يندبوا اختي اخطيك منهم عيشي حياتك البسي اتمتعي و احتسبي ما تطلقي ما تيتمي وليدك و راجلك انت الي تعايريه قولي له كي شفتني بالبراكة لاه جيت تخطب عمرك ما تحشمي بأهلك الي تعبوا عليك تجاهليهم و عيشي حياتك كي يبداو يهدروا شعلي لغنا و زغرتي واقنطيهم
اختي لا حال ادوم على حالو و الحل الوحيد هو الصبر لأنه مفتاح الفرج و الا بالصبر تنل ما تريد و بالتقوى يلين لك الحديد نصيحة من اخصائية إجتماعية ام هديل من عنابة
الله يبارك عليك يا فلفولة....و على روتينك..ربي يدومها.....قبل ما نسمع القصة...و بيوت الناس أسرار...غلبي ناس دارك بالدعاء....و قيام الليل.....اغلبيهم بفهامتك...و أخلاقك و نظافتك و فحولتك ....و صبرك....و دوام الحال من المحااال...يجي نهار يندموا و تفقسي فيهم....و يصرا فيهم ...كما خدموا فيك..و الدنيا دااالة....حافظي على دارك و خدمتك و عيشي حياتك مع راجلك و وليدك.....و ديري ناس دارك قفيفة دراعيها مقطعين...كما يقولوا ناس بكري......
اختي اسمحيلي الصبر يكون على الظروف على المرض على الفقر ما يكونش على الذل هذا يسمى انبطاح مشي صبر اما بالنسبة للدعاء فان الله لا يغير ما بقوم حتى يغيروا ما بانفسهم مشي هي ساكتة و راضية بالذل ما دارت حتى تصرف و لا ردة فعل و تقعد تدعي في ربي و تستنى فالفرج يهبط عليها وحدو و المعجزة تتحقق و حدها ربي عطاها عقل تخمم بيه و تتصرف تنوض و تنفض الغبرة على روحها ثمة ربي ينصرها، اسمحيلي اختي تخمامك سلبي و ما فيه حتى مجهود، صدقيني لو كان دير برايك تبقى طول عمرها في الذل بالعكس راح تزيد تتمرمد اكثر
@@danonedanone6743 يا اختي لعزيزة....ما نيش نقولها صبري على الذل...راهي بدارها ...ماهيش عايشة معاهم في نفس الطابق.....باش تقبل الذل...راني نقصد على الصبر...انو الانسان يصبر على أذى الناس...و في نفس الوقت تواجه....و لكلام في وقتو دواااا...و هذا لا يعني تسب و تعاير و تضارب....و تحارب....تخلصها بالسكر و لاطونسيون و الاعصاب و تراكمات نفسيه....و ....تتجنبهم قد ما تقدر..ما ترى ما تسمع..عوض ما تعيش حياتها .....راهي تحس بالذل...خطرش راهي عايشة حياة عجوزتها و لوستها...قالوا فيا ..عايروني ..ذلوني ..حقروني.........لازم لمرا ما تكونش ضعيفة ...تعيش حياتها ...تربي ولادها و تكبرهم و تفرح بيهم....لانو بعد مرور السنين...رايحة تندم على صغرها و صحتها...و وقتها لضاع تحوس على حل ......تحس بالذل من معاملتهم...علاه ما شي هوما لحسوا بظلمهم لمرة خوووهم.....اما راجلها...يا أختي الراجل جامي تدخلوا لمرا في مشاكل ...في الاصل غير موجوده....هذا الراجل بعد السنين..شكون ووم عليه..غير مرتو وولادو....راهو يشوف و ميز....و حبيت نقولك ما تتهميش الناس بتفكيرهم السابي...ما نحكموش على الناي بمجرد تعليق..... و ما عندي حتى مصلحة ....و الاختلاف في الرأي لا يفسد للود قضية. ....و نقولك..ربي سبحانو ..قالوا فيه...و النبي قالوافيه...حتى ما يقولوش فيااا و فيك و صاحبة القصة.و.و.....انا العبد الضعيف...صاحبة القصة ما عنها حتى مشكل حقيقي ....و لتعامليه بالقدر...ما تستنايش منو يعاملك بالمثل....حياتنا كامل و احنا..لوستي..سلفتي...عجوزتي..من المفروض مشاكلنا الحقيقية ....كيفاش نعيشوا مرتاحين...وسط المشاكل....الباب لجي منو الريح سدو و استريح ........الكمال لله..نحن بشر..و الناس بعضهم مرضى قلوب......اللهم اضرب الظالمين بالظالمين ...و اخرجنا منهم سالمين....و ربي يصلح لحوال و يهدي العباد....و يرزقنا عفى حساب نياتنا......
