{حدوتة عربية}(20) في البدء كان المنشار 

شفنا سوا في الحلقات اللي فاتت عبد الناصر عمل ايه ف يالعراق.. و ازاي هو السبب في اللي فيه حال العراق النهاردة..
و كان طبيعي محطتنا اللي بعد كده تكون.. سوريا.. شان نشوف ازاي عبد الناصر ماهدالوش بال الا لما بهدل أملها هي كمان..
خلونا نبدأ حدوتة سوريا مع عبد الناصر.. من لبنان..
في أواخر يونيو 1959 .. "فرج الله الحلو"..واحد من أبرز قيادات الشيوعيين اللبنانيين ياخد قرار مصيري هايغير حياته.. أو هاينهيها تماما.. بانه يسافر على سوريا..
قرار خطير جدا في الوقت ده تحديدا.. اللي كان فيه الجمهورية المتحدة تحت قيادة عبد الناصر معلقة الشيوعيين في مصر و سوريا ع المفشخة.. خصوصا بعد كل اللي حصل من الشيوعيين في العراق.. في الوقت ده.. كان الشيوعيين في مصر بيتلموا و يترموا في ابو زعبل اللي اتكلمنا عنه قبل كده.. و في سوريا .. كانوا بيتخطفوا و يختفوا في زنازين المخابرات العسكرية.. اللي لسة من شهور بسيطة واحد من الشيوعيين. السوريين مات في ايديهم من كتر التعذيب.. "سعيد الدروبي".
لكن فرج الله الحلو.. اللي كان عنده وقتها ٥٢ سنة.. كان لازم يروح بنفسه سوريا عشان يمارس دوره كقيادي في التنسيق و الإدارة مع خلايا الشيوعيين السرية في سوريا. خصوصا و انه عمل الموضوع ده بالفعل كذا مرة في الكام شهر اللي فاتوا.. كان بيروح سوريا و يرجع بهوية مزورة.. فماحدش بيعرف هو مين.. بس مراته من كتر القلق المرة دي اترجته مايسافرش.. لكنه طمنها ووعدها ان دي هاتكون آخر مرة.. .. و فعلا.. الراجل ماخلفش وعده.. دي كانت آخر مرة يروح فيها سوريا.. و آخر مرة تشوفه فيها..
المرة دي.. لما وصل فرج الله الحلو للبيت الآمن المتفق عليه في دمشق.. بدل ما يلاقي زمايله الشيوعيين مستنيينه.. .. لقى ظباط المخابرات مستنيينه.. كانوا قبضوا على ناس زمايله و قدروا يخلوهم يقروا بكل حاجة تحت التعذيب.. فالمخابرات كانت عارفة كل حاجة عن رحلة فرج الله الحلو و كانوا متابعينه لحظة بلحظة من أول خروجه من بيته في لبنان..
المهم.. اتاخد الراجل م الدار للنار على المخابرات لاسورية عشان تبدأحفلات التحقيق و التعذيب.. كانوا عاوزين يعرفوا منه كل المعلومات الممكنة عن الشيوعيين في سوريا.. خلاياهم .. و المنازل الآمنة اللي بيتقابلوا فيها.. بس فرج الله الحلو استحمل التعذيب و مانطقش بحاجة.. ..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com