مثل هالاماكن هذه من تجيها لازم تكون على وضوء واول ماتقعد تقرى ((أعوذ بكلمات الله التامات من شر ما خلق)) ثلاث مرات و ((بسم الله الذي لا يضر مع اسمه شيء في الأرض ولا في السماء وهو السميع العليم)) والله يحفظك باذن الله وعلى كلام العم ابو ناصر بكل حركه تسويها او تشيل او تقط شي لازم تسمي
صحيح يابو ناصر تصير هالسوالف وصارت معي مرتين لاكن علاج هالأمور الآذان بصوت عالي وخلاص يختفون مع قرائة دعاء نزول المكان (اللهم انزلنا المنزل المبارك وانت خير المنزلين)وآية الكرسي ثلاث مرات
الله يحفظنا وياك وكل مسلم اهم شي الاذكار وكذلك دعاء نزول المكان ويقال والله أعلم اذا حسيت جلدك كش وحسيت إنهم حولك او قريبين منك ارفع صوتك للآذان اذن بصوت عالي.
السلام عليكم ورحمة الله وبركاته ،، الله يعطيك الصحة والعافية كيف حالك ان شاء الله بخير ،، يازين سوالفك ،، والله سوالف الجن كثيرة الله يكفينا وياكم شرهم
من بحوثات مستكشفين العرب قبل أكثر من ألف عام، عن عالم البحار والمُحيطات: أعلم أن المُحيط هو البحر الأعظم الذي منه مادة سائر البحار المُتصلة والمُنقطعة وهو بحر لا يعرف له ساحل ولا يعلم عمقه إلا الله عز وجل، والبحار على وجه الأرض خلجان منه، وفي هذا البحر عرش إبليس لعنه الله وفيه مدائن تطفو على وجه الماء وفيها أهلها من الجن في مقابلة الربع الخراب من الأرض، وفيه حصون وفيه قصور على وجه الماء طافية ثم تغيب .
نفس السالفه صارت معانه أنا وعيال عمتي فيلجاويه بالوانيت متيمعين بالليل كنا رايحين نفتر عند الشاليهات القديمة ونشوف جيب ابيض ياي طاير من اخر طريج الشاليهات بسرعه تخرع فخفنا عبالنا ياي لنا فدسنه بننحاش بس الوانيت قديم مافيه شده ومن سرعه الجيب وصلنا وخطرنا ولا اثنين شباب حتى مالتفتوا علينا احنا استغربنا وقلنا اكيد شايفين جن وهالسالفه ما اذكر بالضبط اَي سنه بين ٢٠١٢ و ٢٠١٤ مادري اذا هذول نفس اللي تقول عنهم عم بوناصر ياريت اذا تذكر اَي سنه هالسالفه تقريبا؟
مرحبا بوناصر السيف تعيش فيه الهام الهوام جمع مفردها هام نوع من الدواب موجود في صدوي فالسعوديه صوب الزور وكان موجود في ام الهيمان في الكويت من مثرة الهوام
ياهلا ومرحبتين صحيح كلامك دائما المناطق البعيدة الخالية من البشر تكثر فيها أذكر مرة كنا صوب مركز مرير ومعاي واحد دوسري قلبه ميت مايخاف وكنا وحنا نتمشي ندور على الأسياف كان فيه نخلة موحشة وتكثر فيها الفروخ فقلت لصاحبي انا أنا أشك بمكان هذه النخلة فضحك صاحبي وقال صحيح أنا كم مرة أشوف يطلع منها بالليل على شكل رجال ويتمشي على السيف وأكمل أمشي بسيارتي لا اتعرضه ولا يتعرضني وإذا إنت رحت لمرير النخلة شمال المركز مافيه غيرها .
ياهلا مساء النور الحقيقة سمعت هذا الكلام بالنسبة للكلاب على كثر مارحت فيلكا ماشفت ولامرة كلب لكن الحيايا مادري ولكن بالنسبة للحية اللي طلعت للشباب هذه من الجن والجن عنده قدرة يتشكل بأي شكل حتى الحيايا وهذا ثابت عن الرسول عليه الصلاة والسلام وحذر منهم بعد قصة الصحابي رضي الله عنه الذي قتل الثعبان ثم مات الصحابي
والد كان يقولي سالفه قبل 20 او 30 سنه كان نايم ويه ولد عمه على بحر فليجا و فجأ قام نص ليل شاف قطو و كلب يمشون على ماي بحر معى بعض و كانت ليلة قمره في سفر نور ما صدق عيونه قام قعد ولد عمته يقوله قوم شوف الي اشوفه 😅 هاذي وحده من أمور الغريبه الي ممكن تحصل
