طبعا هو الحل بسيط جدا جدا استاذ بس خلي احجيها حكومة العتاكة والمليشيات هي السبب الأول والمسبب الرئيس لمثل هذه الأمور بكل سهولة امنع استيراد التكتك والماطورات الصغيرة واقتصر على دراجات بمواصفات معينة وتتسجل اصوليا ويكون هناك إجازة خاصة بيها ولمستخدميها وحسابه حاله حال ابو السيارة الأصولية بس يا فحل الي يسويها ..اشوفك بخير
هاي مثاليات وان كانت ضرورية بس محد يكدر يطبقها. لأن فقر الشعب اللي سببه فساد الحكومات هو اللي خلة حاجة الناس للدراجة. لأن يريد يتنقل يركب تكسي وهو فقير عامل بسيط. و وجود كثير من الدراجات يسوي ازعاج و حوادث.
استاذ عمار تكول 20 بالميه من سواق الدراجات ملتزمين , اني صارلي سنين اسوق ببغداد ما شفت ابو دراجه وكف امام اشارة المرور الحمرا حاله حال السيارات بل بالعكس يعتبر الاشاره ما تخصه وكانها للسيارات فقط .
اليوم دامشي على سريع محمد القاسم ماخذ المسار وأمشي ١٠٠ وأكو سيارة بالمسار الوسط يمشي ٨٠ هسة داريد أجتازه (طبعآ من اليسار لأن آني بمسار الأيسر )خطف بيناتنا دراجة والمصيبة الدرتجة من كد ما تعبامة صوتها واصل لجامع النداء شتحجي ماتدري !!!!!
ابو الرانج مثل حضي هم واكف بالتريفك الاشاره حمره وجاني ابو كيه حمل فلشلي الدعاميه الوره، والي تكتلك السير صار فترة واكف مو وكف فجأة وبيني وبين الترفك 4 سيارات 😅
حجي افضل خدمه تسويهه تعتزل السياقه لان اغلبكم الي عمركم فوك60 لايشوف ولا يسمع وبلوه بالشارع ومن يضرب واحد محد يحجي وياه والله جبير اي دكعد بيتك وجفينه شرك
اخي العزيز الدراجه وسليه تنقل ليست ب دبابه حربيه حته تنمع حالهة حال السيارة ليش يتحاسب و اصحاب الدراجات هم من الطبقات الفقيره لو امكانيتهن تسمحلهم جان شترو سيارات احجي وياك عندي سياره و دراجه و استعملهة بسبب الازدحام بدال ما تكول يفتشوهم ب استمرار و عرقلتهم و منعهم ليش ما يمنعون السيارات و يفتشون السيارات ب استمرار فا يا اخي العزيز اذا ما تريد دراجات بل شارع اشتري سيارات و وزع
السبب حكومة فاشلة.. و مرور يخاف من ابو الدراجة و التكتك.. وصوج العشاير تدور فصول من ابو السيارة حتى لو ابو الدراجة مسوي الحادث.. نطلب من المرور محاسبتهم
هاي شكو ! ليش هيج سرعة !؟ بحيث مديبين بالفديو واحد لو 2 راكبين الدراجة هالكَد ما سريع وملاحظة ابو الرانج منطخ نهائياً ويجوز طخه كلللللش خفيفة لأن السيارة مهتزت وهو نزل ديشوف بس شكو والدليل وره مصرت الإشارة خضرة مشه راح .. وملاحظة ثانية استاذ عمار وليد . بوقت الحادث المفروض المرور مو كله تتجه نحو الحادث لازم يبقى واحد لو 2 ينضم السير يعني مو بسبب حادث اترك التقاطع وممكن تصير حواث اخرى او ازدحامات بسبب حادث واحد
مع احترامي للجميع والك استاذ عمار من خلال رويتي للحادث عندك بعض الاخطاء اوله سؤ الضن بالسايق الدراجة احتمال مايعرف يسوق او معلك عنده السكليتر فكس البريك اتمنى من خلال الفديوهات القادمة تجنب سؤ الضن حتى تتجنب الكلام اليصير عليك والسيئات الراح تصير هم عليك+ انا مو مدافع عن ابو الدراجة واذا كان مختمر فهو وربه
