حصري اسعار الحلويات 2023 بعد زيادة في الأسعار/بالكوكاو واللوز و بالحبة وبالكيلو/طريقة حساب سعر البيع 

مقروض 90 الف للكيلو و 7 الاف للحبة قريوش ساميل للحبة على حساب الشكل و الحجم .. و للكيلو 80 الف بقلاوة بالكوكاو 140 الف للكيلو و 7 الاف للحبة و اللوز 13 الف للحبة و 260 للكيلو مشكلة 7 الاف للحبة بالكوكاو و ديكوراسيو تلعب دور اذا زوقتي بالبندق .... زيدي سومة و 140 للكيلو و تاع اللوز ضعف الثمن تشاراك للحبة بالكوكاو 8 الاف للحبة و للكيلو 160 صابلي بالمربى و جنجلانية و لا اي صابلي سامبل للحبة ساميل و 120 للكيلو صابلي بشوكولا بكريمة الزبدة سامبل 5 الاف للحبة و للكيلو 130 صابلي بريستيج شوية 6 الاف للحبة و 140 للكيلو و صابلي بريستيج تاع الصح حتى ديميل للحبة و 180 للكيلو لي تارتولات 7 الاف حتى 8 الاف للحبة 160 للكيلو حتى 180

أسعار بعض الحلويات 🎀مقروط بالكوكاو 60 الى 70 دج 🎀كيلو مقيرط 300 دج(سعر عند محل يبيع الباتيسري و الحلويات) 🎀الخفاف او السفنج من 35 دج الى 40 دج 🎀كعيكعات من 60 الى 90 دج حسب الحشو و التزيين 🎀مشوك عادي بالكوكاو 30 دج ،يزيد السعر حسب التزيين 🎀صامصة بالكوكاو 70 دج 🎀حلوة اللمبوط او المحڨن 600 الى 700 دج للكيلو 🎀طمينة مول صغير 60 الى 80 دج ،و اذا كان تزيين باللوز و الجوز تلحق حتى 160 دج 🎀كيلو صابلي عادي 700 دج 🎀تمر محشي 60 حتى 100دج حسب الحشو 🎀بقلاوة روايال بالمكسرات 120 الى 140 دج 🎀قريوش 40 الى 50 دج للحبة 🎀بقلاوة تركية 60 الى 100 دج حسب الحشو 🎀براج 40 دج 🎀بقلاوة بالكوكاو و تزيين بالجوز 60 الى 80 دج 🎀تشاراك العريان لوز 120 الى 140 دج 🎀تشاراك العريان كوكاو 80 الى 90 دج 🎀شخشوخة 300 الى 400 دج للكيلو 🎀لي كورني معسلين بالكوكاو و جلجلان من 80 دج الى 140 دج اذا اختلف الحشو 📌على العموم الحلواجيات يتبعو طريقة حساب👇👇 سعر السلعة ضرب 2 و اقسمي على عدد الحبات 📌و يختلف السعر من منطقة لأخرى حسب الطلب و سعر لوازم الحلويات

اختي تعيشي انا متتبعه وفيه غير منعرفش لفرنسي تعيشي حطينا دايما الاسعار بل عربيه

شكرا. على مجهوداتك مزيد من النجاح استفدت من هذ الفيديو الكثير. اذا امكن اي فيديو تحيطيه ديرينا أسعار الحلوة بالكيلو فضلا وليس امرا

متابعة من بجاية ...بارك الله فيك شكرا جزييييلا عاونتيني فالاسعار بزاااف ربي يحفظك

سلام الله يعطيك الصحة ختي جزاكي الله كل الخير ، مشتركة ، جديدة انا جاتني كموند نتاع البنيون بالكوكاو و الكنافة و الشكولا الوجدان شحال نحسب للحبة و الكيلو ( قوليلي الكيلو شحال يجي فيه من حبة) الله ينورك

