السلام عليكم ورحمه الله وبركاته يا احلى متابعين وفجاه كبيره جدا هتنزل علي العجان والله كانت بالنسبه لي صدمه الفيديو هينزل ان شاء الله رايي بعد تجربتي واستخدامه لمده شهر ونصف جربت فيه كل حاجه والكميات الصغيره والكبيره من الكيك وكانت المفاجاه انتظر الفيديو ان شاء الله قريبا
والله شكرا على كلامك الجميل في كومنتات سخيفه جات لي وقالوا اني اخذت فلوس من الشركه عشان اعمل دعايه مع اني قلت كل العيوب بمصداقيه وما فيش حد هيدفع له فلوس علشان يطلع العيوب بصراحه انما الواحد لما بيقابل ناس ذوق وفهمه زي حضرتك ما بيندمش على اي حاجه عملها شكرا كثير كثير كثير من القلب
واياكم يا فندم جاري تحضير فيديو لراي في العجان في المخبوزات وفي الكيكه بكميات صغيره وهناك مفاجاه كبيره ان شاء الله لو انت مشترك ومفعله الجرس هيجي لك اشعار يا بكره يا النهارده لان فيه مفاجاه كبيره جدا
ده أول فيديو أشوفه ليكي وعجبني جددددا صدقك وأمانتك في الكلام عن العجان ممكن بقى تقوليلي بنفس الصدق والأمانة أي كبة أفضل من الكبات اللي لها ٣ أدوار أسلحة مزدوجة باور ولا تاتش ولا إليجانت ولا MG؟
السلام عليكم ورحمه الله وبركاته يشرفني رايك فيا وجزاك الله خيرا بالنسبه للكبه انا استعملت باور وكانت رائعه واستعملت براون ماركه كبيره زي ما حضرتك عارفه ومستحملش الجهاز معايا كم شهر وثمنها كان 2000 ونص وباور كانت ارخص بكثير وعايشه معايا اكثر من سنه ونص لحد دلوقتي طالما اثناء الفرح مش بتحملي عليها مده كبيره تشغلي وتفصلي تشغلي وتفصلي كل شويه هتعيش معاكي انما لو ضغطتي عليها فورا هيطلع منها ريحه شياط مره على مره الموتور هيوقف كبه رافال حلوه جدا
ض حبيبتي دايما تدوري على العجان اللي يكون ليه ضمان لو حصل حاجه لا قدر الله تعرفي تجيبي له قطع غيار هل جانو ليها ضمان هنا في مصر ثاني حاجه عجانفال حلو بس نحافظ عليه ونشتغل عليه بشكل ما يبوظوش ولو عندك مقدره ماديه طبعا يبقى كنود حلو جدا
ربنا يباركلك ويجزيكي خير كنت هخسر القرشين اللي حيلتي على عجان رافال وقلت اكسب ثواب وادعم الصناعة المصرية لاء وكمان ماعندهمش فاتورة ضريبية ربنا يعوضك خير يارب وتجيبي احسن منه
السلام عليكم ورحمه الله وبركاته لو حضرتك ماديا معاكي تجيبي ماركه عاليه زي كنود يبقى توكلي على الله بدون تردد ولو امكانياتك لا تسمح في عجانات كثير في السوق بس لا تقل عن 2000 وات لان لو جبتي اقل من كده مش هتقدري تعجني فيه كيلو وابعدي عن عجان ميانتا
والله ده هيرجع على حسب امكانياتك والمتاح عندك بلاك اند وايت انا شفت ليه فيديوهات ما عجبنيش بصراحه الحمد لله انا مرتاحه مع رافال تستخير يا ربنا وتوكلي على الله واستفتي قلبك
السلام عليكم ورحمه الله وبركاته لو حضرتك عندك خلاط يبقى ما فيش داعي تشتري وتكلفي نفسك فلوس زياده انا اشتريت شفشق الخلاط لاني عندي مشكله في الخلاط بتاعي اما بالنسبه للمفرمه ما فيش داعي علشان ما تحمليش على موتور العجان وياثر مع مرور الوقت على قوه الموتور بالنسبه للعجن
ض السلام عليكم ورحمه الله انا ما جربتش عجان بيانتا ولكن شاهدت فيديو لاحد الاشخاص جابته كانت بتعمل عن رفيو قالت انه اسوء عجان ممكن تحصل عليه حضرتك تقدر تعمل سيرش وتشوف الفيديو ده انا مش عارفه اسم القناه ايه ولكن بتشكي انه سيء في كل حاجه
السلام عليكم ورحمه الله وبركاته العجان كويس بالنسبه لثمنه انا عن نفسي بعمل فيه من ساعه ما جبته كل يوم والثاني بس بضيف فيه كيلو عجين فقط بالنسبه للمخبوزات الثقيله زي البيتزا والفينو والفطائر اما المخبوزات الخفيفه زي البسكوت والبيتي فور والغريبه ا تقدري تضيفي كيلو ونص او 2 كيلو بالكتير وزي ما قلت طريقه تشغيله والضغط على الجهاز من فوق وانت بتفتحي وبتقفلي الجهاز هيعيش معاكي بجد والله لو حد هيحافظ عليها يعيش حتى لو جبت كين وود واهملنا فيه هيبوظ
