بعيدا عن الشرح والتفصيل الرهيب كويس ان في المقطع مافي موسيقى هذي من الأشياء الشبه نادرة في هذا الزمان مغير يزعجونك بصوت الدقيقة والاغاني استمر الله يجزاك خير ويثبتك
طيب ترى المشايخ حرموا التصوير ههههههههههههههههههههههههههههههههههههههههههههههههههههههه شلون تشوف وهو حرام ومركز على الموسيقى اللي حرموها ؟ يعني تاخذ اللي تبي وتترك اللي تبي
رغم انه مالي بالكامري الجديدة بس ياخي تكفى خلك على ذا المستوى في محتواك وطريقة عرضك وسردك السريعة للسيارة ومواصفاتها قسم بالله يا انك غطيت على كل باقي حقين اليوتيوب الي غثونا بس هرجهم واجد على قل سنع ولا تفهم منهم شي ولا يعطوننا الزبدة و المختصر المفيد زيك .. ما شاء الله عليك والله يعطيك العافية
الله يسعدك ويسعد ام ام ام اللي جابك ي شييييخ ، اول شي مافيه ازعاج بالموسيقى وغثاها ، ثاني شيء وربي تفصيل التفصيل ، ومختصر المختصر ، حرفياً افضل من فصل الكامري وفئاتها تفصيل واعطاك الزبده بإختصار ، شكراً من القلب اخوي هاني 🤍🤍
ضعت في البدايه وبعدها استوعبت طريقته.. اعتقد لورتب كل فئه لحالها وخلى المشاهد يفكر ولكن شفت انه عمل المقارنات اثناء الشرح ... طريقه جميله وسريعه ..العمل متعوب عليه شكرا
والله فعلا الصين وكوريا رفعوا لنا مواصفات السيارات اختصروا ١٠ الى ١٥ سنه قدام 👍👍 وللاخ الي يقول ماحد درى عنهم ترى برغم من تفضيلي للكامري من صغري الا اني فكرت وأخذت القرار اني اشتري هونشي اوسادو قبل لا تنزل ذي الفئات لكن الحين ممكن اغير رأيي والله ييسر الي فيه الخير 👍
استغرب عندكم ب السعودية لغاية الان تشترون ياباني مشلح مواصفات عنا في الأردن السيارات اليابانية اصبحت غير مرغوبة كله يشتري صيني وكوري وقصة الجودة طلعت كذب ندعك السيارات الصينية وزي ما هي بدون مشاكل
الف الف الف شكر على شرحك الكافي والوافي والمختصر انا مقدر مجهودك وشاكر له لان كل هذا الشغف و التفاني تحت اشعة الشمس 🌞 كل معلومة احتاجها موجودة في الفيديو شكرا لك وجزاك الله الف خير
الله يجزاك الف خير، على كثر ما قعدت ادور باليوتيوب ما شفت شرح سريع و جميل و مفيد زي مقطعك، بيض الله وجهك شفت الفئة الي ابيها و مواصفاتها و الله يكتب اجرك 🤍
اهنيك على اسلوبك وطرحك السهل الممتنع ويعتبر هذا مرجع للامانة للي ناوي يشتري السيارة ماشاء الله تبارك الله كم هائل من المعلومات مع الفروقات بين البنزين والهايبرد .. لا موسيقى لا فلسفة زيادة لا يد تغث المشاهد على اساس يورينا الساعة ! ولا شرح كأنه قيمر !شرح كامل مكمل ووافي واسلوب اجمل من الجميل شكرا لك والله يكثر من امثالك واتمنى ندعم الڤيديو بلايك وشير يستاهل 👍
اسعار الكامري فئات البنزين ستاندر E 105,340 SAR 1:22 ---- نص فل LE 117,070 SAR 3:04 ----- فل كامل Grande 140,990 SAR 4:20 ------------------ فئات الهايبرد ستاندر E 106,605 7:18 ------ E-plus 111,550 8:57 -------- نص فل LE-HEV 120,060 SAR 9:17 ---- فل كامل ( افخم فئة من الكامري ) Luimera 149,500 SAR 9:57
هذه المراجعات اللي نتمناها شرح لكامل الفئات والفروق بينها مع ذكر الاسعار قبل فترة كنت ادور عن سيارة مو كل الفئات مذكورة ولا اعرف ايش الفرق بينهم. سهلت علينا كثير
@@عبدالالهالعمري-ش7خ اذا متوقع ان ابوجميل جاب البنزين للسوق السعودي خاصة انت غلطان فيه اسواق كثير حول الهالم لازالت ترغب في محركات البنزين واهمها السوق الروسي اما من ناحية السعر فالسعر غالي 140 الف ريال للجراندي تجيب لك سيارات اعلى مواصفات بكثير وفيها اربع كميرات ورادار وحفاظ على المسار ومنها السوناتا وجميع مواصفاتها شد مصنع هذه حتى انوار المحيطية تركيب ورش الخرمه
ماشاءالله تبارك الله شكرا على شرحك الجميل والمختصر + مو بهين ابو جميل والله وتغير وصار يدلع الستاندر ورغم ان شكل السيارة مو نفس جمال اللي قبل بس مع مواصفاتها ممكن تنسى شكلها ماشاءالله واحلى شي كمان انه ما تفلسف ولا كثر من الاشكال وصارت الان واضحة واوضح من قبل ويارب ارزقني عشان اشتري لو فئة النص فل او لو اي بلاس ويارب 🤍🤍🤍