كينقلو منها و هي عارفة و كتحط ليهم الجديد و كتقوليهم نقلو بصحتكم 😂 محسدنا الناس غير هو ناس ديما تشكر المعلم و تدعو له بالخير و ليس ان تنسب لنفسها مجهودات الاخرين مكندويش على رشيدة كندوي عاامة
سلام ختي رشيدة الله يحفضك لينا ديما كتفدينا وكتفيقنا على الزمان لغلا بصح مصروف رمضان صعيب لمجرب هو ليحس بيك أنا داك العام والله أختي مدرت لا سفوف ولا شباكية منكدبش عليك بقا فيا الحال وليداتي صغار وكيشوف عند الوليدات المهم راكم عارفين خديت ليهم غير نص كيلوا شباكية
انا اختي غادي ندخل في تحدي 50 درهم لكرطونة رمضان. فهذ الشهر أكتوبر غادي ناخد 20 درهم لوز و 20 درهم زنجلان و 10 الدراهم اللي غادي تبقى نوزعها على القرفة والنافع وحبة حلاوة والمسكة الحرة ونخليهم للصفوف الله يجعل البركة. وشهر نوفمبر ان شاء الله ناخد 2 قوالب السكر ب24 درهم وخنشة الدقيق الحلويات 5كيلو وعبايات الملح. شهر ديسمبر ان شاء الله ناخد بيدو 2 لتر زيت وبكية الخمارات شهر يناير ان شاء الله ناخد الشعرية الصينية وناخد الفرماج الأحمر ونقطع ونحطه فالمجمد وناخد بكية الخميرة الفورية شهر فبراير ان شاء الله ناخد شوية الثمر وقريعة صوص الصوجا وشوية معلبات الاسمري. والشي الاخر نساعفو مع مصروف الشهر الفضيل والله يجعل شي بركة . اللهم ولا والو
