هحط تجربتي هنا ممكن حد يستفيد أنا من نفس دفعتك والحمد لله جبت ٩٥.٦ وقفلت الفزيا لكن نظام حلى مكانش بالظبط زيك كنت في أول السنة شغالة بكتاب واحد بس وأي سؤال فيه فكرته جديدة أو معرفتش أتعامل معاه كنت بعلم عليه لحد ما وصلت لحوالي ثلث المنهج واحتجت أراجع على القديم بدأت أجيب كمان كتاب لكل مادة عشان أحل اللي ذاكرته سواء درس أو نص فصل أو على حسب طاقتي ومشيت عادي في الجديد من الكتاب القديم ومع مراجعتي للقديم كنت بشوف الأسئلة اللي وقعت فيها وأراجع عليها تاني جيت بقا في المراجعة كان فاضل لي جزء من الكتاب الجديد في كل مادة وكنت مخلصة القديم بدأت أركز في الكتاب الجديد وأكمل حل عشان معرفة ان آخر أجزاء المنهج دي مش بتتذاكر😂فضغطت نفسي اني أذاكر أواخر الأجزاء وأحل عليها عشان أخلص الكتاب وأتجه لكتب المراجعة كتب الشرح اللي استعملتها في الأول واللي اشتريته بعدين العربي الامتحان والابداع (الامتحان كويس بس مفيش إجابات فكانت دي عائق قدامنا ومعقدانا من الكتاب صراحة أما الإبداع نظامه قريب شوية من الامتحان لكن بعضه معقد إلى حد ما ومعظم الإجابات غلط كمان كيان ماشتعملتهوش بس كنت بسمع حل أجزاء منه كويس أنصحكم بيه بدل الامتحان) انجليزي المعاصر١. My new friend ٢ فرنساوي ميرسي (كفاية عليه😂) أحياء ١ الامتحان . ٢ التفوق لكن مكانش تجربة لطيفة وفيه افتكاسات كتير كذلك المرجع مليان خروج برا المنهج بل أكتر من التفوق فلو هتجيبوا الكتب دي هاتوها بعد ما تتقدموا شوية زي ما قلت) الفزيا 1الامتحان. 2 نيوتن (ماجربتش الوسام فمش هقدر أفيد) والنصيحة اللي أنصحها في الفزيا انكم تتعدوا على الرتم السريع في الحل دا اللي ظبط الدنيا في الامتحان لو هتضبطوا stopwatch وكل مرة تقللوا الوقت هينفع جدا معاكم بس أهم حاجة تفهموا كويس المنهج بيقول ايه مش مجرد حل وخلاص لأن الامتحان لازم يجيب أفكار عمرك ما شفتها فدا اللي هينقذك الكيميا (١ مندليف ٢ الأيزو جامد يا جماعة عن تجربة وأفكاره فيه منها جت في الامتحان) الجيو (1الامتحان ٢ الشامل جه منه سؤالين في الامتحان وسؤال الفراخ كمان منه😂)
@@يومياتداليامحمد بصي اي حاجة في أولها صعبة وخصوصا الفزيا كنت بروح درس عادي لحد ما لقيت نفسي مش قادرة أفهم كويس تابعت محمود مجدي في فيديوهات السنة اللي فاتت وفرق معايا جدا وكنت بكتب أي استنتاج جديد بيوصله أو مسألة فيها فكرة بيعملها عشان أرجع لها تاني في المراجعة بعد كدا لما اتقدمت شوية في المنهج سمعت المهندس في الفزيا وبجد حاجة روعة فتح دماغي على أفكار جديدة وكنت ماشية بالتوازي معاهم أخلص الدرس أسمع محمود مجدي فيه وأخلص الفصل أسمع المهندس وبكدا قدرتي تحكمي المنهج ومفيش توهان وزي ما قلتلك حليت في الأول في الامتحان ولما كنت بخلص المهندس كنت بحل على الفصل كامل من نيوتن لحد ما خلصوا في نص خمسة وحرفيا هتلاقي الفزيا والانجليزي أكتر مادتين مكملين معاكي لنص ٥ أو حتى ٦😂عادي جدا طالما بتخلصي الفصل تراجعي عليه متحمليش هم لسه بخير وفي المراجعة جبت الامتحان ونيوتن مراجعة نهائية بس نصيحة هاتي كتاب مختلف في المراجعة لأن معظم أسئلتهم متاخدة بالنص من الكتب بتاع أول السنة وزي ما قلت تتعودي على سرعة الحل من الأول قد ما تقدري وبس ربنا يوفقك 💙
