سنة 871.. واحد من أثرياء البصرة.. اسمه ابن وهب القرشي.. طقت في دماغه يتفسح شوية في الكرة الأرضية.. خصوصا و ان الباسبور بتاع الدولة الإسلامية كان بيدخله أي بلد عادي من غير فيزا.. فقام واخد نفسه و طالع على الصين.. و لما وصل هناك.. قالك لا مش كفاية الواحد يتفسح و يعمل شوبينج.. لأ ده انا لازم اقابل الامبراطور ذات نفسه.. فطلع على العاصمة تشانغآن.. و طلب مقابلة الامبراطور تانغ... و فعلا قدر يقابله.. و الملوك دايما أو عادة مهووسين بانهم يقارنوا طول صباعهم بصوابع الملوك التانيين.. عشان يعرفوا مين صباعه أطول..
فالامبراطور سأل ابن وهب.. قال له :"فما منزلة سائر الملوك عندكم ؟".. ابن وهب ماحبش يحرجه.. فعمل عبيط و قال له : "ما لي بهم علم"
فالملك قال لمترجمه يقول له : "إنا نعد الملوك خمسة: فأوسعهم ملكاً الذي يملك العراق (اللي هو خليفة المسلمين).. لأنه في وسط الدنيا.. والملوك محدقة به.. ونجد اسمه ملك الملوك.. وبعده ملكنا هذا ونجده عندنا ملك الناس.. لأنه لا أحد من الملوك أسوس منا ولا أضبط بملكه من ضبطنا لملكنا.. ولا رعية من الرعايا أطوع لملكها من رعيتنا.. ونحن ملوك الناس.. ومن بعده ملك السباع وهو ملك الهند ..ونجده عندنا ملك الحكمة أيضاً.. لأن أصلها منهم.. ومن بعده ملك الروم، وهو عندنا ملك الرجال.. لأنه ليس في الأرض أتم خلقاً من رجاله، ولا أحسن وجوهاً منهم.. فهؤلاء أعيان الملوك والباقون دونهم." .. ..
إجابة الإمبراطور مذهلة!.. إمبراطور الصين نفسه.. كان بيعتبر نفسه درجة تانية بعد الدولة الإسلامية.. و كانت عاصمة دولة الخلافة في نظره هي مركز العالم.. أم الدنيا..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
-Arabs: A 3,000-Year History of Peoples, Tribes and Empires
amzn.to/3gzMdvy
-The Arabs: A History - Revised and Updated Edition
amzn.to/3aUBD0M
-Understanding Arabs, 6th Edition: A Contemporary Guide to Arab Society
amzn.to/3hrIIIM
30 мар 2021
