راه حرام التبني لان الطفل لما يكبر فهو محرم على المرأة لانه يجوز يتزوج بها و إذا كانت طفلة يجوز الزواج لها من مربيها و كذلك لا يجوز إعطاؤه لقب العائلة من اجل الميراث فلا حق له بالميراث
ربي والله مايضلم عبادو وكي جمعك مع هذا الزوج فيها حكمة كبيرة لأن ربي يعلم ما في الصدور وعارف واش عندك وواش عند زوجك وكتبلك ربي تطلقي من الزوج الأول وهو يطلق 2 باش يجمعكم مع بعض وهذا القدر فيه خير ليك ولزوجك وأما بالنسبة لتانيب الضمير حبيت ندبر عليك دبارة ولي هي انك تروحي للطبيب على أساس انك مريضة وعاودي الفحص وإذا لقيتي روحك مازلتي مريضة ثما ديري روحك كانو هذا وين عرفتي بلي عندك بطانة الرحم وقوليلو بلي الطبيبة قاتلك على هذا المرض وهكذا تضربي عصفورين بحجر واحد اولا تريحي ضميرك وثانيا يخف الضغط على زوجك
نفس النصيحة بغيت نعطيهالها وهي انها تروح تفحص عند طبيبة نساء على انها عندها الم ولا انفكسيون وثم الطبيبة تخبرها على اساس انها لاول مرة تسمع وتتفاجىء وتقول لزوجها انو ربي عنده حكمة باش جمعنا ويروحو يربو اطفال يتامى ويدو الاجر
مكانش تانيب ضمير لو انت في مكانو راح يتزوج عليك اكيد احمدي ربي علي هدا نصيب وديرو تبني في طفل ولا طفلة وملاحظة متتاتريش بدموع شفتي خيانة الرجل هملا عيشي واذ تقدرو تتبنلو طفل ربي يبارلكم فيه ان شاء الله
انا ليا ما تخبريهش خطر هو كدب عليكي من قبل ما يتزوج بيك و ما خافش من ربي وكان قادر يقولك الحقيقة لانو اناني ولازم تعرفي ان البطانة المهاجرة تعالج وتقدري تولدي
ميجيك تأنيب ضمير لا والو هو في لول خبا عليك كان لازم اخبرك إلا تقبلي ولا لالا.ونت بدورك متخبريهش خبي سرك لكن متيأسيش روحو لطبيب وعالجو قادر ربي يرزقك كلش قريب عندو. اهلو راهم ادلو فيك فقط لأنك رضيتي بأبنهم بلا اولاد كان تتعكس راح يتبدل الوضع.
يا بنتي وقفي مع راجلك مدام راجل مليح، امك عندها الحق متخبريهش عن مرضك، قولي وحدة من خواتاته تولد لكما، ولد خالي، ربا مرة الأولى بنت و من بعد زاد ربا توأم لخاطر محبوش يفرقوهم، و البنت الكبيرة زوجها و عمرهم فيهم.
ننصحك ختي صل صلاة الاستخارة هو يبينلك اذا تخبريه ولا لالا وحبيت نزيد نقولك ماتقطعوش وماتقنطوش من رحمة الله الواسعة وادعو ربي يرزقكم ذرية صالحة ان شاءالله
السلام عليكم اختي صفية كيراكي لاباس.بغيت نڨول للمولاة القصة و ننصحها لوجه الله.نقولك اختي شدي فمك وديري بنصيحة امك ما تخبريهش ماراكيش دايرة حتى حاجة تخافي منها ما تخسريش سعادتك لي ديريه هو تسكتي و تحاولي تدعي ربي وقراءة سورة البقرة يوميا وقيام الليل والدعاء و الصلاة الابراهيمية و الاستغفار.ما تفسديش فرحتك اختي و ربي هو الرزاق. ...و حاولوا تربوا طفل ولا طفلة يعمر عليكم الدار و يفرحكم وصبروا لرب العالمين.
قوليلو نروحوا للطبيب باش نشوف روحي ، و كي يخبرك الطبيب بلي ما تولديش ، يكون معاك يسمع ، ممكن يرتاح و ينقص الضغط عليه مسكين . قوليلو بلي رانا كيف كيف ، سبحان الله ربي شاف فيك باش ما تبقاش تأنب ضميرك. ربي يهنيكم .