, السلام عليكم ورحمه الله وبركاته الله يبارك فيك يا حبيبتي شوفي بامانه عجان كنود لا يعلى عليه ولا يقارن باي عجان ولكن نظرا لظروف الاقتصاديه وامكانيات كل البيوت حاليا في عجانات كتير نزلت باسعار بسيطه وامكانياتها اكيد كمان بسيطه مش زي امكانيات عجات كنود لما تيجي تختاري عجان شوفي ريفيوهات كثير عن اللي موجود في السوق وشوفي رايي الناس فيه بس خدي راي الناس اللي جربوا العجان مره واثنين وثلاثه لان في ناس ما عندهاش خبره بتقعد تتكلم عن الشكل والاكسسوارات وتسيب المضمون اللي احنا جايبينه عشانه اللي هو تقدري تعجني كيلو دقيق على الاقل فيه بدون ارهاق للجهاز انا عن نفسي من ساعه ما جبت رافال وانا كل يوم والثاني بعجن فيه بعمل مخبوزات كتير سواء بنزلها على القناه او بتكون معجنات يوميه للبيت بدون تصوير العجان ماشي معايا حلو جدا ولكن كان فيه مبالغه في تقديم العجان من الشيفات اللي جت على النت يعني ما ينفعش تعجني فيه 3 كيلو او 2 كيلو كده هتاثري على الموتور كيلو عجين ثقيل حلو جدا عليه اما عجين البسكوت والبيتي فور والكحك ممكن تستخدمي فيه اكثر من كيلو لحد 2 كيلو وده اقدر افيدك فيه لاني استخدمته بنفسي اما بيور او سكاني انا شفت فيديوهات ليهم بس ما اعرفش ايه حقيقه امرهم استخير ربنا قبل اي شيء وهاتي اللي قلبك يدلك عليه
السلام عليكم ورحمه الله حضرتك بتقولي الماني يبقى اكيد محترم بس المهم يكون في شركه ضمان هنا في مصر وقطع غياره لان وارد يحصل اي حاجه لا قدر الله علشان ما تركنيش الجهاز
السلام عليكم ورحمه الله وبركاته لا طبعا هاتي جهاز لوحده لان المفرمه والخلاط بياثروا على قوه الجهاز الا اذا كان كنود يبقى تمام لو المجموعه معاه تمام ولكن اي عجانات تانيه اقل من كنود يبقى استخدميه كعجان فقط علشان يعيش معاكي ما ترهقيش الموتور كفايه عليها العجن
هاتي العشره طبعا علشان قوه العجان في ال 10 لتر ممتاز مع الكيلو العجين وبلاش تضعي فيه اكثر من كيلو بالنسبه للمعجنات الثقيله اما البسكوت والكحك والغريبه ممكن تضعي 2 كيلو وزي ما قلت في الفيديو لو حافظت عليها يعيش معاكي وخصوصا ان قطع غياره متوفره وسعره مناسب جدا لكل ست مصريه اقسم بالله من ساعه ما جه كل يوم والثاني شغال عليه سواء بصور اللي بعمله او بعمل فطير للفطار او العشا من غير ما اصور يعني في العجن ممتاز جدا بعد ما بخلص بغسل الحله والسلاح وانشفهم وده ضروري جدا عشان نحافظ عليها
السلام عليكم ورحمه الله وبركاته حبيبتي انا جبت العجان وما رضيتش اجيب المفرمه علشان مرهقش الموتور كفايه عليه العجن لو انت هتجيبي عجان مثلا زي كنود تقدري تجيبي كل الاكس سيري بتاعته خلاط مفرمه وكبه ولكن لما يكون عجان على قد فلوسنا يبقى لازم نحافظ عليه وما نضغطش عليه ونشغله خلاط ومفرمه وعجان انت محتاجه عجان للعجن تقدري تشتري بقى كبه من بره او تقدري تشتريه خلاط لكن بلاش تحملي على العجان عشان يعيش معاكي مده كبيره للعجين كل ما الموتور ما حملتيش عليه هيعيش فتره كبيره انما المفرمه هتحتاجي تفرمي اللحمه وهتبص تلاقي صوت الموتور اتغير طب ليه نبوظ الحاجه الرئيسيه اللي احنا محتاجينه عشانها اشتري كبه لو محتاجه بعيد عن العجان
السلام عليكم ورحمه الله وبركاته شوفي حبيبتي انا ما اعرفش عجان بيور قوته عامله ايه ولكن انا استخدمت عجال رافال وشغاله عليه كل يوم والثاني بعمل كيلو مخبوزات اتفرجي على المخبوزات اللي عملتها بعد ما اشتريت العجان وانت هتشوفي النتيجه
