خالد ال بريك _ كل عاشق رايح للهوى ضحية _ حظ منهو ما عشق له فلانية شيلات خالد ال بريك 

خالد ال بريك _ كل عاشق رايح للهوى ضحية _ حظ منهو ما عشق له فلانية شيلات خالد ال بريك
الهوى عقوبةً للهواوية
العنا تشوفه إن شفت لك هاوي
كل عاشق رايحً للهوى ضحية
للسهر والغربلة دايم مخاوي
صايرً فيهم من العشق ماريّة
كن في واحدهم من الهوى لاوي
منجحً فـ ايسر معاليقهم كيّة
عرش صدر العاشق من الهوى خاوي
حظ منهو ما عشق له فلانية
خالي قلبه ولا طاح متساوي
قاله اللي ذابحه حب نشميّة
عاشقً في حبها ماهوب قاوي
مهرةً ما حولها كل ريمية
جامعة مابين نجدي وشرقاوي
بينها وبين العذارى حزازية
كن فالدعوى هلالي ونصراوي
اتغطرس كل ما شافت بنية
غطرست وبال لا شاف له شاوي
كبرياها كبرياً لا إرادية
كبريا عتيبة على كل متقاوي
الا ما دام العزاوي عتيبية
إلفحي بالمخمليّة يا مهاوي
سيرة العتبان ماهيب عاديّة
تجعل النجم السماوي نجم هاوي
دايم الامجاد لا جات حصرية
عانها مابين روقي وبرقاوي
مجدهم ما طاولوه الكبارية
متعبين المجد والصحف والراوي
لجلهم ناطى على الداب والحية
لين يرضى كل ذويّق ومهاوي
عادةً فالناس خلقة طبيعية
كل شاعر مبدعً يتبعه غاوي
كان ما خضت البحور المحيطية
مانيب من ترثة عبيد ابن ضاوي
والعقاب عقاب ماهوب حنديه
خابرينً وش فعله و وش ناوي
جارح المخلب ولا فيه حنيّة
ساطي الافعال يجرح ولا يداوي
و ابومحمد لا جت للأهميّة
ازهمه في ليلةً ذيبها عاوي
ايه عبدالله ليا حان طاريّه
كايدً للكايدة دايم مخاوي
ابن ناشر ممتلً جود وحميّة
ناشرً صيته وللمرجلة حاوي
ذخر من تاسم على ادباشها الحية
مجدهم من سطوة افعالهم راوي
ارتكوا مركي عتيبة على الهية
لين صار الشيخ يقدم ولا يراوي
فعلها اللي ما احداً فاعلً زيّه
يشهد العراف فالمجد والغاوي
اللقى مافيه رحمة وماوية
تسهج كبار المخاطر ولا تاوي
...................................
#خالد_ال_بريك_كل_عاشق_رايح_للهوى_ضحية
#خالد_ال_بريك_حظ_منهو_ماعشق_له_فلانية
خالد ال بريك & صنهات حشر - ينكسر قلب الشجاع أن ذاق طعم الانهزامه 2024 حصريا
#خالد_ال_بريك_صنهات_حشر #ينكسر_قلب_الشجاع
#خالد_ال_بريك_ابتعد_لاشفت_لي_جوً_مايعجبني_نظاامه
#انا_سجين
#عيونها_الثنتين
#خالد_ال_بريك