@@يومياتداليامحمد والأهم من الهري اللي بقوله دا تهتمي بنفسك دينيا وتطلبي من ربنا التوفيق. مفيش حد يقدر يوصل إلا بتوفيق ربنا ورضاه ومش هينفعك لو عملتي المستحيل وطحنتي نفسك مذاكرة وربنا غضبان عنك توكلي على الله وربنا يوفقك💙
* خلاصة مدرسين ال youtube * " اللغة العربية " : ١- وليد محسن ٢- رضا الفاروق ٣- محمد صلاح ------------ " الرياضيات " : ١- أحمد عصام ١- لطفي زهران ١- حسام ميرا ١- التميز في الرياضيات ---------------- " ال English " : ١- مي ماجدي ٢- حسن النجار ٣- محمد فاروق ٤- إبراهيم فريد -------------------- " الكيمياء " : ١- خالد صقر ٢- محمد عبدالجواد ٣- عبدالله الحبشي - كيمياء ثانوية عامة -------------------------- " الفيزياء " : ١- محمد عبد المعبود + أحمد بركة ٢- محمود مجدي - أماني منصور - الفيزياء و الحياة ------------------------------ " Le français" : ١- الدحيح في الفرنساوي ٢- حسن الجبلاوي ------------------------------ * تنويه * دا ترتيب حسب فهمي من كل مدرس و أنصح اللي عايز ياخد منصه ياخد حسب الترتيب و بالتوفيق للجميع.
@@y-wp3kx هو علي حسب كلام اللي قالي إن هو خاد مع دكتور كيرلس مراجعه نهائية بس وكان الدكتور بيحل معاهم كتاب الإمتحان و نيوتن وهو الحمد لله قفل فيزيا و كان بيشوف اللي أ. محمد عبدالمعبود بينزله يوتيوب و قالي هو نفس الشرح هو علي حسب أنت مستريح لشرح مين أكتر .
* الخلاصه في الكتبات في كل المواد * " اللغة العربية " : - كيان (شرح + حل ) - كيان الذهبي - بيان ( مراجعة نهائية ) - الأضواء ( الجزء الخاص بالمتحرر ) ----------------------------- " الرياضيات " : - المعاصر ----------------------------- " ال English " : - المعاصر ( أساسي ) - المعاصر بوكليت - جيم ( الجزء الخاص ب ال Skills و القطع) - My new friend : الجزء الخاص ب ( vocab & Synonyms & antonyms ) ال Pdf * ----------------------------- " الكيمياء " : - الإمتحان ( شرح + حل ) - مندليف - الأيزو ( يتنزل مراجعة نهائية pdf ) ----------------------------- " الفيزياء " : - الإمتحان ( يتحل الأول عشان متتعقدش من 👇 ) - نيوتن ----------------------------- " الفرنساوى " : - مذكرة المسيو - Merci 👇 ( مهم طول السنة وده بديل لمذكرة المسيو + ضروري معاك مراجعة نهائية بجانب اللي المسيو يعمله ) .
١-احكيلنا يا دكتوره عن يوم النتيجه وازاى كانت فرحتك ٢-وكان تفكيرك ف السنه من حيث المنطق ( مبادئ ) كنتي ماشيه عليها ٣- لو حسيتي ف يوم انك ضيعتي وقت كتير تعملي ايه ،وشكرا لكم 🙃.
هو معلش في الأحياء المستر اللي باخد عنده بيشرح جزء صغير يعني اول درس اتشرح علي اربع محاضرات يعني قعدنا شهر كامل فيه دا طبيعي ولا هيجي في الاخر ويكروتنا؟!
