ام يارا ربي يهنيك ثبتيلي حبيبتي تعليقي باش يشرفوني لبنات ان شاء الله تجيك فرحة مكانتش تنتضر فيها زوروني و شرفوني تعبت على وصفات روعة ترضيكم جميعا بادن الله 😘👍👍👍👍👍
الوصفة: _الحشو : كأس كاوكاو محمص او مطحون كأس الا ربع حلوة الترك كمية من مربى المشمش بالنسبة للعجينة نحتاجو : 125غ مرغرين طرية ملعقتين كبيرتين زيت حبة بيض +صفار بيضة 3ملاعق مملوءة جيدا سكر ناعم ملعقتين كبيرتين نشاء قرصة ملح ملعقة صغيرة فانيليا نصف ملعقة صغيرة خميرة كيميائية كأسين +ثلث كأس فرينة التزيين شوكولاطة بيضاء او سوداء. ماتنساوش دعاوتكم بشفاء لي ابني
مقادير و طريقة تحضير وصفة اليوم بالتفصيل حلوة جافة محشية بحشو حلوة الترك و الكاوكاو نخلط كاس كاوكاو محمص و مرحي بالقشور مع كاس الا ربع حلوة الترك و نلمهم بمربى المشماش نشكل كريات 10غ العجينة : 125 غ مرغرين طرية 2 ملاعق كبار زيت حبة بيض كاملة و صغار بيضة 3 ملاعقك مملوءة سكر ناعم 2 ملاعق ك مايزينة قرصة ملح ملعقة ص فاني نصف ملعقة ص خميرة كميائية كأسين + ثلث كأس فرينة شوكولاطة بيضاء او سوداء للتزيين بعد ما نلم العجينة مثل الصابلي نشكل كرات 30 غ نحشيها بحشو حلوة الترك و نحطها في مول السيليكون ندخلها طيب من التحت طيب ثم نشعل من الفوق باش تتحمر نتركها تبرد و نزينها بالقلاساج الشكولاطة اتمنى تجو تشجعوني و تشتركو في قناتي ربي يحفظكم و نهاركم مبروك🌹
المكونات كالتالي :👇 🔹العجينة : 🔸125غ مرغرين طرية 🔸ملعقتين كبيرتين زيت 🔸بيضة كاملة+صفار بيضة 🔸3ملاعق مملوءة جيدا سكر ناعم 🔸ملعقتين كبيرتين نشاء 🔸قرصة ملح 🔸ملعقة صغيرة فانيلا 🔸نصف ملعقة صغيرة خميرة كيميائية 🔸كأسين +ثلث كأس فرينة 🔹الحشو : 🔸كأس كاوكاو محمص 🔸ومطحون كأس إلا ربع حلوة ترك (شامية) 🔸ملعقتين كبيرتين من المربى 🔹للتزيين : شوكولاتة بيضاء أو سوداء ذائبة طريقة التحضير : 🔹في إناء نضع الكاوكاو مع حلوة الترك ثم نضيف المربى حتى تتماسك العجينة نشكلها على شكل كويرات صغيرة وزن الواحدة 10غ 🔹في إناء آخر نمزج المرغرين و الزيت مع البيض والسكر ثم نضع الملح والفانيلا ونخلط جيدا بعد ذلك نضيف النشاء والخميرة الكيميائية والفرينة حتى تصبح عجينة طرية ثم نشكلها على شكل كرات وزن الواحدة 30غ فنملأها بالحشو ونضعها في قالب سيليكون مستطيل 🔹نقوم بصبغها بالشوكولاتة ونزينها بورود 🔹إذا استفدتم من فضلكم لا تبخلوا علي بلايك👍
تحبي الصراحة بعجبني التنظيم والنظافة ديالك فيديوهاتك تخليني نحس بالراحة اانفسية هههه زيادة على حلوياتك الشابة الله الله انا عن نفسي جربت شحال من وصفة 😍
اول حلوة باذن الله نبدا بيها فالعيد ان شاء الله برك حبيت نسقسيك اختي ام يارا شحال المدة اللي تقعد الحلوى وماتخسرش يعني كي يكون عندي فرح نقدر نعملها قبل ب10 ايام ولا 12 عادي ماتروحش بنتها؟؟؟؟؟؟؟؟
الله الله عليك ربي يخليلك يديك ويبعد العين عليك حلوياتك كلها بنة وجمال تفرح العين وتخرج هبال كملي على هذا المنوال تتكلمي باختصار ومعاك مانحتاجوش طولة البال 💝💛💚💙❤💖💕💟👍✌👏👏👏👏
تحفة من يديك العزاز يعطيك الصحة والعافية خرج من اروع مايكون من فضلك حبيبتي ام يارا ديريلنا بقلاوة موررررقة بالطبع بالماشينة الله الله اذا قدرتي الي معايا تدير جام باليز
روعة ماشاء الله والله مجربة البعض من الوصفات تاعك والله ديما تخرجلي نتيجة جد مرضية يعطيك الصحة لحبيبة ديالي الف شكر وربي يخليك لينا ان شاء الله 😍🌻😍😍🌹😍😍🌼😍❤❤🌼❤❤❤🌷❤❤❤🌻❤❤🌻❤❤🌼❤❤❤❤❤❤❤🌸
ما شاء الله يعطيك الصحة صراحة تعجبيني في الهدرة نتاعك تفهمي مليح والوصفات نتاوعك كامل يعجبوني ونحب نديرهم كملي هكدا راكي في القمة عندي سؤال ام يارا لا جينواز في طيابها كي ندخلها للفور نشعللها من الفوق ومن التحت خير ولا من التحت وكي تنشف نشعللها من الفوق تعيشي برك جاوبيني ويعطيك الصحة
صح ياختى راهى حطة لكن ملاحظة بسيطة ارجو تقبلها منى اختى بصدر رحب للمعلومة فقط لا نقول ربي يخليك بل ربي يحفظك لانه اذا تخلا الله عنها ضاعت وهذا خطأ لغوى وخطير التخلى من الترك لذا نقول ربي يحفظك وانت ايضا ربي يحفظك ويكرمك اختى وعذرا مرة اخرى
نصيحة من حبيبتي الغليات خيانة زوجي مع امراة اخرى مع العلم اني لم اقصر في واجباتي الزوجية معه و مع اهله 14 عشر عام حت اكتشف انه مع علاقة باخرى كم هي صعبة
حبسيه عند حدو و واجهيه بالدليل اللي عندك و حظري اخوه الكبير او واحد اللي يكون عندو عليه كلمة و عندك تخلي دارك او تحكي عليه ما تخليش الغضب يتحكم فيك والله راني ننصح فيك عن تجربة
احبك في الله ام يارا ....تعجبيني متولة و نظيفة و. خدمة متقونة الله يزيدك من خيره.... حبيت نسقسي برك على ام اماني. هل من احد يعرف اخبارها 🙄🙁 والله. قناتها روعة و انسانة ممتازة كيما هادي القناة كيما ام وليد و دداح و ..و... نساء اصيلات صح
يعطيك الصحة بالنسبة للورود لي حابة تخدمهم ناخذ عجينة السكر ولونها بالابيض ونعمل بالمول نتاع الوردة الصغير والكبير شوية ونحطهم في بلا تاع بلاستيك لي نديروا فيها البيض ونعوجوهم شوية بالكيردو ونخليهم بيسوا في بلاطوا تاع البيض البلاستيكي ونلصقولهم العقاش