@@mimimimi10975 اختي انا ما قصدتش نتهمك بالسلبية و ما شفيتشوبليرقلتها و الا قلتها اسمحيلي اما بخصوص هدرتك راني معاك في معظم كلامك ما عدا حاجة وحدة بالاك انت ما سمعتيش مليح القصة عاودي اسمعي رلهي قاتلك راجلها عايرها بالفقر و بدارهم في فترة ولادتها و قاتلك من ولدت بدل معاملتو معاها و ما عادش يعاملها مليح على هذيك انا قلتلها ما تصبريش على الذل خاطر راجلها يذل فيها
رأيي كرامتك فوق كل اعتبار.... ما تطلقيش جبدي روحك اعليهم و قاطعيهم حاولي تربحي رجلك بالملاحة ... و ادعي ربي كل يوم في كل لحظة اللهم اجل لنا من ازواجنا وذريتنا قرة أعين و اجعلنا للمتقين إماما.... بإذن الله تشوفي النتيجة عن قريب ..... واذا زادو مشاكلك و لحقتي،للطلاق خليها تجي من عندو خير ... و ما تخافيش ربي ما يخليكش ..... 😢
لايَحمِلُ الحِقدَ مَن تَعلو بِهِ الرُتَبُ وَلا يَنالُ العُلا مَن طَبعُهُ الغضب إن الأفاعي و إن لانت ملامسها عند التقلب في أنيابها العطب قد يعشق المرء من لا مال له و يكره القلب من في كفه الذهب ماقيمة الانسان إلا في مبادئه لا المال يبقي و لا الالقاب والرتب
الفقر مارهوش عيب راكي معلمة الله يبارك ماطلقيش هذا حق وليدك ما تسمعيش لهدرتهم تنشيهم والدليل اسلوبك مع زوجك واتهلاي في روحك وزيني ولبسي مليح وليجرحك قوليلو ربي يهديك شدي دارك واكوني قوية ربي يكون معاك
ياختي هاذ الناس اقتليهم بالبارد كون جيت انا فالبلاصتك واحد ميشوف دمعتي شوفي كون يقولولك جيبناك من لبرارك قوليلها ايه انتم شقيتو على هاذ الرزق وانا جاني بالساهل والله ربي يشوف لقلوب و يمد الرزق كيما يحب.... شوفي خلي قلبك قوي و قوي شخصيتك كوني قوية على جال ولدك باه ميخرجش ضعيف كي يشوفك تسكتي على حقك العبي معاهم شغول ديار كي كونا صغار اقتليهم بالبارد و اربحي راجلك على ظهورهم و المرة الجاية كي يقولك برارك قوليلهم والله صح شتو كيفاه عندكم الحق و خليهم هم أصلا عاجبهم الحال كي يشوفوك هكاك ياختي اضربيهم بكوتبيي انا والله كون جيت منك كون راني ربيتهم تربية شابة انا نبكى قداهم في احلامهم والله ااااااا لعبتولي على المورال 😅
بسم الله الرحمن الرحيم 🌸 قال صلى الله عليه وسلم: ( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير ) رواه الترمذي وغيره. 🌸 كما يقال ( البعرة تدل على البعير و الأثر يدل على المسير ) ، من نهار الأول لي وقت جاو شافوك باينة أخلاقهم هابطة ، و أنت تقولي على روحك راكي قارية و مثقفة ، أنا نفهم بلي لم تنفعك لا قرايتك و لا ثقافتك لأنك لم تستطيعي تمييز جهلهم من البداية و تدني أخلاقهم عندما دخل زوجك و بقي ينظر إلى السقف و الغرفة....و أنت خلعوك و تخليتي عن سلاحك و هو العللم الذي تستطيعين التمييز به.، أستطيع القول أنه حدث لك لحظة سكر العظمة اتجاه المرفهين و بالتالي هذه هي النتيجة.إذن أنقذي ما تبقى من كرامتك🐦🐦🐦🐦🐥🐥🐥
@@s500turbo6 و علاه سيدنا ابو بكر رضي اللّه عنه لما رفض الرسول ان يوزوجه فاطمه و زوجها لعلي رضي اللّه عنه كان ليس مدينا و ليس ذو خلق ؟! حشى لله.. مسأله الزواج فيها شرط واضح القبول ولهذا تستشار المرأة آذا رضيت به.. أمّا الدين و الاخلاق لا يعلمها الّا اللّه يا ما منافقين.. يجوك ملايكه و يولوا شواطين..
