تعرفو انا من تلمسان ومتزوجا في بلعباس والله عندي 3اطفال نقسملك بالله محرما الخرج ونروح عند ناس منخرج مندخل ومنديرش التيقا ومنخليهمش حتا عند واحد منتيقش غي فيروحي والله ضروك باش كبرتهم ولدي الكبير 13وبنتي 10ولدي صغير6سنين عادا راني نديهم ونخرج ونضل نوصي متاكلوش من عند الناس وعسو رواحكم وووووو والله خطرات نمرض نقلهم راني خايفا نموت ونخايكم ولادي يقولولي نموتو معاك دعولي لبنات ربي يطولؤ في عمري ونزوجهم ونديرلهم ديارهم ونريح والله الحمدو الله نتحاسبو عليهم
راكي كيما أنا ربيت ٢ بنات جوارين متأمنيش كي كنت متهليا فيهم حتى ماماتهم كي تكون عندهم خرجة عرس نفاس ،،،،،،...... يجيبوهم عندي دورك راهم عزبات عندي كونتاكت معاهم راهم في بداية العشريات و مازال يعطو لي طاطا و يسقسو عليا هههههه وحدة كانت تقولي ماما و دخلت سنة ١ و تقولهم عندي ٢ ماما قالت يضحكو عليا قلت لها عندك ماماك وحدة و أنا طاطاك والو تعيط لي ماما و كنت نخرجها معايا و يقابروني و هيا تقولي ماما قلت لها ما تزيديش تخرجي معايا دورك تبوريني يحسبو بصح بنتي هههههه ربي يحفظها و ينجحها قي حياتها و نشوفها عروسة