .الشكر قليل فحقك الله يرحم ماماك ويخليلك ماعز عليك
فعلا فيديو تحفيزي و الله الا صفعة نزلت على كالصعقة لانني كنت ممن يفيقون باكرا و الان اصبحت افيق مع الوقت و الصراح من الصباح و الله الا اعدتني مئة سنة للوراء
ملقيت ما نقول الله يعطيك الجنة وخلاص كون كانت شي حاجة اكثر من الجنة ندعيهالك لانك انسانة فالمستوى وتستاهلي كل ما هو جميل ... احبك في الله احلى ختيتو منى ❤
متبعاك من شحال هاذي ولكن بالصراحة اول مرة كيمسني شي فيديو من فيديوهاتك وكيعجبني، برافو عليك كلام فالصميم وكلام عندو معنى كبير. الله يكبرنا على طاعة الله ورضاه.
صراحة اختي منى غيرتي فيا بزاف اولا حب الدات الاهتمام بالنفس وكنت ديما كنفيق تل اخر لحضة معصبة مع وليداتي المدرسة .كنغوت تيخرجو مساكن عاد كيبقى فيا الحال.ولكن الحمد لله اختي وليت كنفيق فرحانة وحنا هوما كيفطرو وهما فرحانين.وبخاطري حتى كنسيفطهم.وحاولت ندير شي حاجة ولكن زوجي رافض الخدمة بشكل نهائي.الحمد لله هو ميسور ولكن انا مكرهتش نكون مستقلة ماديا.وشكرا بزااااف اختي منى
كلامك في الصميم والله كأنك تتكلمين عني بصراحة تمنيت ان اعود كما كنت سابقا فياق بكري والصلاة والدعوة لله 😥😥😥😥😥. جزاك الله كل خير دمعت عيناي وقلبي اهتز ربي اخليك والله استمري ضرب الجرس على قلب كل غافلة
السلام اختي نقدر نعاونك الى بغيتي انت تعاوني راسك و قبل كلشي توكلي على الله واستعني بيه و كثري شوية من الاستغفار .و من بعد دوزي لاسباب عملية حسب المسموح بيها بالنسبة ليك انا ما عرفتش ضروفك باش نحدد ليك و معرفتش شخصية زوجك ولا شخصيتك ولكن بداي براسك كوني انانية شوية و تهلاي فراسك و متخلي حتى واحد يتحكم ف سعادتك كيف ما كان فرحانة و ناشطة بيه و بلا بيه و فنفس الوقت محتارماه و محتارمة راسك.عطي قيمة لراسك راه كيما تشوفي راسك غادي يشوفك الاخر.هاد شي خصو وقت و صبر ولكن التغيير يكون على ودك انت ماشي على ودو مغاديش نقولك مشطي ليه و لبسي ليه ووو لالالا مشطي لراسك خصوصا ملي ميكونش و لبسي مزيان و كولي مزيان ملي ميكونش باش تعلمي و تيقني و دخلي لدماااغك بلي داك شي كديريه لراااسك و من بعد تلقاي داك شي روتينييي عندك و جزء من شخصيتك و تفهمي بلي حتى واحد ميستاهل ديري ليه شي حاجة قد متستاهلي ديريها لراسك هنا غادي ينعكس داك الشي على المحيطين بيك.بالموازاة مع هاد الشي خصك تعااااودي تحللي اش واقع لانو اكيد كاين شي سبب لي يخليه هكا و يمكن كيقولوليك وانت عند بالك ضالمك و زايد فيه عاودي حللي كلامو و تصرفاتو بالعقل حيدي عليك المشاعر و دور الضحية لي انت عايشة فيه ولو غير ساعة وحدة باش تقدري تحطي يدك على المشكل الاساسي و تقدري تعالجيه.انا عطيتك دابة غير افكار عاامة حيت معارفة عليك والو.تيقي بيا نقولك كلمة وحدة كلشيييي بيدك انت.
