بندق الصفر
يالي تنادي وتزهمنا بشوط الصفر
جينااا وجات ابعظامك عقبنا طقطقه
ما نغدر ابليلً اسود مثل لون الكفر
لا والله الا بشمسً مشرقه مشرقه
الباب مقفول ياهل الشوط مابه مفر
وعبدالله ان قال كلمه قالها من ثقه
( من يومي ابندقه فى وسط سوق الحفر
فى صيهد منيف ناخذ من يده بندقه )
…………………………………………………..
مرحبا بـ جداد الاخصام من عقب القدام
ونارنا بـ ارض الصياهد نزود اشعالها
والتحدي نعلنه كل يوم وكل عام
وكل من له حيلتن باللقى يحتالها
من يسولف بالسعه وينهو يوم الزحام
يا جمالن ما يسع الخطر جمالها
ما نضر المتقي لا اتقى ضرب الحسام
لو يماري في سيوفه وحد سلالها
من قبل حكم الامام وبعد حكم الامام
والرجال ارجال وتقاس حسب افعالها
لو تباع البل على كل من نوُا وسام
كان ما شفت النوادر مع وبالها
والسوالف واجده ويش به غير الكلام
وين منهو يحتمي كلمته لا قالها
لتحدي بالصفر عندنا تصريح هام
القيامه بالصفر قايمه بـ اهوالها
من عقب ما صارت اشواطها مثل الدوام
كل عام اتجي لها كنها بلحالها
حاضرن وقت التحدي فخر صبيان لام
واخصماه الي تصرح ما شفت ازوالها
لا تكلم كلمته دايمن قد المقام
اشهد انه قالهاا واشهد انه طالها
لا يغر الي توعد رصاصه بالحزام
الذخيره لا تثور بخباا من شالها
من حضر في شوط دبوس شاف الانهزام
يقتنع في ندر الصفر حين اقبالها
لا قدم دبوس بـ اسم الكويت بـ شكل عام
ومال صعبات المواقيف غير ابطالها
لا اعتلى طير السعد فوق مرقابه وحام
تفتخر ربعه وداره وكل ارجالها
من يحاول يجرحه ينكسر كسر العظام
كسرتن بيموت ما طاب من سلالها
والصياهد قابعه قد لها عدة عوام
وراية الدبوس فيها ومحدن زالها
كم خصيمً سمحه من طواري الانتقام
لين باع دقاق ذوده وباع اجلالها
والسنه هذي من يشوف في خشمه عرام
ايتمثنا المعركه لا يجي في جالها
قفل الاشواط دبوس قدام الانام
والصفر واهل الصفر تستريح اشوا لها
قام عبدالله بها بالكمال وبالتمام
كل منقيه تعرض شرب فنجالها
صف نخبه كلبوها تناسق وانسجام
خصمهاا بيموت ما جاب نفس اشكالها
حول ابها وارهج الصفر ويثور العسام
ندرن كل العرب تدري بمحوالها
تارد الناموس كنها مواريد الحيام
صفرنا ياويل من يعترض زرفالها
لا اقبلت قلنا ارحبي يا مطيرت المنام
واثقين ابها وهي واثقه من حالها
كل صفراً طايرت شوف مفهوقة سنام
تكرم ويكرم من العابثين اسبالها
لا مشت كنها تسبر مرازيم الغمام
ويوم تبرك كل هزعااا تجي بظلالها
عند عرض اجلالها حول خمس امتار خام
ما يجللهاا جلالن ماهو بـ اجلالهاا
من يصادم له جبل راحت اعظامه حطام
والقمم ما كل منهو نوا يرقا لها
والمجامل ينتهي عند وقت الادحام
والفرس في حزة الضيق من خيالها
ادري ان الطق بالميته ذنب وحرام
غير ليت ام الكباير تحفظ اعيالها
كلمات :
سعد الهويدي
اداء :
خالد ال بريك
تنفيذ :
اهتمام الدوسري
..
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : اهتمام الدوسري
______________________
للتواصل والاستفسارات :
الحسابات الرسمية لـ قناة اهتمام الدوسري .
SNAPCHAT : P.5BF
Whatsapp : 050 608 9787
#بندق_الصفر
#الدبوس
#خالد_ال_بريك
12 сен 2024
