اكثر حاجة كرهتني في ذالحراج المخيس كل يوم نفس السيارات ونفس الوجيه يعني حتى لو تجيهم بعد شهرين والا ثلاثه تلقاهم على وضعهم ماتغير شيء ، والغريب بالموضوع على ان سوقهم طايح وسياراتهم قرابيع وانوع الحوادث الا انهم ماسكين في اسعارها الجنونيه واللي ماتسوى ولاحتى نصف قيمتها ،،، يعني يمكن نقول ان داخل المعارض ارحم شوي من ساحة الحراج عالاقل يمديك تجرب السيارة وتفحصها على رواقه بدل قروشة هالدلالين في ساحة الحراج ... وسلامتكم .
سيارات ساحة المعارض كلها منتهيه اغلبها مصدومه ومحركاتها موضبه ومصلحه اي كلام وجايبينها للعماله يشترونها ويشغلونها في تطبيقات التوصيل غير الجديد مافيه كلام او شخص تعرفه وتثق فيه
السيارات كثرت جدا بالمعارض لأن محد معه كاش يشتري اغلب الناس تشتري من خلال البنوك وشركات التأجير المنتهي بالتمليك شعب طفران 😄 . بس المفروض يسوون لهم نظام عرض على النت يحوي كل المعارض ومايعرض فيها بالصور ويحدث بشكل لحظي عند بيع او ادخال أي سياره للمعرض لان في احيان الشراء يكون بالصدفه يجيك واحد جاي يتفرج مابراسه لابيع ولاشراء ف تقع على عينه سياره معينه وتطيح في نفسه ف يشتريها .