بالبركه عليك ختي تتربا في عزك ان شاءالله.. انا راني حامل في الرابع و حملي صعيب نتمني من كل واحده شافت تعليقي تدعيلي ربي يثبت حملي..راني نستنى في هاد الحمل من 6سنين..
الله يبارك كلش شباب نصيحة عن تجربة متكتروش الملابس البيضاء للرضيع كيما نعرفو البيبي يقلص بزاف الحليب ومهما تبعتيهم بالغسيل تبقى آثارهم صفراء كما أن الملابس البيضاء تعيي باش تتنقى و ما تشروش تاني بزاف الملابس البيبي الجديد كيما نعرفو 3 أشهر الأولى يفوتها قماطة خاصة الي تولد في البرد ودعولي ربي نسلك عندي الزيادة في نوفمبر الطفل الثاني
الف مبروك اختي وتتربي في عزكم وربي يحفظها ليكم ويجعلها من الذرية الصالحة والله فرحت كي سمعت صوتك ادعيلي ربي يرزقني راني 16سنة وانا محرومة من هذه النعمة
بصحتك حبيبتي تتربى في عزك ان شاء الله ربي لا تذرني فردا وانت خير الوارثين لبنات دعو معايا والله راني نتفرج ودمعتي على عيني والله غير عييت وزواجي راه فالانهيار
ربي يسهلك حبيبتي و كلشي بمكتوب ربي. ماشي بيدك انت. و كاين بزااف ناس ما زال منابش عليهم ربي بلولاد و عايشين لاباس خير من لي عندهم لولاد. اطلبي ربي و ان شاء الله يجعل فيها خير.
الف مبروك و الله يبارك كلشي شباب ربي يحفضكم مل عين ونتمنى حبيبتي مادمكي نافسا وقاع لي يقرا هدى لميساج يدعولي ربي يرزقني بولد راني باغيا اسم محمد في داري
يعطيك الصحة .. نصيحة ادو يا لبنات حوايج زيادة للبيبي ما علبالناش واش راهو مخبي الوقت ... بلاك البيبي يتقيا بزاف ولا يخرجلو لوسخ ولا البول يتشمخ ... انا مزال باش نولد. في اوت ان شاء الله مي كي كنت نتوحم دخلت شهرين لسبيطار شفت نسا و تعلمت ما تنساوش.. سوسات تيزانات ..قهوة كحلة لدير سيزاريان ..فراش لي تفرشيه الا ولدتي فالسبيطار مخدة غطاء درا.. ليك ة لوليدك .. جافال اومو .. لباراي تاع الناموس..صاشيات باش ترمي زبل ديالك و لحوايج موسخين... بpapier gynécque... جال تاع اليدين ..
نيتك صافية اتقي شر العين و الحسد ربي يرزك كل ولية و اللي مازال ماعندهاش الاولاد و الطبة قالولها مكانش سبب لتاخر الحمل و الزوج نتاعها عمل التحاليل و خرجت مليحة نصيحة لوجه الله عليك بالرقية الشرعية شغلي التلفاز و حطي الرقية الشرعية و خاصة سورة البقرة و افتحي قراعي الماء اللي تشربي منه و اللي تنصبي بيه على الاقل شهر منالصباح حتى يروح الزوج للغداء سترين الاعراض بنفسك ان كنت مسحورة و مربوطة على النجاب هذا عن تجربة والله بعد شهر متواصل من شرب الماء و الزيت الزيتون رزقت بفضل الله بعد خمس سنوات من المعاناة فرج ربي و الحمد لله الواحد القهار الرزاق حسبنا الله ونعم الوكيل
كل شي مبروك عليك اختي.اخواتاتي ربي يخليكم ادعولي ربي يسهلي في ولادتي هادو الأيام نولد و راني خايفة بزااااف والله ماني نرقد مالخوف ادعولي و لي متمنية حاجة ربي يكملهالها انشالله.
