مو مرتبكة..وحده كذابة .بكل الاجوبة كذبت .واكو وحده ما تعرف من النبي اللي ابتلعه الحوت .وبعدين تقول اكثر وحده اقرا قرآن في البيت ولما سألتها شلون تقرين قران وما تعرفين الإجابة قالت توني بديت بسورة البقره . تكذب عيني في عينك .لا حول ولا قوة الا بالله
مو قصة مرتبكة الي مرتبك مو هيج مبين هاي مادارسة ولاداخلة مدرسة او بس ابتدائية ومبطليها لان ماتعرف كلشي لاتعرف تحجي ولا تعرف ذني منو بلعة الحوت ولو اني من الابتدائية جنت اقرا قصص الانبياء بس هذا الجيل يختلف يعني مبطليها ومكعديها لافهم ولاعلم
@@mariamal-iraqia4681 كلامچ بيه وجهه نظر صراحة وهيَ هم فشلّت نفسها يعني انتِ متعرفين تحچين او مرتبكه او ممتعلمه الخ... ليش تطلعين بلقاء چان رفضتي وفضيتيها، وادارة البرنامج هم كُلّش غلط انّو نزّلوا الفيد
شدعوة ساعة ترة من البوابة مال كاظمية لحد جسر السايلوا مال الغاز هذا كلو يسموه شمال الكاظمية و٥ دقائق من الشؤون للبوابة ... الساعة مالتك اوصل بيها للدجيل @@user-zt5ei1xg6b
@@user-oh4eh6fb7qمبينه مراهقه وصغيره بعدها ترا ماخذها المكياج والطول شنو ال١٤ سنه چنه بهذا العمر نلعب بالشارع ومنعرف اي شيء بس هي فاطمة مدام شافتها موقوية بمعلوماتها وشافتها تلف وتدور ومتحجي صدك المفروض ماتلح تعرف ان مراهقه وتعوفها
فاطمة قيدار الصراحة ماتوقعت منج هذا التصرف؟؟ كل عين بكد الميكرفون وجاي تشوفين البنية مرتبكه اكلتيهة اكل وتأكدين ع المصطلحات شبيج لا والله صدك شبيج ترى مو حلوة ولازينة من واحد يستنقص من بشر عيب. رسالتي للبنية :ابد لا تهتمين وانتي سباعية او مو عيب واحد يخجل ويرتبك انتي وردة 🌹
@@scen444luv لا خطية كسرت گلبي بنية وردة فقيرة وطفلة ترة مو جبيرة اكلتهة اكل؟؟ الصراحة كلش انغثيت من تصرف فاطمة! اقسم بالله لو تعرفون شكد احب هيج طبقة من البشر؟ احس بي يريد يحجي بس اكو شي بداخلة يمنعة؟؟واني اساعده
اول شي البنية حيل لطيفة و واضح متوتره كلش ومن طبيعة الانسان من يتوتر الامور تبدي تتخربط وتركيزه يقل وهل ظاهره تمشي بكلشي بالحياة الي يتوتر يضيع الاول والتالي سواء كان دراسة او بالحديث وهكذا .. فـَ محد كامل والكمال لله علمود تنطوها هيج تعليقات سلبية حطو نفسكم بمكانها والشي الي ما تقبلونه على نفسكم لا تقبلونه على غيركم واصلا اشوف اللقاء حيل طبيعي واصلا عفوي بدون تصنع بينت طبيعة توترها بطريقة مختلفة ، فاذا كاعد تشوفين هل تعليقات السلبية بالعكس لا تضوجين ولا تهتميلها لان الموقف طبيعي ناتج من توتر
