السلام عليكم ورحمة الله وبركاته تحية طيبه اخوي خالد وتحية طيبه لكل المتابعين وأشقائنا الشرفاء. والله يا اخوي اسمحلي تعليقي جدا متأخر لأنه الفيديو من سنه وانا توني شفته وعلقت . للأسف يا أخوي أكثر المسلسلات يمكن تسعين بالميه مسلسلاتنا دايما تظهر العالم انه العايله الخليجيه جذي ، وكله تشويه في تشويه لين ما خلوا العالم العربي تعتقد انه هالكلام صدق ، للأسف بس ، الواحد قلبه صار يبكي دم على هالتشويه، لين ما خلوا معظم عيالنا المراهقين خاصه قاموا يقلدونهم، من متى البنت والا الولد يمد إيده على ابوه والا امه ، أو الولد والا البنت تروح تشتكي على ابوها وتبهدله في الشرطه والمحاكم وينسجن و حتى الولد كذلك ، والأبو صار من يمد إيده على ولده أو بنته على شي غلط ارتكبوه و هو يمد يده مو عشان يكرهم، لأنه خايف عليهم، يروحون ويشتكون عليه، وانا ماقصد الضرب العنيف والتعذيب . يا رجل نحنا والله قبل أهالينا يرقدون علينا رقاد لكن طلعونا ونحبهم على راسهم ونعتذر لهم ، وطلعونا رجال ، لكن الحسره والألم شوف الفرق بين قبل والحين . نعم فيه حالات شاذه لكن مو كل المجتمع الخليجي جذي ، سواء عندكم والا عندنا بالامارات أو السعوديه أو عمان أو قطر والبحرين. لين الحين عندنا في المجتمع الخليجي العادات والتقاليد والسنع، لين الحين عندنا لما الأبو يمد يده على ولده والا بنته وهم متزوجين وعندهم عيال ، يقوله حاضر أبوي والا حاضر يمه، ويبوسون راسهم و إيدهم يطلبون رضاهم . يا رجل تشويه في تشويه ، البنت دايما برع البيت وترجع الفجر والا سكرانه والا البوي فريند عادي ، الولد الخليجي دايما سكران والا مخدرجي والا مغتصب اخته أو أو أو ، وين عندنا هالسوالف نحنا ؟ و هابين هبه بعد كل مسلسل الولد والا البنت قاطين ابوهم والا امهم في دار العجزه و مادري شنو ، ما قول ما فيه ، فيه لكن حالات نادره وشاذه وما تتعدى الاثنين بالميه . نحنا لين الحين مجتمع متمسك بعادات اجدادنا وتقاليدهم ، تقاليد المجتمع الخليجي الحقيقي ، الشهم الكريم المضياف السنع المحافظ والتربيه الصالحه، مجتمع الرجل اللي اخلاقه الطيبه وسمعته تسبق اسمه ، مجتمع المرأه الشريفه العفيفه اللي عندها ابوها وامها واخوانها وخواتها خط احمر ، المرأه اللي تخاف على شرفها و المحافظه على بيتها وعيالها و زوجها و احترامها لأهل زوجها حتى . و المجتمع المتعلم واللي خرج الكثيرين من عيالنا وبناتنا في الخليج دكاتره و خبراء وعلماء ومدرسين و مدرسات وغيرهم وغيرهم ، رفعوا راسنا فوق وينضرب فيهم الوصف داخل الخليج أو برع ، الله يبارك فيهم ويحفظهم ونفتخر فيهم . المجتمع الخليجي هو الوحيد اللي لين الحين مترابط ومافي فرق بين كويتي و إماراتي وسعودي وقطري وبحريني و عماني و حتى عراقي أو يمني، الجنسيه عندنا هو خليجي فقط . صحيح تصير مناوشات بينا وبين بعض بس في النهايه يوم يصير الجد كلنا نسند بعض و يد وحده، وكل واحد يخاف على الثاني ، وترا المشاكل والزعل تصير بين الاخوان اللي في بيت واحد ولكن يرجعون يتصالحون في النهايه ، وما علينا من المرتزقه أو المندسين اللي في كل مكان اللي يحاولون يفرقون ويسببون الفتن و اللي ما يمثلون الا انفسهم و يمثلون البيت اللي طالعين منه ومتربين فيه والبيئه الفاسده اللي طالعين منها ، وفي النهايه يطيحون طيحة الكلب أعزكم الله ونهايتهم مزبلة التاريخ، مهما سوو لكن هيهات هيهات انهم يفرقونا ويفككون خليجنا و دمنا الخليجي الواحد ونسبنا واخوتنا ومحبتا لبعض واحترامنا لبعض واحترامنا حتى للشعوب الثانيه . هذا هو مجتمعنا الخليجي الحقيقي، مو اللي في المسلسلات اللي تتسابق في تشويه سمعة العوايل الخليجيه و عادات وتقاليد مجتمعنا الخليجي، واللي يؤلم في الموضوع انه مؤلفها أو مخرجها يكون خليجي ، و انا ما أعمم و هاذيلا ما يمثلون مجتمعنا ولا نفتخر فيهم وفي أعمالهم ، وطلعولنا عاهرات و ناس الله يستر عليهم بس ويصلح حالهم وخربوا عيالنا وبناتنا ، بالعكس فيه مؤلفين و مخرجين والنعم فيهم و نفتخر فيهم و الله . غيورين، لكن للأسف معظهم . والسموحه على الاطاله، والله يوفقك و إن شاءالله إلى الأفضل دايما.
دق على المعز علي شررررررررررركته 😂😂😂😂😂😂 اقوى واحد انت فتنس الرد استمر يا بطل وبعدين ليش يفتحون الناس على الاشياء اللي تصير بحياتهم ويبون يقنعون المجتمع ان هذا واقع اذا حياتهم جذي ما تي تلبس مجتمع كامل بتهمتك وتنسبها لغيرك اذا عندهم مشكله في مستشفى الطب النفسي يفتح لهم ملف ويتابع حالتهم ليش اعور راسي وانت يا بووليد معورهم 😂😂😂😂😂😂😂😂😂😂😂