اي وحدة تجي تولد تخاف عن تجربة والله العظيم كثري الدعاء والصلاة ومتخفيش ربي معاك انا راني عاد كولدت بنوتي الغالية كيجيك الوجع حكمي حبة بصل وحبة تمر البصلة تكوني نقيتيها ديريهم في كاسرونة وديري عليهم كاس ماء خليهم يغلو 5 دقائق ومن بعد صفيهم وشربيهم دافيين وقري سورة الانشقاق كتري من القراءة
كاين ناس متمنيا الذري و كاين ناس تبكي عيهم دم فوادهم و كاين اللي ربي عطاهم و يقولك واحد زوج مانزيدش الله يرزق كل محرومة و تحب تتذوق طعم الامومة و الله يهدي كل وحدة تقول مانزيدش
الف مبروك ختي تتربى في عزك أن شاء الله أنا ولدت فالشهر السابع ولد اومات لي كي نتفكر هاذيك اللحظة نموت عندو قريب3 اشهر ملي مات ربي يرحمو ادعولو معايا بالرحمة راني عارفة بلي رآه فالجنة أن شاء الله نصيبو يقارعلي عند بابها بصح الله غالب هاذي هي الكبدة😭😭😭😭😭😭واسمو هيثم وان شاء الله ربي يرزقني طفل ونسميه عليه
انا تاني عندي بنوتة وهادي ولادتي الاولى وبقيلي 20 jour وربي يكون معانا جميع ويرزق كل محروم من الذرية انشاء الله ربي يجيبلك ساعة زوينة صبري اختي كل يفوت
مبروك عليك تتربي في عزك ولينجات صح انا طريقة هديك نستعملها نشلل لينجات ونمسح بيها وسيرنو كي جات طفلة عندك حق اصحفضي عليها في لمنطقة لحساسة طفلة موش زي طفل وربي يرزق كل محروم
مبروك عليك ما زاد عندك تتربى في عزكم ان شاء الله.برك كتدبيرة للي مازال ما زيدوش نقلكم تدو معاكم حفاظة تاع كبارcouche adulte من بعد الزيادة تنغبن باش تبدل يعني تساعدها ساعو زينة ليكم قاع
السلام عليكم صباح الخير اختي الله يخليها ليك وتتربى في عزك ويجيب ليك الشفاء العاجل توحشناك عزيزة على قلوبنا نحبوك بزااااااااف أن شاء الله عودة ميمونة للقناة سلمي على إيلاف ميار توحشنا صوتك الحنين
يعطيك الصحه علا هذا النصائح راني في شهر السابع وكنت نستنا فيك شكرا تتربا في عزكم زيدي ورينا القاطو وديكور الطمينه لي قدمتيهم وسحفظي علا روحك راكي عاد نافس
ختي الله يسترك حبيت نسقسيك،ولدتي خمسة ولادك كامل عملية؟ وعلاش؟و اذا انت حبيتي اولا طبيا لي تولد المرة الاولى سزريان تكملهم كامل هكاك؟ و شحال بقيتي بين الولد و ثاني باش حملتي ؟ الله يحفظك جاوبيني
ويا اختي انت تهدري على الجرح وانا حكمني الوجع في كرشي وبديت نتلوى ههههههه نقطة ضعفي هي الزيادة مع اني ام ودرت كورااااج كبير في زيادتي ببنتي بصح درك ماشكيتش نقدر مع اني جربت ان شاء ربي يسهل على قاع الوليات
@@hadjersousi6672 عندك الحق يا اختي الزيادة في هذا الوقت صعابت بزاااف بصح هذي هي سنة الحياة الواحد مادامه صغير يتوكل على الله وكيما جات تجي ههههههه عندي الزيادة كوشمار بصح راني حابة اذا كتب الله تزيد ابنتي خوها ولا اختها وربي معانا حبيبة
@@houbadhouari9338 توكلي على الله شدة وتفوت وماتقدريش تعرفي ماشي قاع الكروش كيف كيف قادرة ان شاء الله ربي يرزقك بساعة يسر ويسهل عليك أمورك وهادي هي الدنيا للحصول على شيء جميل يجب أن نتعب ونتالم وزيد كي تشوفي عويناتو ان شاء الله تنسي وجيعاتوا ربي يرزقني ويرزقك وجميع المومنين والمحرومين بالذرية الصالحة هذه سنة الحياة وسنة الله في خلق الحياة تستمر
@@mahdimilano2491 اكبر غلطة تستني حتى يدخل يقرا..هاد المرة قالي الطبيب لي تحب تولد تولد صغيرة وتجيلهم مع بعض وتربيهم مع بعض تتعب ومنبعد تريح ماشي تدي خمس سنوات ونتي تربي وتعاودي تاني من جديد ..لانو ولدك ضك او حتى يدخل يقرا يبقا صغير في الحالتين...براىي هدا هو الوقت المناسب باه تزيدي
الحمد اله على سلامك يا الزينة تربي بالصحة والهناء ربي يجعلها من الصالحات يارب أنا ثاني راني في الثامن وراني بالغواتخ وبزاف عيانة ادعولي ربي يسهلي وأنا بدوري ندعي لكل وحدة محرومة والله راني بزاف خايفة 😭😭😭😭😭😭😭