واعرة كي يعود الراجل نتاع امو .كيما نتاعي.اصبري اختي راني حاسة بيك.على جال وليدك اصبري.انا راهو صاري فيا الهم بصح على ولادي صابرة.ومتنسايش تقولي حسبي الله ونعم الوكيل فيما ضلمني وان شاء الله يخرجها فيهم.
والله استفزتني هذي القصة وعلاه هاكذا رانا قاع فقراء والله هو الغني وعلاه الكبر والعنصرية واش الواحد هو الي يخير ماليه ولا وضعو الاجتماعي اكيد لا ربي يحط كل واحد في بلاصتو ربنا مايظلمش عندي بنت عمي كانت حالتهم كارثية عايشين غير دار من باربا والله لكرالاج وماعندهمش بصح ربي رزقها راجل واش نقول مال وجمال ومن عايلة كبيرة بزاف ومعروفة وراهي عايشة ملكة اولشي امو وخياتو وقفولو في وجهو قالو ا مانقبلوهاش بيناتنا لازم تدي من العايلة بصح هو تمسك بيها بزاف ووقف في وجه اهلو وقاطعهم وداها وسافر لدبي قعدو عامين ومبعد رجعو وكي شافو وليدهم وحفيدهم حن قلبهم وتقبلوها وضرك راهي بالكرش قريب تزيد راهي عايشة بيناتهم اميرة ناس قاع تحسدها على معيشتها وعلى راجلها وربي هو الرزاق رزقها من اقصى درجات الفقر لاعلى مراتب الغنى وحتا الخدامة عندها تخدمها ماتدير والو غير قاعدة تولد وتسمان ه ماشاء الله الله يهنيها ويهنينا
هيه رجالة آخر زمان مام انا خطبني واحد وقالي نصارحك تسكني في دشرة معندكم والو من تم قتلو منقبلش والحمد الله عوضني ربي براجل يحب دارنا مالقري هو من المدينة بصح فحل
واش تحتسب هذي كاين انسان بعقلو يحتسب الذل و الاهانة مهيش حاجة محتمة عليها الله غااب باش تحتسب ما دامت قادرة دير حل و الطلاق ابغض الحلال ما دام كرامتها تتهان و وليدها يعيش يتيم احسن ما يعيش مع ام مذلولة يتعلم منها غير الذل يا جماعة علاش رجعت الكرامة عندكم حاجة زايدة و ديروا حساب كلشي ما عدا الكرامة و عزة النفس تنسوهم.
