خرجت ولم تعد || خطـ ـفت و عـ ـذبت ورمى جثـ ـتها فى النيل - من قـ ـتل الست أديبة 

من اقوى قضايا الراى العام والقضايا التى هزت الراى العام هى قضية السيده اديبة فاروق ابراهيم فهى جـ ـريمة هزت السودان وتبدا ب
تبدا الحكايه فى 2017 لما بيتلقى جهاز الشرطه فى العاصمه السودانيه الخرطوم بلاغ بيفيد باختفاء سيدة فى سن الاربعين اسمها اديبه فاروق ابراهيم وهى زوجه وام ل 4 ابناء ومتزوجه من المهندس امام عبد الباقى
والست اديبه من عيله كبيرة ومعروفه جدا فى الخرطوم اجوزت من زوجها المهندس امام بشكل تقليدى جدا وسافرت معاه على ليبيا وعاشوا هناك 22 سنه
ويجى عرض لجوزها بانه يشتغل فى المملكه العربيه السعوديه وهو فى ليبيا فبينتقلوا من ليبيا يقعدوا فترة فى السعوديه عشان يرجعوا اخيرا يستقروا فى موطنهم الاساسى السودان
وقاعدوا فى منطقه اسمها ابو ادم من يوم رجوعهم ولحد يوم اختفائها ف 11 يوليو 2017 ايه ال حصل بقا اليوم دة
كان يوم عادى وهادى وروتينى جدا وكانت الست اديبه قاعدة بتحضر الغدا ومنتظرة رجوع اولادها وجوزها واثناء ماكانت بتحضر الغدا اكتشفت ان مافيش عيش
فواحد من اولادها ال كانوا موجودين قالها انه حينزل يجيب عيش من المخبز القريب من البيت لكن هى بغريزة الام رفضت لان ابنها لسه راجع من برة وحساه مرهق وصممت ان هى ال تروح تجيب العيش
وفعلا اديبه راحت المخبز يعدى ساعه اتنين تلاته اربعه بس اديبه مابترجعش على البيت وال بالمناسبه بينه وبين المخبز مسافه ماتتعداش الخمس دقايق
ولاد الست اديبه كانوا كلهم رجعوا البيت وقاعدين مستنينها فى حاله كبيرة من القلق بس لما قلقهم زاد عن المالوف واحساسهم زاد بالعجز وقله الحيله قرروا انهم يتصلوا بوالدهم المهندس امام يعرفوة ال حصل وهو بقا يتصرف
وبالفعل بيجى على طول وبينزل المخبز يسال عليها بس مابيطلعش باى معلومه مفيدة لان كل ال فى المخبز قالوله انهم ماشفوهاش ولا يعرفوا عنها حاجه
ومن ناحيه تانيه كانت عيله السيدة اديبه عرفت ال حصل وبداوا يدوروا عليها فى كل مكان بس للاسف الست اديبه زى ماتكون فص ملح وداب الارض اتشقت وبلعتها
واخيرا العيله بتقرر انها تتوجه للشرطه وتعمل محضر اختفاء وتبدا الشرطه السودانيه فى رحله البحث فبيتم استجواب عيلتها اولا زوجها واولادها وبعد كدة استجواب اهلها والجيران والمعارف واى حد بتربطه صله بالست اديبه حتى الناس فى الشارع
كل الناس بدات تتسال اساله من نوع هل الست اديبه كانت بتمر بازمه نفسيه او اى خلافات عائليه بينها وبين اهلها او بينها وبين جوزها والزوج اكد فى التحقيقات ان الست اديبه ماكنش عندها اى مشاكل نفسيه فى الفترة الاخيرة
وحتى علاقتهم ببعض كانت كويسه جدا وكانت مبسوطه جدا لان بنتها امنه اتقبلت فى كليه الصيدله ودة كان حلم طال انتظارة بالنسبه ليها القصة دى قضية راى عام كبيرة وملف هام من ملفات الطب الشرعى وملف هام من ملفات الشرطة ومن اغرب القضايا التى حيرت الشرطة والقضايا التى تم حلها والقضايا التى لم يتم حلها
#سوالف #قصص
#قصة_حقيقية #قصص_واقعية #سالفه #جرائم_وتحقيقات #جرائم_معقدة_تم_حلها
___________________________________________________
نتمنى لكم مشاهدة ممتعة
لوتوبيا مع || ميدو جبريل
_________________________
#لوتوبيا
#lotopia