مراحل التخريب : المجال؛ الفكري،البنيوي،الحياة الطريقة؛ تدمير الأخلاق (بين 15سنة الى20سنة). النتيجة ؛ تمني الموت ، فقدان الثقة ، ضعف الولاء. هاذه فقط تمهيدية للدراسة لي وقعات قبل 11 سنة
أخي الكريم . مررتي مغالطات منطقية كثيرة حول ريدبيل من بينها لا مقارنة بين نسوية وريدبيل ريدبيل هو إعادة الرجل لفطرته الطبيعية وقطع الموارد على الإستغلاليات بإسم الحب مشكور اخي على كل ماتقدمه❤
خويا كنت كنسمع لك شحال هذه من خلال المقاطع لي كتهم الدراسة والاختيارات بعد الباكالوريا وليوم لقيت واحد المقطع وتذكرتك وقلت ارى نشوف واش كين شي جديد ولقيتك كتكلم على هد الموضوع وبغيت نخلي الرأي ديااي كأم ربة بيت حاصلة على الاجزة فيالشريعة الاسلامية الاب ديالي كان رجل تعليم وحافظ لكتاب الله ولي بغيتك تهدر عليه وهو دور التنشئة الاجتماعية السليمة المبنية على اخلاق الاسلام المستنبطة من القرآن والسنة في التنشئة السليمة لاولادنا وابعادهم وحمايتهم من المؤثرات الحديثة
حلقة جد رائعة صديقي حمزة تحياتي، ققط سؤال على نقطة أن سبب أزمة الرجال اليوم هي الأوضاع الاقتصادية، في حين أن الوضع الاقتصادي في العقود الماضية(سنوات الجفاف وسنوات الرصاص) كان أسوء بكثير ولم تكن مشاكل الطلاق والعزوف عن الزواج كما هي الأن. من غير اذا كنت تقصد أنه كلما تحسن الوضع الاقتصادي كلما ساء وضع الرجل في المجتمع.
لكن مجرد سؤال كيفاش الانسان فهاد الزمان لي حنا يقدر ينقد راسو من استغلال المجتمع او بالاحرى المراة لي ف صفها مدونة الاسرة ونعرفو كفاش نتسايرو معاها لانه فالاصل كيما تعرف الزوجة هي اقرب انسان لك ونت كتعرف بانه نفس الانسان متقلبة وانا هنا ماجيتش ندافع على الريدبيل لانه فيه بعض الافكار لي انا ممتافقش معاهم فكيفما كنعرفو الريدبيل حط الظاهر ديال الرجل و مشافش الجانب اللين من العلاقة بين الجنسين
أولا تحية ليك على الصراحة ديالك.. وعلى حسن الادب فالنقاش على غير المعتاد من أتباع الحركة.. بالنسبة للمدونة راها قانون وضعي ممكن ما يتوافقش عليه وممكن يتبدل مستقبلا.. هدشي ما فيهش إشكال.. الواحد يحاول يحسن الاختيار وتكون المرأة مربية مزيان وواعية وعندك معاها نفس الأفكار والحياة تستمر بالمشاكل ديالها.. راه الاغلبية ديال الزواج لي كيكون بحال هاكدا كيمشي مزيان.. وفي حاااالة لا قدر الله ما تفاهمش الواحد راه كاينة طريق للخروج والواحد يعتابرها تجربة وابتلاء.. المرأة والرجل عندهم نفس المشاكل خاص غي يكون بيناتهم حوار ماشي مصارعة.. والانسانة السوية راها تجازي الاحسان بالاحسان وما أكثرهم
@@HamzAYC وهي فالاخر الريدبيل يجب التعامل معاه بحال التعامل مع الإسرائيليات لا يصدق ولا يكذب ف كيفما فيه مغالطات لي فالاصل لفصالح الدول الراسمالية والغرب فيه حوايج زونين كيفما بحال انك تخدم على نفسك وطورها ماشي غي جا يلعب بك....
ما كنتافقش معاك بصراحة فهاد النقطة.. علاش ناخذ العلم من عند غير أهله ؟ الأفكار ديالهم ما مبنية على علم تجريبي ما مبنية على شريعة ما مبنية على حتى حاجة.. غي خطابات تشتهيها نفس الانسان فقط.. تمشي غي عند شي شيباني فالصف الأخير ديال الجامع غادي يعطيك نفس النصائح.. أن الواحد يخدم على راسو راها ماشي اختراع جديد.. راها فكرة بديهية غي كيحطوها ليك فواحد القالب فيه الغموض والعلم والتصاور والأمثلة الخارجة من السياق.. كيلعبو على العاطفة ديك الهضرة زوينة متافق معاك ولكن راها لا تسمن ولا تغني من جوع.. شفتي تمشي عند شي خالتك كبيرة وتقوليها نصحيني غادي تقوليك خدم على راسك وحضي من العيالات لي ما مربياتش وقلب على بنت الناس وكون راجل وصرف على دارك... هدشي واش خاصو علم النفس التطوري ؟
@@HamzAYC يا الاخ حمزة هادو حقا مضحكين التعليق ديالهم عبارت عن هجوم وحسب مهما برهنتي مهما وضحتي لا يقبل الحقيقة للاسف هاكا بغاو وفعلا الخطة ديالهم نجحات بامتياز (المئثرين).