البنية يمكن مرتبكة ف هيج متعرف تجاوب و بالنسبة لجواب اي نبي ابتلعه الحوت ف احتمال مجانت مجتهده بدراستها بس عسى و لعل يكون هذا اللقاء بداية لتغيير نفسها و تطوريها . و حبيبتي اذا دتشوفين تعليقات سلبية لتضوجين و اخذيها ك تحدي لتطوير الذات و اخذي تعليقات النقد البناء لان ماكو احد بينه كامل و كلنااا متروسين عيوب و نحاول نصلح اللي نكدر عليه 🤍🫂
من بعد هل فيديو تم الغاء المتابعة عن القناة مالتكم الي تريد مشاهدات على حساب الطفلة ونفسيتها ، ومستحيل اتابع هل برنامج بعد ، جان استحيتوا مسوين لقاء مع طفله وتشوفون ارتباكاها واجوبتها مو بمكانها وناشرين هيج فيديو تدورون مشاهدات براسها
العتب على قناة الفلوجة المفروض هيج لقاء ما ينعرض اصلًا البنت واضح متوترة ويدرون شكد تعليقات سلبية راح تجي عليها اتقوا الله انتم ما عايزين مشاهدات وشهرة
@@user-yo8cw8no1jماكو هيجي حجي حبي.. هسا انت اذا متحبين تتصورين شنو بالاجبار؟ حتى لو تكعد يمج وتفاجئج تكدرين تلغين التصوير ويحذفون كل شي بنفس اللحظة ، شغلة ثانية هذي اللقاءات الي بالشوارع كووووولها متفق عليها ، يعني ماخذين الأذن مسبقا من الشخص
@@natalymech6619حبيبي البنية بعدها طفلة ومو واعية المفروض من الشخص الواعي مينشر هذا اللقاء لكن مع الاسف البنيه الله اعلم شنو حيصير وياها بسبب التنمر والسخرية الي راح تتعرض اله بسبب هذا الفديو
جمعت بين الحماس والتوتر لو تلاحظ طريقة كلامها سريعة بدون تلكأ بالكلام والمفردات لكن التوتر والارتباك الي عندها خلاها ما تكدر تفكر او حتى تتذكر الإحداث بشكل مؤقت يعني هي شخصية تندمج ويه الأشخاص المقربين منها اما الاشخاص الجدد ترتبك لأنها أصلًا مركزة على ردة فعل الشخص الي أمامها يعني، مركزة على الاسئلة وما مركزة على الأجوبة .
لاحول ولاقوة الا بالله ،، انا ابد مااعلق على اي شي .. بس حقيقة هذا اللقاء مستفز بشكل ،، يعني طفلة وانتِ اجيتي وسويتي لقاء وياها ويجوز ماتريد اصلا وتستحي تكولج لا ،، ثانيا كل طفل يحب يمدح نفسه وهو بين اهله واحباءه ،، كيف امام الناس وعلى مواقع التواصل حبت انه تكون فد شي حلو ومهم ،، يعني من عرفتي هيج البنية جاي تخربط ليش اكمل وياها حتى بس تبين انه هي جذابة لو شنو ،، تكولها تعبت بعد عجييببب ،، يجوز البنية اصلا عدها مشكلة لان مجاي تجمع المعلومات ويجوز مبطلة وتستحي تحجي ،، رفقا رفقا باطفالنا ونفسيتهم
خطية مبينة على نياتها و مرتبكة ويمكن 😮اول لقاء بحياتها فالمفروض بالقناة ما تنشر اللقاء. هسة شنو موقف اهلها أكيد سببتوا الها مشكلة و انتو كل هدفكم المشاهدات . حسبي الله بيكم
