مشي كامل الناس كيفكيف والله نهار الخميس وليدي دارتلهم معلمة حفلة و التلاميذ الي مجابوش الصوالح خرجتهم الساحة حتى كملو الحفلة دخلتهم حسبي الله و نعم الوكيل
❤ عطلة نهاية سنة سعيدة لكل التلاميذ و اتمنى النجاح لكل المقبلين على شهادة التعليم المتوسط و منهم ابني قرة عيني عِمران وكل التلاميذ و جعل الله الفلاح من نصيب كل طلبة البكالوريا ، اما نحن الاساتذة مزال الحراسة و التصحيح والاستدراك ربي يقدرنا و يوفقنا ❤🎉
شكرا أختي على حنانتك ؤأخلاقك الطيبة ، وليدي سنة أخيرة في الإبتدائي ودع معلمة تاع العربية والفرنسية بالدموع وعطاهم لكادو تعبيرا عن شكره قالولو صحابو انت زفاف الله يهدينا وخلاص شگرا من هدا المنبر لكل معلم وأستاذ يتعب ويشقى باش يربي أجيال ❤،🌹🌹🌹❤
يعطيك الصحة والعافية كفيتي و وفيتي و زيدي العطلة اللي حاسدينا عليها و هي و الله ما تكفي حتى باش تعاودي تستجمعي فيها قواك العقلية و البدنية الله المستعان
عجبتني حبيبتي الالتفاتة نتاعك والله العظيم انا عاملة ليس في سلك التعليم عندي اختي استادة رياضيات وتبغي تعاون روحها بليكور بسعر رمزي ماتغليش علي التلاميذ والله كاين ليقراتهم قاع اعام ومين جات فالشهرين التاليين والله ماخلصوهاش حرام عليهم
أسمعيني مليح حبيبتي حبس الفيديو عند النقطة لي حطيتي عليها وبغيت نعطي رأيي أنا بنتي كي دخلت تقرا حكمها معلم أنا في نفسي مابغيتش بنتي حساسة وقلت المعلم ماشي حنين كيما المعلمة أمالا نڨولك والله ليعاملهم أحسن من بعض المعلمات كان عليهم وهوما يموتو عليه والتحفيزات والبطاقات من ٱجتهاده تقولي بنتي ليبغي يروح المرحاض وميعرفش يفتح سرواله هو يفتحه للأولاد ويبعث البنات للمشرفة حتى رباط الحذاء هو يربطلهم ماشاء الله المعلم رسالة نبيلة نحييكم أنا في صلاتي بلا مانحكي نلقى روحي ندعيله أما الحفلة حتى هو والله مايقوللهم بصح حنا الأمهات نجتاهدو ونفرحو أولادنا ونفرحو الملائكة صوالح نديروهم على العام جات غير على نهار الحفلة ❤❤❤🌹🌹
السلام عليكم اكيد في كل مكان كاين اساتذه يخافون الله عز وجل ويعملون بكل جد وكاين بعض من الاساتذه وللاسف ولكن يجب على التلميذ في كلا الاحوال ان يحترم استاذه لان قيمه الاستاذ كبيره جدا ربي يجازي كل استاذ درس اولادي ولا استاذه خير الجزاء خاصه في نهايه العام عندما راى ابنائنا نجحون هذا النجاح شارك فيه اساتذته ايضا فبارك الله فيهم
والله كلام في الصميم وهذا واقع رانا عايشينو الاستاذ راه داي الشيعة بالبزاف حان الوقت للاعتراف بمجهودات الاستاذ كل الاحترام والتقدير للاساتذة ربي يوفقك حبيبتي بنت ولايتي وراني فالميدان وعارفة كلش ربي يهدينا ان شاء الله ❤❤❤❤😊
الطفل ما يعرفش يكذب وشعور تلاميذك يتم على حبهم ليك وهدرتك عليهم بءحساس يفكرني بوقتنا كي كنا نقدر الاستاذ ونحترموه لءقسى الحدود ربي يباركلك في صحتك و غي وليداتك