ده طبيعي علشان درس الدعامه كبير احنا كمان الميس اخدنا الدعامه في 4 حصص وليا صحابي بردو مع مدرسين تانيين وكانو ماشيين معانا بالظبط بس الحركه اخدناها ع حصتين يعني دلوقتي خلصنا الفصل الاول
@@khadijaomar5742 تمام شكرا جدا طيب بالنسبة للصحيان في الفجر انا مش بقدر اصحى خالص حتى بدري ما عني بنام بدري ولا بسمع المنبه للأسف الفترة ده بنام وقت كبير اقدر اعالجها ازاي
يا ساره ممكن تفديني انا جايبه كل الكتب الي قلتي عليها حل واغلب المواد جايبه فيها كتابين دلوقتي انا اجيب شرح انا معايا مذكرات المدرسين شرح كامل وفيها برضو اسئله بس محتاره اجيب شرح ولا لا ؟
بصي الحل اهم من الشرح لو انتي حاسه انك مرتاحه في مذكرات شرح المدرسين بتوعك كملي فيها وزودي انتي المعلومات الزياده فيها بحيث تكون كل المعلومات في مكان واحد 💕
الاحياء بتحب زيادات والفنيات عشان كدا اسمعى سامح احمد كان منزل السنه اللى فاتت فنيات على فصل الهرمونات وعلى التكاثر اسمعيهم كويس وإن شاء الله هتحلى كويس
لو سمحتي ممكن تقوليلنا ازاي كان رد فعلك بعد كل امتحان.. يعني مثلا الفيزياء والكيمياء كان الكل طالع منها خايف وبيقول صعبة .. فأنتي كنتي تطلعي وحاسة انكي حليتي كويس ولا مكنتيش تفكري في الامتحان طالما سلمتي الورقة ولا حاسة انكي غلطانا في بعض النقط.. قوليلنا عن هذا الموضوع لو سمحتي ده هيفرق معاي
دومت أهم الكتبات والمدرسين اللي هينفعوك في تالته ثانوي بس نصيحة لو لقيت مدرس في بلدك بشرح حلو ومرتاح معاه كمل و ياريت الكل يشير الحاجه دي عشان تفيد كل زمايلك 👇👇👇👇👇👇👇
جه عليكِ أيام كنتِ بتحسي إنك بتضيعي فيها وقت؟؟ ولو حصل عوضتِ في الأيام اللي بعدها؟؟ لإن دايما بحس بتأنيب الضمير وبييجي أوقات بقعد كدا ومابعملش أي حاجة سواء مفيدة أو مش مفيدة حتى
طيب لو سمحتي هو مستر رضا الفاروق بينزل الحل دا على اليوتيوب ولا الحل بس بيبقي على المنصه والأحياء الله يخليكي حضرتك ذكرتي في اكتر من فيديو على دكتور احمد الجوهري اعتمد عليه فعلياً في المعسكر والأسئلة الله يخليكي ولا الاسئله خارج المنهج.. أرجو حضرتك تردي علياا الله يخليكي ومعلش أنا آسفه.. دلوقتي أنا مش متوفر مدرس فيزياا عندي في البلد ومش عارفه أشترك مع مين منصه ويكون بيحل كتير الله يخليكي ياريت تنصحيني بالله عليكي وتردي علياا 💙🙏
لو سمحتي معلشي انا حاسس ان طموحتك زي طموحاتي بالظبط ونفس تفكيري بس كنتي عامله عامله اي في الكيميا انا كنت كويس فيها لحد درس الحديد اول ما دخلت المعادلات حسيت نفسي صفر بذاكر مش فاهم هي الماده الوحيده اللي قلقان منها
بصي أنا هقولك في مستر اسمه باسم وجيه من اسيوط ممكن تعمل سيرش عنو قولو انك عايز تحجز الباب التاني وشوف هو دلوقتي تقريبا هيبدأ ف التالت هيعجبك خالص والله ف المعادلات هيخليك تحفظهم شوفو
لو سمحتي هو امتحان العربي ذي النحو مثلا جيه نفس الأفكار اللي انتي حلتيها في الكتب انا دلوقتي كاوحده ضعيفة في النحو بحل على الدروس وعملا كشكول بكتب فيه كل فكرة بتاعت كل سوال وفكرت اللي انا مش هحصل حاجه في العربي والانجليزي مش عارفه اشيلها من دماغي وحسه إن هما هيبوظولي الدنيا بالله عليكي ردي عليا
الفيزياء افضل نيوتن مش معني ڪدا ان الوسام وحش لا بس انا معايا نيوتن وبجد جميل جداً وفيه افڪار.. بالنسبه للڪيمياء مندليف فيه افڪار ڪتير وده عن تجربتي عشان انا شغاله منهم حاليا.
