قوم ياصف الثبيتي مادام الليل دوبه
المواقف ماحتماها ولد ماهو ولدها
انت لك تاريخ والمجد ماتغوى دروبه
سيره من العز لا قبلها ولا بعدها
قايدك وقت اللقاء كنه النار الشبوبه
خالد ومن دور الوقفة لخالد وجدها
فايز ابو رجيله
واخوياه يجملونه لاصفوا في جنوبه
آهل الوقفات والسابقه تطلع بيدها
من دعاهم قالوا ابشر بنا في كل نوبه
دعوة الطيب ليا جات لازم نعتمدها
التراث تراثنا والاصاله والعروبه
مانعذر فيه وأهل البلد تحما بلدها
محمد بن زياد
لا دعانا داعي الاوله ننقاد صوبه
يبشر بهيبة رجالن تجمل في وعدها
المحازم شانها شان والروس امعصوبه
لابتن وقت المواقيف مايضعف جهدها
عاد صف ثبيت لا من حضر هبت هبوبه
والعزواي والحميا تزايد في عددها
رشدي السيالي
صفهم جمل عتيبه وفالقمه رقوبه
والصفوف اللي ماهي مثلهم ما نعتمدها
والعتيبي لا وقف كل خلق الله دروبه
وقفته تعطيه هيبه وعزه مابعدها
عناد الشيباني
المحازم بيّنه و المواقيف محسوبه
بشّر اهل الحفلة بليلةٍ ضافي سعدها
التراث يمثلونه ولا ينقص وجوبه
حي والله وقفةً من عرفها ماجحدها
صف الاد ثبيت في كل ماقف رحبو به
والبيوت الثابته مارفعها الا عمدها
عيضه بن دبيان
صفٍّ يجمّل في كل الامور اللي تنوبه
ورايته في كل قمة جبل تطرخ وحَدْها
يضربون الارض وتولّع الدنيا شبوبه
من يحاول ينقد صفوفنا لا ينتقدها
ثامر البراق
20 сен 2024
