فاللخر نتاع الفيديو راني جاوبت على سؤال المعدل و قلت بلي منيش مرتاحة نجاوب عليه لأنوا كانت صدمة بالنسبة ليا و خاصة أنا كنت نحاول نحفزكم و نتوما كنتوا تستناو فيا و لقيتوا حابين تعرفوا نتيجتي ، الحاجة اللي نقدر نقولهالكم أنوا موصلتش منبصح الحمد لله على كل شي ❤
لعله خير ممكن ربي يحبك علابيها بعد عليك هاذي الحاجة بوسك ممكن تضرك وتأذيك ديري في بالك بلي كاين بزاف خيارات وحوايج اخرى خير ملي كنتي دايرتها في بالك خطط الله دائما اجمل
لينة نصيحة مني ليك🥹🥹 ، اذا رح تعاودي الباك ولا مخممة في الموضوع ما تقولي لحتى واحد قوليليهم رح نقرا في اللافاك ، حتى في السوشل ميديا ما تنشريش قاع عليه ، حتى كي تعقبي ماتقوليش ... نهار تخرج النتيجة أصدمي الناس سواء متابعينك ولا اقاربك (حتى اذا ما جبتيش وش تحوسي اصلا واحد ماكان سامع بيك )، هكذا أحسن يروح عامل انك حاسة الناس يستناو فيك شغل يتولد عليك ضغط ، وربي يوفقك سواء رح تعاودي ولا رح تقراي في اللافاك 🩷
جماعة ما تفقدوش الامل تجربتي باك 2022 :14.93 باك 2023: 14.63 باك 2024 :16.84 والحمد لله كون شفت للباك لي هبط معدلي فيه و خدمت بالعاطفة و الله لا نعاود و لكن ربي سبحان قدرها و مدلي على قد تعبي و مخيبنيش
يا لينا إذا راكي حابة تعاودي الباك ابعدي على السوشيال ميديا و الهاتف أنا خلعت كيفاه تصوري و تديري المونتاج ؟؟ يضيعلك بززاااف وقت احكمي هذا العام بإذن الله عاوديه و بعدي على السوشيال ميديا و ركزي و ديري كامل واش عندك و منبعد بإذن الله تجيبيه كيما حبيتي و ارجعي
@@Mima-r8y ننصحك سجلي في تخصص أحلامك وبلوكي واقراي حاجة أخرى ترضي والديك بباكاتك لقدم باش نهار اوخر تلقايه ولا حسب القانون الجزائري بعد ما تدي الباك بخمس سنين تقدري تسجلي بيه تخصص جديد منا لهذاك لوقت ان شاءالله يقتنعو يارب وحاولي فيهم ربي معاك ومتقوليش هكذا تقربي من ربي سبحانو واشكيلو همك وبإذن الله يتحقق كامل واش راكي حابة يارب
هذا وين تلاقيت بالقناة تاعك وعرفت بلي كنتي دايرة المدرسة العليا للبيوتكنولوجيا برومو تاع 2023 ( مام انا كنت نقرا لثم مي ماتلاقيتكش لأني بلوكيت العام قريت غير شهر ) أنا عاودت الباك والحمدلله ربي وفقني ووصلت وين حابة يعني هاذ العام كان باكي الثالث حبيت نقولك إذامازالت غصة التخصص لي راكي باغياتو عاودي على جالو وماتقولي لحتى واحد من غير داركم ( الرسول ﷺ يقولنا اقضوا حوائجكم بالكتمان) اتوكلي على ربي وعاوديه لآخر مرة وادعي ربي يوصلك للحاجة لي باغيتها إذا كان فيها الخير وان شاء الله ربي يبدلك بالبيوتاك بتخصص فيه الخير ويرضيك بيه
ماشاء الله ربي يوفقك،، بالنسبة للباكالوريا إذا عندك حلم وحابة توصليله أعطي لنفسك فرصة أخرى فالحياة مرة في العمر،، ولابد أن نكافح لأجل شغف يعترينا وحلم نبتغيه حتى وإن خسرنا مرات ومرات لأجل هدف ما،،المهم السعي للأخير لأن الحلم يستحق أن تقدمي لأجله الكثير،، بالتوفيق 💪🏼😌💙
والله يا اختي ساعات حنا نسعاو لطريق ربي ما يسهلش فيه وتكون نتيجة هاداك السعي طريق اخر وهاداك هو الطريق لي راح تنجحي فيه وربي يسهللنا كامل ولا يحرم واحد من فرحة ❤❤
لينة انا الحمد الله ديت الباك عامي اللول مي مشي كيما كنت حابة ومشي الجهد لي درته راني حابة نعاود هل تنصحيني + حابة نبدا يوتيوب هل نبدا و الله انا نحب تصوير و قاع والله ني حايرة ضا تنصحيني نظرا نتي عندك خبرة + ربي يوفقك في التخصص لي درتيه و متخلي والو في خاطرة باغيا تعاوديه عاوديه متخليهاش غصة في قلبك تندمي عليها منبعد وزيد رامي ديجا قاريا يعني ماراحش تنغبني ههههه سبحان الله قاعدا نشجع فيك و ننصح فيك و انا خصني لي ينصحني حسيت ني نوجه الهدرة لروحي المهم نحبك و نتمنالك الخير في حياتك
ان شاء الف مبروك حبيبتي ولعقوبا لنجاحات كثر وان شاءالله ربي يكتب الطريق اللي فيها لخير واذا حابة تعاوديه ننصحك استخيري واذا خلاص حبيتي تعاوديه بعد الاستخارة ننصحك ماتقولي لحتى واحد كيما وحدة قالت في الكومنت سجلي واقراي وحتى حنا متقوليلناش هذا افضل ليك ولنفسك وكيما علابالك تبقى العين حق ونهار النتيجة اذا حبيبتي تقوليلنا قولي وربي يوفقك وييسرلك طريق الخير يارب اللهم آمين ❤❤❤