اتفه لقائات شفتهة بحياتي و مامنهة فايدة هيَ لقائات فاطمة قيدار دائما شكو شي تعبان بالمجتمع تروجلة من زواج قاصرات و تعدد الزوجات و اذا شافت وحدة 2006 و مخلية مكياج تكللهة ليش مكبرة نفسج ونفسهة اذا شافتهة متزوجة عمررررريييي الصغير عمرييييي ملاحظة // اني طبعا ماعندي تليفون لان اهلي يردون يطلعوني جوهرة وعلقت هذا التعليق من الثلاجة و ها نسيت سالفة المواليد اذا شافت شخص وماسألتة ع مواليدة وانصدمت بي يمكن يومهة مايكمل
وشكو طالعة باللقاء اذا هي مرتبكة؟ .على فكرة ترا كل واحد تلتقي بي المذيعة تتفق وياه مسبقا وتاخذ إذنه . وهي رادت تطلع ومقررة تكذب بس المذيعة ظلت تدقق بالكذب مالتها
اخوان ميصير نصنف على الناس ترا والله (من عاب ابتلى) و احنا اكيد مو كاملين و عدنا نقص لان بكل بساطة احنا بشر و الكمال لله هسه القناة غلطت و نشرت هالفيديو ليش الكلام الجارح باجر يشوفون الفيديو كرايبها و الي وياها بالمدرسة و الجيران مو حلو الكلام الي بالتعليقات بحقها اتقوا الله حتى الله يرحمكم
العتب ع وزارة التربية الي مظحين بمادة الاسلاميه والمفروض هاي اكثر ماده نخلي الطلاب يحفظوها والله عدنا بنيه من اقاربي ماخذه تسعين بالنكليزي واربعين بالاسلاميه الله اكبر 😢
الي يكولون البنيه مرتبكه ودايدافعون ومدري شنو ترى انتوا مو غشيمين البنيه فعلا هواي هواي دتجذب ماعرف هي هيج تسوي حتى تصير ترند يعني وين اكو شخص عمره 15 سنه ميعرف منو النبي الي ابتلعه الحوت لاوفوكاها اكثر وحده بالبيت تقره قرأن ✨️ وبعدين دتحجي شغلات مومعقولة شنو نجحتت شنو اعفاء عام شنو رسبت بدرسين حتى المريض بالعقل تسأله ميجاوب هيج اجوبة ويخوط بصف الاستكان ف لتتعاطفون ويه شخص ديغلط بحق نفسة البنيه يحتاج تعيد ترتيب افكارها وتجاوب اجوبه منطقيه وصريحة لان مو طفلة هي عمرهه 15 سنه !
الي بلتعليقات الله لا يوفقهم ان شاء الله وتتحاسبون ع كل حرف تذمون بي شخص راعو مشاعرها حتى لو ما تعرف لو مرتبكه سبحان الما يغلط تره اذا تشوف هشكل كلام من شعبها مو من غربة تدرون شراح يصير شنو تأثير الكلام ع نفسية الشخص اتمنى تحسون بلمقابل وتحسبون للاخرة وللدنيا قبل كلشي
والله انشاء الله بس نخلص دراسه بنات العراق كلهن راح ايطلعن من العراق اريد انطور نفسنه لأن اغلب التعليقات ناس غير مثقفه خاصتاً الولد العراق كلش مو مثقفين.. وغلب بنات العراق حالياً كلهن واصلات وعدهن شهايد وكو بعدها ممكمله. مثلي اني بعد سنتي وتخرج.. والله اخي بعد صار المثقف ميتحمل يگعد يم جهله.. والصراحه اهنا لانسان ميگدر يحقق ليريدا ولبعقله.. انشاء الله كل بنات العراق ايشوفن تعليقي الاواصلات ولبعدهن ممتخراجات..ويطلعن من العراق. خل يبقى بس للهمج العراق. المثقف لازم.. يطلع لأن المكان ميناسبا.
