سيارة روعه بمعنى الكلمه من ناحيه الميكانيك والكهرباء والبدي وكلشي بيها وسعرها رخيص فقط تحب محسن ومي اصلي ودهن اصلي وانساها ليش هالتسقيط بعد بسبب كم واحد ماخذله مبجمه مهجومه هجم لو تصليح تلزيك الامارات مو يمنه صارلها سنين مثل الورد وكله محافظات وكبس نكبس بيها
وداعتك استاذ رياض صديقي اشتره ماليبو ضلت عنده تقريبا 5 اشهر بس بدل دهن وهاهيه وشرط اهله كلهم يفرفرون بيها واحد يسلمها للثاني مع العلم اني من محبي السيارات الالمانيه
وانت شلون تحكم باستخدام محرك من كم شخص من معارفك وممكن استخدامهم الخاطئ من وقود الى دهون بمعنى سوء استخدام ومدرت تقيمه خالو المحرك الملايين بكل العالم تستخدمه وباكثر من نوع يالسيارات كان سقطوه عالميا وانت تعرف بصورة عامة التيربو وال GDi تحب دهن اصلي ووقود عالي الاوكتان لذلك بالعراق يسموهن فاشلات والخلل بالمستخدم وليس بالمصنع
عمي عيب عليك اسقط بالسيارة هاي لو الماني جان سوبتها مقدسة مع العلم الالماني اذ تاخذها لازم تشتري بيت بالصناعي الماليبو سيارة عالمية وقوية محرك وكير فووول ومتانة فووول بس انت تحب اتقلل من عدها واسقطها بس والله عيب اذ معاجبتك لاتحجي .
اخوية عندة ماليبو 2021 ساكن باربيل ويخليلهة بانزين سوبر وبالصيف كوة تصعد الصعود اذا جبل ويطفي التبريد لان تحمة وللعلم مابيهة حادث امامي يعني ماملعوب بالراديتر او المراوح على جو بغداد بالصيف سلملي
والله كلشي متفتهم عندي ماليبو 2018. محرك 1500 صار 5 سنوات اجرخ بيها شمال اربيل سليمانيه من الرمادي اطلع لبغداد للشمال ما يوم وكفتني تبريد سرعة رزانه وقبلها جانت عندي النترا زيرو 2018 بسنتها اخذتها دمرتني
استاذ رياض الاستخدام الخاطئ يكوم محرك وكير مارسدس و bmw لان مي بوري ودهن دوره مخلي وبانزين عادي وحادث قوي وغراض تصليح تجاري يعني مين متخليه عميه أرجوا أن تنقل معلومات ادق
اخوان بلا زحمة عندي سؤال..🤔؟ انا اريد اشتغل خط فقط واريد اشتري سيارة بسيطة من ضمن فئة الرخيصة الي بسوك. بعد بحث وتحري لمدة جدا طويلة. انا احب مارسدس جامبو بس سعرهة يعني شوي مرتفع بالنسبة الي وشفت دايو برنس سعر نضيفة مالتهة ب ٤٠ ورقة واكو اقل بعد. فة انا فكرتي اشتري جامبو للتعمير كبل اسويلهة حدادة وابدل محركهة لمحرك مارسدس كاز واعمرهة ع ايدي شوي شوي فة شنو رئيكم بهاي فكرة لو كبل اخذ دايو برنس بحدود ٣٥ ورقة نضيفة ؟؟..🤔🤔
ممكن الشباب بحكم خبرتهم بالسيارات ف هواي قدموا نصائح تفيد الناس اللي ماتعرف وهواي حچوا عالبنزين العادي وانا بما انه شغلي بالنفط وبالذات البنزين العادي والگاز ف احب اگلكم البنزين العادي دمار للسيارة ونسبة الاوكتان حسب الشروط داخل الشركات النفطية الحكومية بالعراق تكون ٨٠-٨٤ تنضاف اله نفثا وبيه نسبة ماي وتتم معالجته داخل شركات المصافي اللي تم انشائها من السبعينات ف افضل خيار اشوفه انه الواحد يفول محسن واللي على كد امكانيته يداور بين العادي والمحسن حتى لايتعب المحرك
الصراحة الماليبو سيارة رقم 1 بالمقارنة مع المنافسين الالنترا والكورلا من ناحية الرزانة وعزل الصوت الي ما تلكاه بالكورلا والمواصفات كلش حلوة مقارنة مع اسعارها اني جنيت ماليبو محرك ١٥٠٠ تيربو والسيارة خير من الله اني افولها محسن وبالنسبة للدهن ابدل دهن نوعية متوسطة يعني التبديلة تكلفني ٢٥ الف كل ٢٥٠٠ كيلو على الممشى لان اي دهن تخلي بل اخير راح يتعب بسبب البانزين التعبان بل عراق
هذا بسبب ردائت البانزين ونوعيه الدهن غير مناسبه لهكذا محركات تنفس صناعي (تيربو) بالاضافه الى سوء استخدام وجهل السائق لكثير من امور ونرجع ونكول سيارات عالميه ونجحت بدول كثيره ماعدى العراق بسبب تجار الجشعين وقطع غيار من مناشئ مجهوله
4 سنوات الماليبو يمي مكينة 2.0 تيربو مافد يوم طبيت صناعه اله عل صيانه دوريه وتكلفني 350 الف فقط لا غير كل 6 اشهر اما البقيه فقط دهن ومي وبانزين محسن وبس
يشهد الله اني مثله راسلتك عليها وانت ما اقتنعت بيها أو بالأحرى ما شجعتني و اني اشتريتها سنه دمرتني محرك،وتيربو،وكمبريسرتبريد،3مليون دينار كلفتني و العوض على الله
سلام عليكم اخي العزيز ممكن نشر توضيحي حول السيارات التيربو مثل شوفر اكوينكس و جيمسي تيران مميزات وعيوب وفرقها عن نيسان التيما لان أسعارها اقل من دفترين ممكن وشكرا لك أخي العزيز.
تموتون على الوارد الامريكي والله شنو تيربو وبيها دكم هواي وهي مضروبة وملزكيها وجاي انت صاعدها وتكول صاعد وارد امريكي وهي حتى مواصفات وتصليح ما تطابق اجوائنا ولا مصلحينا عمي ماخذ وارد خليجي تنفس طبيعي وما شاء الله من ٢٠١٨ لحد هسه برغي ما فاتح بيها ابقو على وارد امريكي واشبع عطلات
مع احترامي لجميع لاكن فقط الغشيم اصير ويا هيج حاله لان بكيفيه يدير دهن ومي وياخذ وحده مهجومه وبعدي يضل يشكي سياره راقيه من كل النواحي اذا اطيته التريده من محسن ودهن اصلي و كل ٤٠ الف اسويله ادامه متكلفك غير منظف كاربريتر و نص ساعه تحياتي الك معلوماتك مفيده احيانا لاكن مو كله صحيح نتيجه عدم تجربتك مجرد استنتاج بدون تجربه.
والقرأن عندي وحده ٢٠١٦ صار تقريبا يمكن ٣ سنوات اني من نوع اهجم سيارة بج اصعد رصيف انزل رصيف كفر بدينها والحسين سنتين ما اندل دبه راديتر وين والماليبو صامدددده وابد ما طبيت تصليح عدا صدر بدلت