اذا كان عندك حلم متستسلميش عزيزتي لينا ، الدنيا هاذي مش لازم كلش يصدقلك من لمرة لولة ، اذا اتخذتي قرارك انك تعاوديه عاوديه ف السر هكداك خير ينقص عليك الضغط انو كاين عباد مستنيين حاجة منك ، توكلي على ربي و عمرك لا تفشلي مزال المستقبل توالك ، و توصلي بإذن الله لوش راكي حابة و كثر💞💞 Love youu🎀🎀💗💗💗
السلام عليكم الف مبرووووك لك و متستسلميش الزينة والله نحبك ديما كنت نتفرج فيديوهاتك في جهاز اخر بعدها في ذاك الجهاز حذفت الحساب لي كنت نتابعك منه وراحت لي قناتك مزدتش لقيتها اليوم بالصدفة كنت نقلب في اليوتيوب لقيت قناتك غير شفت الصورة المصغرة لي كنتي فيها طلع لي المورال تفكرتك وعرفتك دخلت الفيديو بعدها قرأت العنوان وشفت كامل الفيديو معرفتش نكون سعيدة كي عاد لقيت قناتك ورح نبقى نشوف فيديوهاتك ولا احزن على حزنك في فترة تلقيك لواش ماكنتيش متوقعه كلنا نمر احيانا بخيبات ولكن الأصح اننا منعتبروهمش خيبات امل لانو املنا جامي ولا نخلوه مقتصر على حاجة دونياوية لان الدنيا متعلقة باقدار مكتوبة لنا وقادر تكون ضاهريا شر ولكن ديما في باطنها خير ومن وراها ديما حكمة لا يعلمها غير الله أما لأصح ان املنا الوحيد في الدنيا هذه يكون الله لانو كي نتمسكو بالله رح نرجعو عارفين بلي ربي صح رحيم بل وارحم الراحمين يعني ارحم من والديك وارحم من احب الناس اليك يعني ربي مش رح يخلي لك في حياتك الا الاقدار الجميلة لانو حتى القدر لي تحسبيه مش مليح هذا راه قدر مليح وانما ضاهريا فقط يبان مش مليح والباطن تاعه ديما خير وهذا الخير رح يكون هو العوض الجميل مالا الزينة انا من كل قلبي وكي ختي ننصحك تعاودي الباك ومتفقديش الامل ومتعلقي اي امل الا في الله اصبري ياك سيدنا ايوب عليه السلام السنوااات والسنوات مضت وهو يعاني في كل سنة يقول رح اشفى وأتحسن كل شيء يرجع كيما حاب بصح في كل سنة يبقى على نفس الحال ومستسلمش رغم كل المعاناة الاكل الماء مكانش عنده وقومه كانو ضالمين ومعرف يدير والو واولاده ماتو جميعا دفعه واحدة ومرته باعت شعرها كامل علجاله من اجل ثمن قليل جدا رغم هذو وبقى شاد غير في ربي وبقى يدعي الله 18 سنة من عمره حتى جاء الفرج والعوض الجمييل فما بالك باختبار باك فقط والله عادي شوفي عاوديه ومتنزلي والو ولا نزلي ومتقوليش راكي تعاودي فيه لأي واحد ومتصوريش على القرايا والله غير يعاينوك ولا يحسدوك حتى في المحتوى المفيد انا ننصحك متنزليش اقطعي فترة من الزمن من اجل نفسك و رأيي ورأيك وأراء الجميع مديريش عليهم قد ماتديري على استشارة من الله مالا صل ديما صلاة الاستخارة قبل كل شيء باه ينعت لك الله الطريق والطريقة لي تمشي بيها وعليها و موفقة بإذن الله ومتنسايش الدعاء لانه وحده من يغير الاقدار وحاولي تصححي واش جاز عليك من اجل بدايات افضل قاع الاخطاء لي صراو لك تفادايهم وحلمك متتخلايش عليه وديما تحدي كل شيء علجاله لان التحدي يصنع المعجزات النجاح مش سهل لو النجاح سهل كان كل الناس ناجحة بس النجاح لي تبغاه صح ممكن صعب تناله بسرعه ولكن مش مستحيل فلا تستسلمي رغم كل شيء انهضي وعاودي المحاولة من اجل هدفك الاول ومتقوليش رح نتعود على تخصص اخر لا مدام حلمك عاودتي على جاله هذه السنة كامل يعني هذا الحلمك صح حبيتيه فمتخليهش يهون عليك ببساطة ربي يوفقك استمري داائما انا اثق بك انت مميزة انتي حاولتي والله رأى وهذا يكفي لا تيأسي و كرري المحاولة حتى توصلي وين كنتي حابة و باه غدوة بعد ما تحققي حلمك تقولي الحمدلله لي كنت قوية وحققت كل هذا رغم كل شيء 💗 الله يبارك فيك ويسعدك استمري لا تسأسي حتى لو بعد ألف مره انتي قدها ابقي قوية 💗
and ur eyes were filled with tears vidéo 😔 babe just trust allah and u will be okeyyy maybe not now cuz healing will take a while but dont let this shittyyy baccalauréats effect u 🫶🏻 love u and sorry if my english is awfull 😭😭