واشربي وصفة القرنفل والسمسم راهم بزاف حملو بيها جيبي عشر حبات قرنفل صبي عليهم ماء دافي خليهم نص ساعة وزيدي عليهم مغرف صغيرة سمسم مطحون واشربي من اول يوم لدورة حتان نهار العاشر ربي يعمر حجرك ياااارب
ياختي متحكيش وخليها على ربي هو رب المعجزات والمستحيلات وكاين اقاربي حكايتو كما زوجك ككان صغير دار عملية على جهاز التناسلي وككبر وراح يخطب ناس سمعو بيه وليروح يخطبها ترفضه وكتبلو ربي وحدة قبلت بيه كما راه وسبحان الله بعد عام ونصف راحو لتونس وداوو وربي كريم رزقهم ببنت ومن وراها زادت حملت ببنت اخرى شوفي قدرة ربي نتي ثاني متفقديش الأمل عزيزتي ربوا يتيم ومتدري ربي واش راه مخبيلك واكثري من الاستغفار وقيام الليل
واش صبرك على المر 😢 ربي يرزقك الذرية الصالحة اقراي سورة البقرة و اكثري الحوقلة والاستغفار والصلاة على النبي بالالاف المرات في اليوم والصدقة معجزة في تفريج الهم
انا نقولك يا بنتي ، ربي سترك ما تفضحيش روحك ، انا نقولك ديري روحك عندك التهاب و روحي لطبيبة النساء و كي ترجعي قوليلو بلي الطبيبة اكتشفت بلي عندك مشكل اللي هو تكيس المبايض و هكذا قوليلو بلي رانا في زوج عندنا مشكل تسما ما ضيقهاش على روحك و بهذا تكوني خففتي عليه الحمل و كملي حياتك عادي معاه و تهلي فيه و في عجوزتك و لواساتك. ربي يسترك و يعوضك العوض الجميل و يرزقكم من حيث لا تحتسبون
ربو طفل ولا طفلة دورك ينسى احساسو بالنقص وثاني نتي تنساي حكاية المصارحة انا راني مع يماك كي قاتلك ماتخبريهش راكم في زوج كذبتو في البداية ماقلتوش الحقيقة هو قالك الحقيقة بصح وكتاه بعد مازوج بيك ثانيا روحو داويو رواحكم ربي قادر على كلش وهذا بعد ماتتبناو طفل باش يكون راجلك ونتي في نفسية مليحة وان شاء ربي يعمر حجرك
لا تكوني أنانية وخبريه بالحقيقة وانت ايضا خايفة تدمر علاقتك به بسبب العقم صارحيه احسن ما يسمعها من انسان اخر بطريقة ما و وقتها تيطيحي من عينيه خبريه الحقيقة احسن لك
نصيحة من اخت في الله ما تخبريهش والله تندمي قوليلو راني راضية وحقيقة هذا مكتوب ربي راح يتبدل عليك الجميع وتقولي يا ليت بعد فوات الاوان كون هو ينجب والله ما يرحمك اياك ثم اياك
اختي الكريمة متخبريش وخليها على الله وروحي للطبيب مع الام وعودي كشفي على روحك خطرا متكونش الاهدر نشان ونوصيك تهلي في الزوج تقعدي معاه في الصراء والضراء والله المستعان والقادر على كل شي 🤲
السلام عليكم... هي كي ما تقوليلوش ما فيها والو،،، بصح مادام مانبه ضميره عليك.. فوليلو بصح ما تقوليش بلي ميؤوسة من الحمل.. لكن قوليلو انا تاني عندي مشاكل في الحمل ساعات يقولولي تكيس مبايض،... ساعات يقولولي التهاب... وساعات بطانة الرحم المهاجرة وخليهالو في الغم...... وهكذا تريحي ضميرك وضميرو... ما تقوليش قالولي مستحيل تحملي قوليلو، عندي مشاكل لازمها علاج ممكن نبرا منها ممكن ما نبراش
شكون قالك بلي انت ما تولديش عندك العلاج ،علاه راكي تغبني في روحك و حاسة بتانيب الضمير،انا من رأي اهلك خلي الحال على حالو علاه راكي حابة تفتحي حرب على روحك انت في غنى عنها ،عيشي حياتك عادي، ما تحتقريش زوجك عامليه مليح و احتارميه و اعرضي عليه موضوع تربية طفل هكذا تعمروا حياتكم وان شاء الله يدوم هناكم.
اللهم صل على محمد وعلى آل محمد كما صليت على ابراهيم وآل ابراهيم انك حميد مجيد وبارك على محمد وعلى آل محمد كما باركت على ابراهيم وآل ابراهيم في العالمين إنك حميد مجيد
ماكملتش القصة وبغيت نكتبلها تعليق ونڨوللها كاين طبيبة عندنا فى وهران مشاء اللّه ڨاع راهم يشكرو فيها سموها لوكيل صارة وبزاف كان عندهم مشكل فى الحمل لسنوات عديدة تفوت عشر سنين تشوفها على اللّه والرنديفو عندها حتى 15 فيفري تبدا تمده وياريت الأخت صفية تثبت تعليقي لعلى وعسى يكون فرج الكثيرات بسبب هاته الطبيبة اليوم رحت عندها باش نشد موعد ولقيت وحدا خارجة من عندها بالحمل بعد تأخر إنجاب لمدة سبع سنين
ختيتو العلم تطور كثيراا وبا اذن الله حالتك ممكن تتعالج ثانيا انت لم تخدعيه هو الي خدعك و خبى عليك العملية وحالته الصحية وهو متأكد من حالته اما انت ممكن تتعالجي يعني عندك امل وكل ما تسمعي عن طبيب مشهور روحي مع امك فالسر وعالجي نفسك لا تعتمدي على واش قاتلك طبيبة وحدة منذ سنوات في هداك الوقت كنت صغيرة بزاف ممكن تغير الهرمونات و كبر سنك الان تلقاي كلش تبدل في رحمك لاتتسرعي وتخربي بيتك من الافضل تقولي لزوجك ارواح نقومو الليل معا نقراو سورة البقرة يوميا كثرة الاستغفار والصلاة على النبي كذلك شوفي وحدة من اخوات زوجك تنجب طفل تعطيكم تربوه يملئء عليكم حياتكم او جيبو يتيم ربوه راح تتغير حياتكم