ناس الريد بل هو الشرع قصر معاكم في حاجة؟ نقدروا نتفهموا وجود هاد الافكار في مجتمعات غربية نظرا للفراغ الروحي لي عندهم ولكن مني تتلقا شباب مسلم عندو هاد الافكار فهنا راه لحماق.
اوجه التشابه بينك وبين العطار محمد الفايد هو ان هذا الاخير مقراش تفاسير القرآن ديال العلماء وبغا يفسر القرآن على حساب هواه .هادشي لي وقع معاك انت كذلك بغيت تفسر الريد بيل وغي سامع بيه . الوقت بغات الغوص و الإبحار يلا بغينا نفسرو شي حاجة للناس، السنطيحة بحدها ولى عليها الزمن . هذا رد كان على الفيديووما جاء به اما انت كشخص أكن لك الاحترام .
الاحترام متبادل أكيد.. ولكل رأيه الريدبيل أصلا فكرة سطحية ما فيهاش فين تعمق وتغوص في اعتقادي.. الريدبيل واش وحي خاصنا لبه علم باش نفسروه ؟ مجرد افكار عادية كيتم التضخيم ديالها.. ما كرهتش تبين لينا الحوايج لي ما فهمناهمش.. نورنا الله ينورك
ربما لي ما تفهمش من الفيديو ونقد نتكلم عليه من بعد.. طبيعة الرجل وطبيعة المرأة ماشي اكتشاف جديد ديال الناس لي كيهتمو بالريدبيل.. الرجل والمرأة والدور ديال كل واحد فيهم والاختلافات بيناتهم واختلال توازن المجتمع فاش كيتقلبو الأدوار.. هدشي ما فيهش مشكل أنا عندي مشكل مع المرجعية التطورية ديال الريدبيليين الجدد.. وعندي مشكل مع المهاجمة الدائمة للمرأة ومشكل مع السطحية لي كيقراو بيها مشاكل المجتمع.. وبشكل عام شخصيا عندي مشكل من أي أفكار كتشكل طائفة مستقلة بفلسفتها وكيولي الواحد كيعرف راسو من خلالها. يقد الواحد يكتاشف حوايج ما كانش عارفهم فاش سمع للريدبيليين.. هذا ما كيعنيش أنهم يملكون الحقيقة.. بالنسبة ليا ما كاين حتى فكرة جديدة فدكشي ديالهم غي كيستغلو الحاجة الغريزية ديال الشباب والظروف لي كيدوز منها العالم باش يسوق لمنتوج من خلال الفيديوهات. وكيفما قلت المرجعية التطورية ديالهم لي كتخوي الانسان من المعنى أنا لا أقبلها حيت عندي مرجعية أخرى. وشكرا على تعليقك أستاذ
@@HamzAYC سي حمزة هدشي لي ذكرتي لا يمت للريد بيلين بصلة ربما انت تتحدث عن شباب فتحو صفحات او كروبات على الفيسبوك يسبون النساء وعندهم افكار ميزوجينة . هؤلاء اصلا لم يخرجو من مرحلة الغضب والتي هي أولى المراحل في فهمك لطبيعة النساء ،الريد بيل يشرح لك طبيعة المرأة و يحذر الشباب من المراة المعاصرة وما تتبنى من أفكار مدمرة سقتها من نسويات راديكاليات كارهات للرجال ، كما انه يحث الشباب على ان يطورو من أنفسهم في جميع الميادين وان يكون انتاجيين لا استهلاكيين فقط. كاين بزاف ما يتقال لكن التعاليق والردود غير كافية لشرح القضية بما فيه الكفاية . وهنا عندي طلب سي ياسين كنتمنى تنور الناس و تكلم على " العلمانية واللبرالية المتطرفة والإشتراكية والرأسمالية لأن هادو هوما لي كيضربو فالجذور والتوابت والأعراف ديال بلدنا الحبيب. شكرا والسلام عليكم ورحمة الله وبركاته.