@@danonedanone6743 ربي سبحانو هو لي كتبلها تعيش هكا و ربي هو لي راهو مسيرلها حياتها لا اعتراض في حكمه ايه تحتسب امرها لربي و تخليه باصكو ماهيش حاجة ساهلة باه لمرة تتزوج وجيب طفل و تولي لدار باباها لا حولة ولا قوة الا بالله
@@mamatwassim9149 و الله الا ضحكتيني واش هذ التخمام الخاسر امالا على حساب رايك حتى المجرم لي يقتل روح ربي هو لي قدر عليه، تعرفي وقتاش تقولي ربي قدر عليا وقت ما ديري مجهودك كامل ديري لي تقدري عليه و ما تلقاي حتى حل ثم تقولي ربي قدر عليا مشي وحدة ربي عطاها نعمة العمل و نعمة العقل و قادرة دير الف حل على الاقل تغضب و دير موقف من راجلها و تقولو يا اما تحسن معاملتك معايا يا اما كل واحد من طريق مشي تبقى ساكتة كي البقرة و تقوليلي ربي قدر و زيد راني معاك بلي لمرا كي تطلق بطفل حاجة صعيبة بصح كي تعيش مذلولة اصعب صح الطلاق مر بصح ما يلز على المر غير لي امر منو و هي ما هيش هاربة من شبعة يعني اكيد ربي راح يعوضها، خاطر ربي لي خلق النفس البشرية و كرمها ما يرضيهش باش نخلوا الناس يهينوها علاه قالك خاطر الطلاق صعيب ايه صعيب بصح مشي نهاية العالم بصح كي تخسري كرامتك انا بالنسبة ليا نهاية العالم انا شخصيا نخسر الف راجل و ما نخسرش كرامتي و زيد واحد كيما هذا اصلا ما هوش راجل على حساب واش راهي تحكي و هي ادرى بمصلحتها انا مديت وجهة نظري و السلام
ردد معي 🤲 اللهم إجعلني في عنايتك. فلا يضرني بشر و لا يبكيني القدر . اللهم آمين يارب العالمين . اللهم صل وسلم وبارك على سيدنا وحبيبنا و شفيعنا محمد صل الله عليه وسلم و على اله و أصحبه اجمعين 🤲❤️
لالا بنتي ما تخلي دارك ما تعانديهم اقعديلهم كي الشوكة فالحلق .بالكي تيتمي وليدك يجي النهار وين يعياو ويسكتوا هاديك الغيرة برك الي راهي تهدر فيهم .انتي نفخي ريشك وزيدي وافتخري بعاءلتك او وين باباك مسكين وصلك .حاولي برك تكسبي راجلك في صفك وما تزديش تجبديلوا عليهم خليهم كي لكلاب ينبحوا وحبسي من البكاء الي هو سلاح الضعفاء كوني قوية الشخصية وكملي فالمشوار ديالك .بالتوفيق بنتي .حق وما تنسايش تقوليلهم بلي وليدكم هو الي اختارني وعجبتوا ماشي انا الي جريت وراه .
انا جيت منك نقعد في داري ونقتلهم بالبارد والله مانقيم واحد فيهم والي تقولي كلمة نعايرها بعشرة ونبرد قلبي فيهم و اجلي ما يعلم بوالو وكي اكون معانا نعاملهم بكل محبة كلش نعڨبو لتحت لتحت
ربي يهدي ما خلق ، داهرلي هم الفقراء ، فقراء الاخلاق ، انا راي سمطهم و تهلاي في ولدك و راجلك و قربي كتر من ربي ، عيشي حياتك نورمال ، كي دلي راجلك يجي النهار الي يتوله فيه و يعرف قيمتك ، يمر الوقت و اولادك هم عزوتك تم واحد ما يقدر يقرب منك ❤❤
اول شي جامي تخلي خدمتك، تاني شي، جمعي صوارد و حاولي انك تشري دار ل مواليك و تخرجيهم من البرارم،مادام راجلك لاباس بيه و انت خدامة تقدري تجمعي دراهم، ثالث شي متزيديش تولدي حبسي و شوفي قبل وين راكي رايحة بيها،رابع شي انت تاني تعاملي معاهم بتكبر بحكم قرايتك، اتكبري و بدلي الحطة و ديري بارمي و سوقي طوموبيل و اللي يجرحك بهضرة قوليلو حمد الله نتوما اللي جيتو من فيلتكم حتى لىبراكتنا باش تخطبوني، و انو بقدري و شاني، اللي حب اللهم بارك و اللي معجبوش الحال يبلط البحر، رجعيلهم ل يماه بالقدر بصح لوساتك ديريلهم الحد قبالا و مليح، و راجلك سايسي معاه كاشما يكتبلك و لا يشريلك، على الاقل تربحي حاجة ،
