حبيبتي اليوم جربتها جات هايلة الا انو في ملاحظة البنات لما تجربوها ردو بالكم للملح او نوع الفرماج اذا كان مالح بزاف نقصو فالبطاطا انا جاتني شوي مالحة زيادة لخطر الفرماج مالح بزيادة
يا بنتي نوصيك وصاية ، الي راح لا تبكي عليه ،ولي جا مرحبا بيه،ولي قدرك لاتسمحي فيه ولي خسر معاك اجبدي عليه ، الطير يطير وغير الأرض الي تحميه والسماء ارض ليه والطير الحر اذا جاورك لا تشويه ،والخاين يخون ولو التاج عليه وكما سر بالقلب يدس خاين الدار مايتعس ،ولي حفر قبر لخوه يدفن فيه والي نيتو زينة تحاوط عليه وحفظ الرحمان متنعم فيه ولي راح وخلاك لا تلهاي بيه، ولي يولي جمر لا تخلي يدك عليه ، ولي زرع ورد الخير يجي يوم يسنفع بيه ولي زرع الشوك وحدو يدق بيه،يابنتي اللي يحب يشريك بمالو غدوة بدورو يبيعك بيه ، الي يحبك يحبك لاصلك وقلبك وش فيه ،وﻻيغرّك دينك راهو ابليس حالف يردك عليه صلاتك ووالديك سياج بينك وبينو حطيه والذكر لا تنسيه ، يابنتي محبتك كثري لربي وشوي للعربي ،ربي ينجيك والعربي يفنيك ،والذراع الحافي مايوافي و الراجل ماتسمعيه سرك متشبعيه منك🙈 وفي الجماعة ماتكثري تحلي فمك حتى يخرج فؤادك ويطيح مقامك اذا كثر كلامك كثر خصامك وملامك ،راه كثير الاقدام يتمل لوكان وجهو مرايا وقليل الاكتاف ينذل لوكان جهدو عتايا، احفظي الوصايا ويجي يوم تقوليها لاحفادك ورايا 😊