قريت بما يكفي قبل ما ندير الفيديو.. شهور من البحث والتتبع ديال جذور الفكر.. كيفما قلت ليك الأفكار لي غادي نتافق معاه فيها ماشي جديدة وثورية.. أفكار عادية لي كتحث على العمل وتطوير الذات.. لي كناخذها من الشريعة الاسلامية.. ولكن المشكل الجوهري مع الريدبيل هو الانطلاق من الندية مع المرأة.. وما كيعنيش أنني كنشجع على النسوية.. هادشي كامل أفكار متطرفة أنتجتها الحداثة بجميع التيارات سوء اشتراكية أو ليبرالية. بلدنا الحبيب خاص نديرو يد فيد ونترباو على الأخلاق.. رجالا ونساءا. إن شاء الله مازال جاية مواضيع فهاد الصدد وشكرا مجددا على التعليق الراقي
كنشوف انا وشي ناس والجيل القادم ضحية لضغوطات الحياة لي عاشوها الجيل لي قبل منا وبضبط جينا فعصر التكنولوجيا الحقبة لي غير حلينا عينينا لقينا اي حاجة مرتابطة بالانترنيت كنشوف الجيل لي قبل كان مكبوث عاطفيا وفكريا وجسديا وملقاش لي يسمع ويؤيد المتطلبات الخاصة به حنا كشباب كنعانيو من كثرة المشاكل لي واقعا دبا كنخاف نلعب دور الضحية من هنا القدام
أكيد أنه كاين جانب كبير هاد الجيل ضحية ديال أخطاء داروها أجداد الأجداد باش تم الاستعمار ديالنا.. ولكن لا يمنع أن الانسان يحاول يخدم فوسط هاد الظروف ويقلب على معنى فهاد المعاناة
Best version of you machi falsafa dial redpill .. hadi ghi motivation ay wa7d y9ed ygolha redpill howa dak l pack kamel b les références dialo ra2yoka yo7taram akiid
انا كيطلعو ليا مرة مرة وكنلقاهم كي دويو على شي حوايج كتكون كتوافق الشرع. علاش كتوافق الشرع؟ واش هوما متبنيين شي ريد بيل ماشي لي دويتي عليه دبا ولا هما واخدين منو غير داكشي لي كيوافق الشرع؟( كندوي على ريد بيل النسخة العربية والمغربية )
ملي بدا هاد الريدبيل مكلفتش راسي غاع نعرف شناهو حيت راه باين بلي المعتقدات ديالهم لا أساس لها من الصحة أنا معنديش معلومات كثيرة حول السياسة و الإقتصاد من أول فيديو فهمت بلي كيتم التلاعب بعقول الشباب بحيث كيستغلو ديك النقطة ديال أنهم تعرضوا لشي استغلال و لا شي موقف خايب من شي بنت و أيضا كنشوف بلي أثرو على الدراري بسباب الظروف الإقتصادية ديالهم و أنهم ساخطين على الوضع الحالي قالوا اجي نبردو غدايدنا فالبنات😂😂😂المهم نخرجوا هاد الغضب فشي واحد و مالين القنوات تبارك الله عليهم استغلو هادشي باش يطلعو القنوات ديالهم و هاهوما مدخلين المصروف على ضهرهم هادشي راه ميحتاجش يكون عندك واحد المستوى ثقافي باش تفهمو او لا تفكير نقدي راه ماشي علم و لا دين اولا تيار فكري دابا أسيدي نقولوا هاد المرأه فيها هاد التصرفات و الشر لي كيهضروا عليه راه هادشي حنا عارفينوا من زمان هد النوع كاين فالعيالات و من بعد على هوما كانو كيعتبرو المرأة ملاك و لاكيفاش مفهمتش أنا او أصلا حتى الرجال فيهم هاد النوع و من بعد واش هادشي جديد راه الأمر مسألة أخلاق و مبادئ ما عندو علاقة بالانوثة او الذكورة الإنسان بصفة عامة فيه الصالح و الطالح و هادشي راه من الواضحات غا هي واحد الحاجة تصدمت منها هي كيفاش بسهولة كيتم التلاعب بعقل ناس بالغين وقاريين زعما و خا هدشي مكيطلبش القرايا المهم غير الفطرة السليمة لي مخلوقين عليها متفاجئة بزاف من كيفاش تفاعلات واحد الفئة مع هادشي و خداو الأمور على أساس أنها حقيقة مطلقة واش لهاد الدرجة الناس مكيفهموش و مكيفرزوش اولا كاينة شي حاجة خطر من هادشي يمكن عقد و أمراض نفسية ؟؟ المهم شكرا حيت تطرقتي لهاد الموضوع مزيدا من التألق فالحلقات الجاية
ما متافقش معاك فحاجة وحدة .. باش تفهم هدشي ما خاصش تفكير ناقد.. بالعكس راك تساءلتي فالأخير على كيفاش بنادم كيتيق بهادشي.. بكل بساطة حيت المراهقين كبارا وصغارا ما عندهمش تفكير ناقد وكيتقدم ليهم هدشي في طبق علموي كيتسحاب ليهم راه حقائق بحال الجاذبية وطلوع الشمس من المشرق.. إوى الله يصاوب وخلاص وشكرا على تعليقاتك الجيدة