#جــدييــد_وحــصـــري
#شيلة_قنع_قلبي
#جواب_الشاعر
#سالم_الذيباني_أبوهيثم
#على_بدع_الشاعى
#عبدالرحيم_القحم_العمودي
#أداء_الـمــنــشـد
#صقر_القثمي
#عازف_العود
#عمر_السيو.
#مكس_وتوزيع
#أستديو_نعم_النجوم
#مونتـاج_واشراف
#ابوراكان_المشجري
يامرحبا قال سالم بالذهب والدرر
ذي جات من عند شاعر حين طاب السمر
بارد له قال بو هيثم ولا شي مناص
قلبي قنع منكم خلاص والله خلاص
بالله قل دان غن ع صوت ذا ياصقر
بارد ع القحم يوم القحم حاله بشر
فرر طيوره وزقل بالشبك والقفاص
قلبي قنع منكم خلاص والله خلاص
وش فيك يابن العمودي كنه الحلو قر
مانته على عادتك قد صار قلبك حجر
من حب حد بيقسم قلبه لاجله نصاص
قلبي قنع منكم خلاص والله خلاص
حافظ على الزين ياحافظ ولي جيه شر
عاشق ولا رضى لاي عاشق يجيه الكدر
والعشق مافيه شي باص ودينا وشاص
قلبي قنع منكم خلاص والله خلاص
شفني انا والذي حبه سحاب ومطر
لاغلطت جيت اعتذر له وان غلط هو اعتذر
نجلس ونهرج ونتصافى بدون انتقاص
قلبي قنع منكم خلاص والله خلاص
تفدا حبيبي عيوني كلها والبصر
وان عشقت العين احد غيره لبوها الجهر
لو غاب اجلس كما ذي هو على الجمر عاص
قلبي قنع منكم خلاص والله خلاص
لو يشرب الماء تعد الماء بحلقه قطر
اما شفايفه فيها توت طاز حمر
والخد ابيض وناعم مثل فيبر قلاص
قلبي قنع منك خلاص والله خلاص
مايستقر قلبي الا حيث ماهو استقر
وان بايسافر معه قلبي عزم ع السفر
من شان خاطرة احجز طايرة اير باص
قلبي قنع منكم خلاص والله خلاص
هذا جاوبي وهذا الرد بالمختصر
وانته بصر بالقلوب العاشقه بالبصر
واقعوا حريصين واحنا في المحبه حراص
قلبي قنع منكم خلاص والله خلاص
20 сен 2024