فاطمة قيدار اعلامية ممتازة ❤ بس بالمقابل من تشوفين شخص مرتبك او خجول حاولي لتلحين لأن راح يتعرض للنقد وجملة من التعليقات ...الابنية جدا طبيعية بس توترت وهذا الشي اكيد لأن هواي متابعين هذا البرنامج ومن ضمنهم اكيد اقاربها 😢
وين الممتاز بالموضوع؟ تلزم الشخص تفضحه فضيحه ولو مو هيج طبعها جان محد مكلبها ولا احد يعرفها بس تعرف غالبية المجتمع يحب هاي سوالف ، ف كل الطرق تحاول تفضح بالعالم علمود تصعد مشاهدات واني واحد من الناس شفت فيديو منتشر الها بشكل فضيع من التقت بثنين صغار مزوجين وفضحتهم فضيحه وغيرها وغيرها من المواقف الي طششتها اني اشوفها اسوء اعلامية صراحه وبرنامج تافه الى ابعد حد
@@G-QU ماتكلي وين الفضيحة بالموضوع؟ لو جان حجيك صح ماجان العالم يتمنون يقابلوهة يحجون وياها اما بالنسبة للصغار المتزوجين فهم يلي قبلو بارادتهم كل القصة انو فاطمة عفوية الي بكلبهة على لسانه بس ماتجرح احد بس لان انتو اتعودتو المجاملات تشوفون شي غلط اذا احد كال رأي مختلف عن رايكم وماتحبون تطلعون غلط
@@user-dx8kd1fs8v شبيك خوية انت متيه طريقك لو شنو ؟ منو الكال خلي تجامل ؟ منو الي فرض رئيه ؟ من الغباء و الجهل اصلا اذا واحد يفرص رئيه ع شخص ثاني كل شخص وهو حر برئيه ومحد اله حق يدخل بهذا موضوع ، و انت ذكرت انو الي تلتقي وياهم بأرادتهم لا غلطان انت ممجرب من يجون عليك همه وكامراتهم وخير دليل هاي البنية شلون ارتبكت وكامت متعرف شتحجي حتى ، وانت ذكرت بعد انو الناس تتمنى تقابلها وتصور وياها ، طبيعي هلشي جدا اكو كلش هواي تافهين وحاسبين نفسهم ع مشاهير وهم ناس تتمنى تتصور وياهم لان بـ اختصار مجتمع عبارة عن تفاهه مع كل احترامي لحضرتك بس هذا الواقع. اني ما عندي اي مشكلة وياها ولكن الي مضوجني برنامجها انو تسأل اسئلة شخصية وتدخل بحياة العالم وهلشي غلط .
التوتر والرهاب الاجتماعي واضح من اقدامها شوفو وتصرف ايديها و هي بعدها طفلة واكبر غلط هو الظهور على شاشات التلفزيون العراقية لان راح تكون ميز للسخرية من المشاهدين .
وانتو بالتعليقات تكولون البنيه جذابه ! شبيكم الخاطر الله تره هاي طفله مو بنيه بس عمرها 14سنه يادوب خلصت ثاني متوسط ومبينه فطيره وعلى نيتها يعني الا تحبون المسمومه والحقوده حتى ترضون يعني والا شنو شويه مشاعر البنيه راعوها حرام عليكم
يااخي عبالك احد دازها عليها خل تطلع البنية جذابة اني استحيت والمذيعة مااستحت من كمية الخجل الي صارت بيها الطفلة البنية دتكلج اخاف احجي الصراحة احتمال احد من اقاربها ميدون بوضعها الدراسي يااخي علساس تدرسين وتفترين ثقافة البنية حتة لو تجذب تعالي وياها بااسلوب حلو تنجبر تحجي الصدگ
وترى اذا عالاعفاء ف اتوقع تقصد يمكن رسبت بشهر الاخير بعد نصف السنه ولهذا عادولها الامتحان وجاوبت ونجحت وطلعت اعفاء عام هيج قصدها يمكن بس هيج مرتبكه جانت ف خانها التعبير بس كلش حبابه وعلى نيتها ❤
خطية اعتقد هي طالعة اعفاء فردي وبمادتين مامعفية وامتحنت هسه ونجحت…. يعني كلها على بعضها عمرها 13_14 واول مرة تسوي مقابلة ف طبيعي تصير هيج بيها اتمنى ماتتاثر بالانتقادات وسخافات البيجات اللي يدورون تفاعلات ومن المفترض القناة متبث هذا اللقاء من شافوها مرتبكة وكلمتين متكدر ترتبهم ولكن هم اكبر همهم التفاعل ويعرفون هذه راح يصير عليها لغط ميفككرون شنو ممكن يأثر عليها الكلام ان كان هسه او بالمستقبل وهي لسه طفلة
@@Beyondearth8 لا مو لازم لان كل كلامها ناتج عن ارتباك وتوتر وهي بالحقيقة شيء اكيد مو هيج والهجوم اللي عليها من ضحك واستهزاء مو طبيعي فماراح تتغير للاحسن بلعكس للاسوء وحتى يصير بيها حالة نفسية وهذا اللقاء حيبقى بصمة عليها ومستحيل تكدر تمسحه او ايا كان تخيل لمن تطلع والكل حيشوفها بنظرة وحدة وهي ماتعرف تتكلم وتكذب شنو يصير بيها ف ان شاء الله مايكون همها الناس وتكبر وتوعى وتصير افضل نسخة من نفسها ….