انا نخدم برستيج بستالاف وبقلاوة بخمسالاف والحمد لله فيها فايدة

بارك الله فيك اختي كنت نحتاج هاذ الفيديو بشده في ميزان حسناتك يارب

بارك الله فيك على المجهود الكبير ان شاء الله ديرينا مين تشري لوازم الحلويات

يطيك الصحة ربي ينورك والله كنت حايرة فلي بري. صح رمضانك

Merci bcp madam Rabi ihafedak ou yasaterak ou yehanik kima hanitini❤❤

الله يحفظك فيديو مفيد جدا. لو انك فقط زيدي تفاصيل على حجم الحبة إذا بغينا ندو حقنا نيشان وزن العجين والحشو

انا مشتركة جديدة عندك قناتك مشاء الله ابدعتي ،ربي يعاونك وربي يحفضك ،على المجهود المبذول ،والتوفيق

مشاء الله عليك وبراك الله فيك كنت جدا جدا محتجتلو هذا الفيديو جعلها الله فا ميزان حسنتك

شكرا حبيبتي الفيديو جا في وقتة يعطيك الصحة ودمتي متالقة

ماشاء الله يعطيك الصحة اول مرة نلقا وحدة تمد النصائح من قلبها ومتبخلش بارك الله فيك❤

والله جا في وقته فيديو مفيد جدا بارك الله فيك

ختي انا دخلت لافديو على جال الاسعر ونشكرك ختي ني سمعتك هدرتي على شكولة دادا والوجدان انا ختي دادا مؤخرا مولاتش تنجحلي ماعرفتش علاش كيش ما راني ندرلها رها تتقالي بزاف

جزاك الله كل خير حببتي ربي يباركلك ❤

مرحبا البنات ❤شحال راكم تحسبوا في العجينة المورقة !!؟

الله يعطيك الخير في ميزان حسناتك انشاء الله

شحال الاسعار تاع 2024وشكرا

Merci pour votre aide franchement vous m'avez donné bcp d'idées merci

ختي ربي يحفظك قوليلي العرايش شحال للكيلو وشكال يقيس مل حبة؟؟

يعطيك الصحة وربي يفرحك ختي 💓🤝 بارك الله فيك

شكرا على المصداقية تاعك حبيبي

انا ديما نخدم لقاطو تاعي يجي بزاف بنين ولعجينة نخدمها بصفار متقطعليش بزااف وناس متبغيش سومة لتعطيهالهم

يعطيك الصحة وربي يجعلها في ميزان حسناتك

شانڨولك ختي بارك الله فيك والله يعطيك ألف ألف صحة ياااااارب نفعتيني تاع بصح وفيتي وكفيتي 💞💞💞💞💞

بارك الله فيك فيديو مفيد جدا في ميزان حسناتك ❤❤😊

شكرا متتبعة جديدة عندي مدة مخدمتش القاطو بصح الحمد لله نفس السعر ليقلتيه خدمتبيه العروسة ربي يهنيها

يعطيك الصحة ختي سيرتوا في وهران كنت نحوس على ليبري صحيتي

شكرا اختي كنت نحوس عليه رايحة نبدا ملقيتش كيفاه مشكورة حبيبتي

الفيديو جا في وقته ربي يحفظك

يعيشك شحال تحسبي سنيوة بقلاوة تع 30 حبه باللوز و يجبولك اللوز ؟؟؟

جات في وقتها ربي يحفظك اختي

بوركتب اختي ساعدتينا بزاف

سلام عليك حنون ربي يعاونك ويقدرك والله كلش بالطبع ربي يرزقك مشاء الله عليك 🇩🇿🇩🇿🇩🇿👏 والله يا اختي المهم ڨاطو يجي بنين و ميخربوش في الحلويات التقليدية تخدمه على أصوله و تطلب سومته