@@sofhaitakh1055 شكرا اختي على النصائح ديالك فعلا هدشي اللي كندير بفضل مجموعة من القنوات صراحة ارتاحيت اضافة اني تعلمت الصنعة او معمرة الوقت ديالي اوعندي اهداف و طموحات غير هو هد السلبية الى كانت قريبة ليك كثاثر عليك بطريقة او باخرى السبب اختي مرض نفسي والحمد لله على كل حال
حتى انا البنات بغيت شي خديمة غير في دار مكرهتش نفابل شي بنيت لمماها و بهادا غنكون عندي واحد شوية فلوس باش غير نشري بيهم لي خاصني انا و بناتي وخا زوج موفر لينا مأكل و مصريف مدرسة بناتي دعيو معايا و نصحوني
السلام عليكم شكرا جزيلا وكلامك صاءب وكانك وجهتيه لي خصوصا واليوم عدت من السفر ومررت بمواقف لا احسد عليها وغدا ان شاء الله سابدء في تطبيق ما قلتي دعواتكم لي بالتوفيق والشفاء احبكم في الله
بارك الله فيكي زين و دين نقترح موضوع مع ضغط الحياة و الاولاد و المنافسة ف الشارع كيفاه تكسبي زوجك وافكار للتجديد وديكور غرفة النوم وتوابع هدا الموضوع في اقرب وقت انشالله
الله يجازيك كل خير وبارك الله فيك سيدتي المحترمة إن شاء الله نتغلب على سلبياتنا والعجز والكسل حبيبتي منى والله غير انتي نعم الأخت شكرا من القلب اعطيتي احسن صورة للأخوات المغربيات لكن كل الاحترام والمحبة تحيتي من الجزائر
شكرا بزاف اختي منى الله اجازيك هادشي ليقولتي كل فية كنقول ديما غنوض بكري او نصلي لفجر او نحيد عليا شقا أو ندير ولادي شهيوات ولكن معرفتش مالي في الاخير مكندير والو😢 الله يهديني حيت انا مباغاش نكول هاكا ولكن انشاء الله غنبدل راسي
انا ما جرحوني ما قاسوني. انا (سحقوني سحقا) ولكن الله معي. وكنحمد الله على دخولك لحياتي اختي وصاحبتي وحبيبتي واخا مكتعرفيني. الله لا يحرمني منك. ويجعل جزاءك السعادة في الدنيا والآخرة.
منى حبيييييبتي ربي يباركلك في صحتك وفي عمرك ويرضى عليك ويجااازيك الجنة، لاني متاكدة انه هدفك من قناتك هو تقديم النفع وكسب الاجر في الاخرة،فيديو راااءع من القلب ووصل الى القلب،تاكدي بلي راكي تفيدينا بزاااف بهذ الطاقة لي تعطيهالنا وتساعدينا نجااهدو نفوسنا وكل ماتقدري حبيبتي ديريلنا هذ النوع من الفيديوات شكراااا 😘😘😘
ما شاء الله عليك أختي منى متألقة دايماكلامك كل صحيح وفي صميم لأني عايشة فيه والكلمة ليأترت فيا مبغيتش أولادي يكونو بحالي لهذا وبإذن الله نحاول ونحاول أني نزيد في تغيير لاحسن جعلها الله صدقات جارية إلى يوم القيامة أحبك في الله
الحمد لله .ان كنلقى راسي عندي نفس افكار ديالك والحياتي بديتها ان وزوج ديالي من 0ومع فياق بكري ورغبة في تحقيق اهداف ديالي لي خلت زوج.ديالي حتي هو يتشجع ونزيدو قدام والحمد لله وصلت نديك شيئ لي بغيت وها ان باقة غادة في احلامي .وخة الناس كيعتبروني موسوسة .منقومة.وغريبة.مبرزطة .هههه ولكن ان عارفة راسي هدا طريق الوحيد للنجاح😍😍😍😍
سلام أختي منى الصراحة كنت محتاجة هاد الفيديو لأ نه قاد ليا بزاف ديال الافكار وبغيت نطلبك الله يرحم الوليدين دير لينا فيديو على المرأة لي كيكون راجلها محملها جميع المسؤوليات