راني هذا وين طيبتو جا يهبل يهبل يهبل الخفه والريحه مانحكيش خير خبز الدار وعليه الكلام الله يعطيك حجه نشاالله والله فرحت من قلبي جا خفيف خفيف متتصوريش تقول مسكونشو ولاخير جربوه والله ماتندمو
انا جربتو اليوم يوم عرفة وراني بزاف فرحانة اكيد بهذا اليوم المبارك وثان بخبز الدار نتاع لبرايجية وجا فعلا اخف من القطن ويشهي نقوللها ربي يحفظك ويعطيك خيري الدنيا والآخرة ونتمنالك المزيد من النجاح
جربت الخبز واش نقولك يهبل يهبل مصباح وانا ندعيلك ربي يعطيك انشاء الله وشكرا على مصداقية الوصفة جا كما درتيه وكما قلتي جربوه والله متندمو شكرا شكرا تستاهلي المليون جام❤
اختي البرايجية الفحلة بارك الله فيك جربت اليوم الطلية تاعك روعة روعة روعة جازاك الله خير حتى بنتي اول مرة دارت الطلية تاعك و نجحت فيها ربي يباركلك في صحتك و حسناتك بارك الله فيك
كاس ماء دافي ملعقة ونصف سكر ملعقة ونصف خميرة خبز زوج بياض بيض نصف كأس زيت ملعقة ممسوحة ملح 5 كؤوس سميد وتضيف تقريبا كأس ماء مع العجن ونصف كأس حليب في الأخير بالعجن
شكرا شكرا شكرا يا ابنة ولايتي حمرتيلي وجهي جاء يسخف اللهم بارك شكرا شكرا شكرا اول مرة يصلحلي خبز الدار تاع السميد ربي يفرحك و عيد مبارك لي بغات تجربو تجربو و عينيها مغمضين
اليوم جربتو وجا يهبل ربي ينورلك حياتك ختي لعزيزة وهذي سنين وانا نحوس على وصفة تاع خبز دار بالسميد فقط جربت بزاف ومصلحوليش بصح تاعك جا يهبل وبإذن الله هذي هي الوصفة لي راح نعتمدها من ليوم وان شاء الله في ميزان حسناتك
يعطيك الصحة جربتو نهار حطيتيه في القناة واليوم حبيت نشكرك ونقلك يعطيك الصحة والعافية والعمر كله يارب من نهار الي جربتوا وليت نديرو غير هو الي يسألني عليه نقلو روح لحلويات لبرايجية 😊بالتوفيق
كاس ما دافي مغرفة و نص سكر و خميرة المطلوع نغطيوهم حتى الخميرة تتفاعل مع السكر لمدة ١٠ دقائق ، ٢ بياض بيض و نص كاس زيت و نخلط و نزيدو مغرفة ممسوحة ملح ، نزيدو ٥ كيسان سميد ممسوحين و نضيف تقريبا كاس ما غير صبع نخليوها تخمر ٤٥ دقيقة مبعد نعجنوه ل مدة ٧ دقائق و نبداو نزيدو فالحليب و نعجنو ( نصف كاس) لمدة ١٠ دقائق ندهنو صفار البيض + الحليب مالفوق و نخليوه يزيد يخمر