اي بشر يمر ب ضروف تخلي يكره نفسه وتخلي ميطيق احد بس! مو معنا انو تروح وتأذي نفسك بسبب شی صار وياك عاادی تنكسر وعادي تنخذل وعادي تنجح وعادي ترسب وعادي تمر بتجارب انت متريدها بس مو عاادي انو تأذي نفسك احنه اليوم البشر معرضين لكُل شي فـ اي شي يصير وياك تعلم منه اخذ عبره مو تأذي نفسك وتخلي نفسك بدومه صعب تطلع منها الله سبحانه وتعالى مینسی عبده ميترك عبده تعبان حزنان مهموم عندك الف طريقه انو تروح وتتقرب منها لرب العالمين وتتخلص من حزنك، ھمومك، کُل شي مضايقك وكُلنا نعرف انو الله سبحانهُ وتعالى اذا أحب عبداً ابتلاه فـ انت خلي ع بالك انو وقت تكون بعيد عن رحمة الله ما راح تكون مرتاح ابد بـ العكس ربنا راح يخلي بطريقة الف سبب حته ترجع لرحمته حته تعرف الطريق الصح ومتأذي نفسك وقت تحزن لا تسمع اغاني او تروح دخن ارکیله او تشرب جكاير البنات كذالك اني اشوف بعض البنات وقت يصير وياهن شی محزن كبل راح تبجي وخلت اغاني والبعض يدخنن افتهمو عاد انو الطرفين شباب او بنات انت دخن وتسمع اغاني مراح ترتاح وبـ العكس راح يزيد الي بيك اما اذا جرب انو تروح تفرش المصلاة وتتوضى وتشكي لربك راح تحس براحه نفسية مو طبيعة راح تحس الهم الغم والحزن الي بكلبك کله نزاح والبنات كذالك بطلو سوالف انو افضفض لصديقة او افضفض لصديق الله سبحانهُ وتعالى دا يقربكم اله بـ المواقف انتو تبتعدون عنه اي شي يصير وياج ہجي ومدري شنو افرشي المصلاية وصلي واشكي لرب العالمين اكو شخص اقرب من رب العلمین النا اكيد لا ارحمو انفسكم وادعو انو الله سبحانهُ وتعالى يعديكم لطريق الصح بطلو من الاشیاء السيئه اتركو كل عاده مو زينه اتركو كُل شي يخليكم تحزنون ورجعو لرحمة الله سبحانهُ وتعالى لما تراجع هل الكتابة الي اني كتبتها فكر بكل لحظه جنت بیها بعيد عن ربك راح تندم وتتمنى الاوقات الي فاتت انت جنت تصلي او جنت حته لو تقرة ايه من القرآن ارجعو لرحمة الله لان لو تبحثون عن الراحه سنين ما راح تلكوها الاب الصلاۃ وب القرب من رب العالمين💜.