فاطمه احنه ما متعلمين منج هذا الأسلوب التنمر والضحك ع واحد يخطأ المفروض انتي من جاوبج ما تساليه عكس الجواب مالته حتى لا تنطيج وجواب ثاني عكس الاول وينضحك عليه المفروض تمشيله الجواب من شفتي البنيه مرتبكه ومو ع وضعه الطبيعي والبنيه مبينه ما مطلعه وبعدها صغيره وانتي اعرف بهذا الشي وخليج مثال للمره ويتعلمون منج الشي الصح وليس التنمر
خطية البنية مرتبكة حيييييييل ويمكن حتى من طلبوا منها لقاء وافقت وهي مرتبكة ، المهم سواء وافقت او لا ميصير بالحالتين فاطمة قيدار تسألها وتلح وياها بالاسئلة المفروض اول ما تشوفها ارتبكت بالكلام ما تزيد وياها بالحجي وتخليها ترتبك بالزايد وتضغط عليها
بت قيدار احترمي نفسج احسلج قبل فترة الناس طيحو بحضج بتهمة وشبعتي بجي هسه هذي البنيه من شفتي اللقاء مالتها مو شي ليش تنشرينه تضحكين العالم عليها تردين الله يطيح حظ المخرجين والاعلاميين الواكفين خلف الكواليس ادب سزية
هالبنوتة حيجي اليوم الي تصير فد شي كلش جبير ومتأكدة من هالشي ، كلنا بعمرها بعدنا ممحددين شنو نريد نصير ولا نعرف شون نسولف ونرتبك ونستحي من حقيقتنا ، فعادي الي صار والعتب مو عليها هي بعدها هسه طلعت من فترة الطفولة للمراهقة العتب عالاعلامية قليلة الذوق الي تكوللها مطفاية ، حسبي الله ونعم الوكيل بيج ويارب تنحطين بنفس الموقف
قبل جنت اشوف هاي الاعلاميه واشوف الناس شلون متحبهه وتطلع عليهه اشاعات وهستوني عرفت عليمن يكرهوهه حشريه ومطيه هم وطريلتهه واسلوبه ينرفز تستاهل الي يجيهه من انتقادات
يمه حياتي البنوتات الحلوه تجنن ماشاءلله تره هي بعدها مراهقه وصغيرره وشي طبيعي يصير هيج وياها ممكن مرتكبه ممكن اصلا ممتعوده تحجي ويا احد ممكن فعلا عدها مشكله بحجيها او متركز شمدريكم بالبشر شنو وخاصا لقاء وعلى التلفزيون اتقوا الله ولا تحجون عليها والله يحفظها يارب من كل شر 💗💗 واتمنى اذا تشوف الفديو متضوج من بعض التعليقات
@@scen444luv اني اشوف العتب مو بس ع فاطمه وانما اصلا ع القناه الي نشرت اللقاء فوك هذا ماكتفت ونشرته بس ع التلفزيون حته على اليوتوب كله في سبيل المشاهدات وابد ميفكرون بالطفله والاشياء الي ممكن حتصير بيها بسبب حجي الناس المسموم
هاي البنية التعليقات كلها تصنف عليها لأن رمشت بعينها رمشة غريبة أو البنية كالت اني مكتئبة هاي البنية مبينة مواليد 2010 لو 2009 لأن هية بعدهة زغيرة أو التعليقات كلها جاي تصنف على البنية بي والله حرام على كل واحد يصنف عليها