اصبري ماتيتميش وليدك على هدرة كيما هذي اقتليهم بالبارد علابالي تغيضك روحك مي كلش مع الوقت يتبدل ياختي فهاذ الدنيا واحد ماكملتلو والله ونحكيلك قصتي غير تبكي عليا ليل ونهار مع انو صغيرة عمري 21سنة مي الله غالب مانقدرش نيتم بنتي تتشرد فوقتنا هذا مايرحموش المطلقة ولا ولادها المهم والله عطيتك نصيحة من قلبي مع انو دوك تقولي مانسمعلهاش راهي صغيرة بصح نقولك راني متزوجة وبطفلة والله واش راني محملاتو ماتحملو وحدة كبيرة المهم دعواتكم ربي يفرج عليا وفلة راني متتبعة جديدة ورجعت مدمنة على قصصك الله يبارك صوتك يريح القلب
يا ختي بسيف نصبرو نتي عندك بنت وانا ولد وانا في عمري 23سنة عزوجتي تحب تغيضني بزاف بهدرتها وطيح من قيمتي وتدعي عليا بالكونسير و السيدا على حاجات تافهين كيفها و الحمد الله 😢
@@fathallahboukhiar2047 ربي يهديها اختي اصبري تجي من عند عجوزتك وماجيش من عند راجلك انا راجلي هو لي حاقرني تقوشي مانيش مرتو المهم ربي يخرجلي حقي فالدنيا قبل الاخرة
شوفي اختي اصبري و صلي وابكي لله لا تشتكي لاحد غير الله في الليل صلي لله وادعيه ولا تيأسي شوفي الا ما جاكش حقك ما تحصيش هذيك لوستك تبغي واحد مش من مستواهم وشوفي دعوتك كي تخرج اصبري برك خليهم يهدرو وانت غلبيهم بالسكات وحسبي الله ونعم الوكيل قوليها كل وقت وراجلك تقربي ليه تهلاي في روحك وزيدي اقراي في الماء واعطيلو يشرب للمحبة سورة يس وتابعي الدكتور شهاب الدين ابو زهو كاين ايات تقرايهم على الماء للمحبة بين زوجين واقراي القران الهي روحك ما تديهاش فيهم قاع ربي اعطاك الزوج والولد بصح ابتلاك باهل الزوج باش يشوف صبرك انت لازم تكوني قوية باه هذا الابتلاء يفوت لازم ترجعي الى الله بالدعاء بالصلاة بالصدقة ثاني مليحة كي صدقي قولي يارب اليوم نصدقت لوجهك الكريم اللهم اجعل كيدهم في نحورهم
و لو انا منّك نخرج لهم قلوب هم : تقولي لهم ما ديسنا عليكم حتى حاجه كلّ شي شفتوه و كان واضح الحمدلله بالعيب الا خبينا عليكم حالتنا و حتى لزوجك مين يجرحك قولي له جبت وحده اقل مستوى باش تزوخ عليها.؟! و عيشي حياتك عادي و ما ترفدي هم حتى واحد و افتخري بنفسك و بأهلك.. راهم غايرين و حابين يعقدوك ما اطحيش في الفخ و كوني قويه..
التكبر و الغرور من صفة الشياطين. لوكان كانو يخافو ربي ما يعايروش الناس على الفقر . واحد ما علابالو واش راح يصرا الدنيا دوارة قادر الفقير يرجع بمالو و الغني ما يبقالو والو. حافضي على دارك و ما تعوديش كلامهم راجلك راح يكره و يدور عليك. عيشي ألبسي حوسي و كوني مربية عليهم . و أصبري و دعي ربي قادر يخليهم يتعلقو بيك و ينساو الفقر لي يعايروك بيه .
سلام .صح لكلام يجرح لكن طنهيهوم ولي لكلام يدخل من يخرج من و كوني ديما فرحانة قتليهوم بالبارد و راجلك ماتحكيلوش بالعكس كي يدخل لدار يلقاك فرحانة و عامليه مليح و الله يمهل ولا يهمل. جي دالت لوستك و تشوفي العايلة لي طيح فيها . ماتخافيش وكلي ربي وماتعمريش قلبك ارمي عليك الزعاف و اتشوفي التطورات و ادعيلي
الحوقلة ختي هي الحل تاعك . ربي يغيرهم من حال الجهل و الاستهزاء الى حال يحترموك و يحبوك و يحبسوا من لسانهم السليط و زيد ربي يغير حال عاءلتك الى حال افضل