سلام ختي درتي خير كمليه لوجه ربي انا بغيت نبدى نخدم المقروض والقريوش كفاش نخلص اذا نڤلهم يخلصوني قبل ولاحتى يدوا صوالحهم خفت يڤولولي اخدملينا ومن بعد ماتجيش ولاتڤولك بطلت والله يعاونك ويفتح عليك بيبان الخير

اختي كم ثمن الغريبة تع سكر العادية للكيلو كمشروع وكم ثمن طلبية 15 كيلو وشكرا

الله يعطيك الصحة و العافية و ربي يجازيك على مجهوداتك و الله نفعتيني بزاف انا اليوم خدمت كوموند قريوش و بعتو ب 60 الف للكيلو و بفضلك ان شاء الله المرة الجاية نتعلم الدرس مليح جزاك الله خيرا في الدارين و كملي معانا خيرك باش نستفادو الله يرضي عليك

شكرا لك بارك الله فيكم موفقة ان شاءالله

يعطيك الصحة اختي والله استفدت منك ولقيت روحي نخدم كيما السومة الي حطيتيها غير عجينة اللوز الي منخدمهاش كما قلتي بالنسبة الغربية ،الطابع كنت مانحبش نخدمهم نحير كفاه نطلع سومتهم يعطيك الصحة

Merci bcp cousine ya3tik saha khasni les prix ta3 les tarte Ila tkadi dirilna vidéo ❤️❤️❤️

بارك الله فيك ختي جزاك الله كل خير

ربي يحفظك ويسعدك ويوفقك ❤❤والله غير إستفذينا من عندك بزاف و نتمنى إنشاء الله تعاودينا الأسعار الحلويات بالكيلو حاليآ لسنة 2024 و مكتوبة أحسن و سمحيلنا هبلناك و كثرنا عليك 😊😊و ربي يجازيك كل خير❤❤❤❤

يحفظك ربي نشاله. شحال سومة الحبة نتاع البقلاوة كي تكون السلعة من عندك

الله يعطيك الصحة يا اختي بارك الله فيك

بقلاوة روايال بلكاوكاو شحال نحسبها كي نديرها نص حبة جوز ونص بندق ونص نوات كاجو

أختي من فضلك الكيلو شحال فيه من حبة عرايش ارجو الرد مزروبة

يعطيك الصحة اختي ربي يعاونك

بارك الله فيك اختي

مشكورة حبيبتي ربي يجازيك

الله يعطيك الصحة الاخت و ربي يوفقك من فضلك محتاجة الاسعار تع الفاكية بالكيلو تع الكاوكاو و تع اللوز اذا امكن و شكرا

لعسل تاع الدار خير من تاع برا

فيديو كافي وافي بارك الله فيك ❤️

ماشاء الله الله يعطيك الخير أختي

اختي تعيشي كي تعود سلعة مقروط منعندها شحال نحسب لحبة

زيدي حبيبتي قوليلهم لي طيب في فرن بروفيسيونال تاع الكهرباء مشي كما طيب في فرن السعادة

ربي يوفق الجميع لما يحبه

يعطيك الصحة حبيبة ربي يحفضك ويجازيك

شكرا حبيبتي والله جات في وقتها بغيت نسقسيك جلجلانية بريستيج شحال

بارك الله فيك

يعطيك الصحة الاخت ربي يحفظك

سلام عليكم عيشك حابة نسقسيك كي تخدمي بقلاوى لناس كلش من عند لمرة ونا حق يديا بشحال نحسبهالها لحبة بليز 😊

بارك الله فيك ماشاء الله ممكن سعر حبة البقلاوة تاع عجينة الفيلو

ختي حمبوك جاوبيني خدمت ١٠٠ حبة قاطو بدون طهي فيه الكوكاو و لوز و قطايف و لميت بكراميل لالوفا شعال نحسب للحبة و زينت بالقرقاع و فاي دوغ و كاجو