قال رسول الله (صلى الله عليه وآله وصحبه وسلم) : (( من كان يؤمن بالله واليوم الآخر فليقل خيرا او ليصمت)) كااااافي تعليقات سلبية محد من عدنا كامل حطوا نفسكم بمكانها اتمنى من قناة الفلوجة تحذف اللقاء ارفعوا التعليق
بيها مجال ترتبك بجوابها عن الكرخ والرصافة ومنطقتها ويمكن حتى عادي تخربط بالانبياء بس هي طالبة والسنة كلها تدرس وهدف الطلاب الاعفاء مم اول السنة معقولة ترتبك وتتوهم ومتتذكر هي ناجحة لو مكملة لو اعفاء؟ هاي فقط في حالة كايلة لكرايبها معفية وانحرجت وزل لسانها وكالت مكملة بدرسين وكامت تلزك بالسالفة
السلام عليكم ورحمه الله وبركاته.. اول شي ترا البنيه من كالت اعفاء قصدها اعفاء فردي وأصلا هي مو كذابه ولا شي ظلمتوا البنيه ترا هم امتحنوا من زمان بشهر الخامس امتحنوا الي مطلعين اعفاء فردي وهيه قصدها اعفاء فردي بس ماعرفت شلون توضحها اله وشي ثاني علمين والانتقاد والتحشيش على البنيه.بدال النصائح من تشوفون واحد شويه مو هلكد يعرف انطو اله نصائح بدل هالانتقاد . لعل تكون هالنصيحه تغيرها للأفضل اخاف عيالكم الانتقاد راح يغيرها بالعكس ح تصير بيها حاله نفسيه ويمكن لا سامح الله تصير للاسوء متشوفون اكو محتوى هابط وانتوا راح تنتقدونهم بدل ما تنطيهم نصائح هم راح يصيرون للاسوء دا اقصد بهذا كلامي بعض الناس مو كلهم ف اتمنى انو انتوا من تشوفون واحد مو مايعرف ويحتاج اله نصائح انطو ولا تتنمرون ونصيحتي إلى البنيه معليج بهذول الناس بس يردون ينتقدون واحد . وكملي حياتج وكانما ماموجودين وطنشيهم والسلام عليكم ورحمه الله وبركاته وشكراً جزيلاً
وحدة من الاثنين هاي لو الجذب يمشي بدمها لو هي گايله لگرايبها طالعة اعفاء عام ومگدرت دگول الحقيقة باللقاء بس من استرسلت بالكلام زل لسانها وكالت راسبة ب2 وتورطت بعد رادت تلزگها مگدرت
ليش تحرجها وتظل تسالها شفتيها مرتبكة غيري موضوع مسوية نفسها مذيعة شاطرة على طفلة من يوم الفشلت الطفل اللي حضنها واني غاسلة ايدي منها تكول رح اطلك طفل بعده مابالغ هيجي تعرفين حلال وحرام لاتحطين مكياج لعد
طبعاً منتبه أنيہ ؏ فاطمة شگد تلح ويـة الواحد ؟ شگد تحب تسأل أسئلة شخصية ؟ سامعين بـ إلي يثرد بصف الصينية ايي هي هاي فاطمة اعلامية فاشلة بمعنىٰ الكلمة وماعدهة أيي اسلوب حوار يعني شفتيها طفلة هلگد أسئلة سألتيها وين تريدين توصلين ؟! شفتيها مرتبكة ليش ألح وياهـة واسألها أسئلة ما إلها داعي وطبعاً مو بس هذا القاء هواي لقائات تسأل وتدخل وتلح ويـة الشخص احد يفهمه الي دتسوي غلط خلي تسأل أسئلة بعيداً عن خصوصية هذا الشخص وحياتـة لأن مو كلنة نحب نتكلم عن خصوصياتنة مهما كانت بسيطة ❤.