السلام عليكم ورحمه الله وبركاته اهلا بك يا حبيبتي شوفي عجان جانو في ناس كتير شكرت فيه ولكن مشكلته ان هو مستورد يعني قبل ما تجيبيه تسالي عن قطع الغيار هل متوفره ولا لا علشان ما يحصلش حاجه لا قدر الله ويتركن هو من سنه كان ب 3300 تقريبا بعد غلاء الاسعار ما اعرفش دلوقتي بقى بكام لما تجيبي عجان لازم تدرسي كل حاجه عنه هل في قطع غيار متوفره ولا لا
السلام عليكم ورحمه الله وبركاته بالنسبه لمضرب البيض الماركات المحترمه اللي تعيش معاكي براون مونوليكس كنود ودول اسعارهم الحقيقه عاليه اما لو عايزه حاجه شغاله كويس ولو حافظتي عليها هتعيش معاكي حاجه اسمها فلامنجو وده سعره كويس وكمان مضارب العجين اللي فيه تقدري تستخدميها للعجين غير اي مضرب صيني ممكن يتحرق منك
السلام عليكم ورحمه الله وبركاته لو استعمال حضرتك هيكون على قد نص كيلو دقيق يبقى 7 لتر كفايه عليكم لو استعمال حضرتك هيكون على كيلو دقيق يبقى 10 لتر علشان قوه الموتور
افضل عجان ممكن تشتريه هو عجان كين مود الاول طبعا بعد كده لو الامكانيات مش متوفره لكنود يبقى من رايي عجان رافال حلو وزي ما قلت في الفيديو على قد لحافك مد رجليك العجان ماشي معايا اللهم بارك الحمد لله فضل ونعم من الله من ساعه ما جبته وانا بشتغل في كل حاجه شغل رمضان كله عملته فيه وكل حاجه او معظم الحاجات اللي عملتها نزلتها على القناه بس اهم حاجه نمشي بالملاحظات اللي قلت عليها وهيعيش معاك ان شاء الله
السلام عليكم ورحمه الله وبركاته شوفي يا حبيبتي عجان بيور قريب من على الجهه فال يعني ما تسمعيش كلام اللي يقول لك حطي 2 كيلو عجين وكيلو ونص عجين قصدي على الدقيق يعني هو كيلو دقيق لو جبتيه وتشغلي شويه وتريحي العجان شويه وهنا بقى بنعتمد على الله ثم الخبره علشان ما تضغطيش عليه ويتحرق بعد مره او اثنين في الاستخدام عايزه تجيبيه تمام هاتيه ولكن لا تضعي في اكثر من كيلو دقيق وتشغلي شويه وتقفلي شويه اقسم بالله عجان رافال من ساعه ما جبته شوفي تاريخ الفيديو كل يوم والثاني بعجن فيه بقسماط بيتزا قراقيش بس بستعمله صح زي ما قلت في الفيديو بالظبط عيوبه بسيطه تقدري تتلاشيها وبرده عجان بيور هتتعاملي معاه بنفس الطريقه
والله يا فندم استخير يا ربنا وتوكلي على الله انا عن نفسي داخله في شهر ونص من ساعه ما جبتهم اللهم بارك كل يوم والثاني بعمل معجنات بس لما تجيبيه اتاكدي ان هو جديد ما حدش فتحه وغير مستخدم من قبل وده طبعا هيكون من خلال فحص الجهاز من المندوب لاني شفت فيديو لوحده قالت ان الجهاز شكله كان حد مستعمله قبل كده فخدي بالك من النقطه دي انا عن نفسي الجهاز جالي بصراحه زي الفل ان شاء الله هعمل فيديو عن المده اللي استخدمته فيها وهقول برده رايي وبالتوفيق ان شاء الله
تحياتي يا فندم كان نفسي انفذ لحضرتك الطلب اللي طلبتيه ولكن انا عملت ريفيو عن عجان رافال لاني اشتريته وجربته وعرفت ايه عيوبه ومميزاته عشان كده اتكلمت عنه اما عجان بيور انا ما اعرفش عنه حاجه ممكن حضرتك تبحثي على اليوتيوب واكيد هتلاقي ناس بيتكلموا عنك
اول مره اشوف حد بيتكلم بمصداقيه انا جبته اول ماطلع بس جبت 7 لتر بردو علي كلامهم انه يعجن كيلو دقيق لكن لاقيته مايتحملش كيلو خالص اقصي كميه نص كيلو دقيق لو زودت لكيلو الا ربع بيعجن بالعافيه
السلام عليكم ورحمه الله وبركاته في متابعين كثير سالوني نجيب ال 7 لتر ولا العشره لتر قلت لهم العشره لتر هيعجن معاكوا كيلو انما ال 7 لتر اكيد مش هيعجن كيلو وبصراحه ما فيش حد بيجيب عجان علشان يعجن فيه نص كيلو بس لما جالي عجان كينود زوجي هو اللي جابه لي وانصدمت طبعا لان ساعه الحله في نص كيلو فقط ومكنش ينفع يرجع لما فكرت في عجان كبير كانت الاسعار زي ما حضرتك عارفه انا مش محتاجه اعجن في اكثر من كيلو والافوره اللي حصلت عليه هيكون في ميزان حسناتهم كلهم ولكن بصراحه هو شغال معايا كويس جدا جدا جدا اه بشتغل عليه كثير