شكرا ليك بزاااف كنت متردة فالاسعار هنيتيني❤

استغفر الله العظيم واتوب اليه من كل ذنب عظيم استغفر الله العظيم واتوب اليه من كل ذنب عظيم استغفر الله العظيم واتوب اليه من كل ذنب عظيم استغفر الله العظيم واتوب اليه من كل ذنب عظيم استغفر الله العظيم واتوب اليه من كل ذنب عظيم

من فضلك أختي قوليلي حق يدك في المقروط للكيلو كي تكون سلعة من عند الزبونة

انا جديدة معاك تعيشي شحال مقروط اللوز للحبة و40حبة شحال نشري اللوز❤

كيديري حلاويات لجافة بقداه تحسبي حق يديك برك يعني قداه نحسبهالها لحبة بليز 😊

شكرا

سلام اختي بغيت نصحح المعلومة في ما يخص حساب السعر سعرالمشتريات تضربيه في 3 وحدة تاع السلعة وحدة تاع التعب والغاز والكهرباء والايزيز إلى آخر ه التالتة هي الربح اما سعر المبلغ الي تتحملي عليه قسميه على الكمية لى تلقيه هو سعر بالكيلو

هادوك هوما اسعار كلشي راه نار معا تعب ماعين والله ربح قليل حتا كاش نهار نجي نكموندي عليك ندوق حلويات

ربي يخليك وينجحك مشكورة جدا ممكن اسعار المملحات بالتوفيق

❤يعطيك الصحة والعافية

شكرا على المجهود وربي يجعلها فميزان الحسنات

شكرا اختي

ختي من فضلك كي يكون نتي تومبالي الحلوة فالبايط شحال تحسبي السعر ؟؟

الله يعطيك الصحة شحال نحسبوه المشوك تعيشي ديريلنا فديو عن اسعار المملحات.

Ya3tikk assaha welahhh stefadt bzzffff .....

ماشاء الله اول مشترك لك من تلمسان

حنا كيلو تع مقرود كوشة كيلو 140الف اما لكان تكومنديه من تع دار بلغرس تع بطانة 300الف بلاطو كبير

يعطيك الصحة

يعطيك صحة لقيت لي تفهمني ❤❤❤❤❤

صلى الله عليه وسلم صلى الله عليه وسلم صلى الله عليه وسلم صلى الله عليه وسلم صلى الله عليه وسلم صلى الله عليه وسلم صلى الله عليه وسلم

بارك الله فيك 🌺 بالتوفيق للجميع 🥰🌷🥀

و لي تخدم بزبدة البقر و زيت فلوغيال و شوكولاطة تاع callebaut كيفاه دير يعني لي تخدم الصحي ممكن تجاوبيني ؟؟

صحة فطورك ختي حبيت نسقسيك صابلي سامبل فيه زقزاق بشوكولة بشحال نحسبوا للكيلوا من فضلك

من فضلك بقلاوة لوز و كوكاو شحال للحبة تعيشي قوليلي

سلام صاح رمضانك تصومي بالصحة والهناء حبيت نسقسيك على الصامصة تاع لعجينة فيلو تقليها في الزيت ولا نطيب في الفرن

شكرا لك حبيبتي

هبطلينا قائمة تع الأسعار في فيسبوك

أنا مبتدئة شحال نحسب سعر كعيكعات الطلية للتخرج بالكاوكاو

Ana nekhdem mekrout besmen wa tmer ta3 sahra nehedmeh wahdi wandir louz fih chaal nehesbeh

يعطيك الصحة ❤❤❤

شكرااا اك

اختي من فظلك قولينة السومة بلوغة تاعنا العربية من فاظلك وباركة الله فيك وعطيني لبري تاع الڨاطو بالكاوكاو ومعسل وشكرا

Slm t3ichi khti habina le prix ta3 les fans de tarte b la crème diplômate o b la crème au citron o li yhabha vide ch7ale nahasbouha