تجربه شخصية نصيحه ليكم والله غير تبدا بكري راك عييت روحك وكي يجي صح من مارس وروح تفشلي وماتقدريش تقري قسما بالله ..وانا كيفكم حبيت نبدا بكري باه نخفف علاروحي مي كانت غلطه كبيره ...كنت سمعتها بزاف يقولك ملازمش تبدا بكري مدرتش عليهم قلت مكانش منها تعيا والله غير ندمه كبيره منبعد...لذا اخوتي الله يجازيكم ريحو مليح وتمتعو بالعطله من سبتمبر تدخلو انطلاق قوي باذن الله الله يوفقكم ويوفقنا دعواتكم
اللهم يارب انصر فلسطين وانزل سكينتك ورحمتك عليهم يارب وسلام عليهم يارب وسلام عليهم يارب وسلام عليهم يارب اللهم صلي وسلم وبارك على سيدنا محمد صلى الله عليه و سلم وعلى آله وصحبه اجمعين يارب عدد ماذكره الذاكرون وغفل عن ذكره الغافلين يارب استجب لدوعائنا ويسر امورنا ياقادر
شوف من المستحسن تقرا الفرنسية والانجليزية من ذرك وفي ابكر وقت ممكن لانها عبارة عن مفردات (ما نحكيش عالدروس في اوت احسن ) لانو اللغات تعتمد على مكتسباتك حتى الوضعية الادماجية الموضوع الاول باش تلخص النص لازم تفهمو
@@Rbmamfyd ديري في بالك بلي العام طوييييل ميجي يخلص تكرهي حياتك تبداي بشوي تفشلي و الحماس هذاك لي يجيك مع الأول ماش راح يدوم يسما مع الأول اقراي بارتياحية و كي يقرب ابداي تضغطي على روحك
✔باك 2025 معاك باك 2024 شوفو راح نعطيكم كامل النصائح والاخطاء❌لرتكبتها رغم كثرتها بصح راح نقلكم ابرزها 📌الخوف ثم الخوف ثم الخوف بلاك و تخافو هدا راه مجرد امتحان عادي جوزوه كيما باقي الامتحانات برك تقراولو كتر لانو مهم راح تنتقل بيه للجامعه. 📌البدايه تكون في سبتمبر بدايه لعام بلاكو راح تندمو يكدب عليكم 3 او 4 اشهر راح تتضغط بلبزاف. 📌دراسه جميع المواد المواد الاساسيه باينه من بدايه لعام وكل يوم مي المواد لخرى اقراوها كل3 ايام ولا لساعدكم مهم اقراوهم من لول. 📌 حل الباكالوريات من 2016 حتال2024. 📌الحفظ ميتاجلش خاوتنا راح تهني روحك بزاف ادا حفظت ملول وتقعد تراجع توجور حفظت لانو كي يلحق لباك راح تلقى روحك حافظهم عن ظهر القلب ومراحش تعيا خلاص. 🔑راح نعطيكم بعض الاساتده اللي استفدت منهم بزاف مع العلم انو انا طالبه نظاميه مي مكنتش نقرا في لكلاصى خلاص كنت غير نروح نلعب ونتمسخر مكنتش خلاص نحط مع الاستاد وحبست الليسي في مارس وقعدت نقرا وحدي في الدار وكنت زيرو مهزيت ملكلاصى والو قريت عند اساتده ربي يجازيهم في اليوتيوب وفهمت دروس قاع والحمدووله +انا شعبه جيستيو راح نتكلم على المواد الخاصه بشعبتي اولا 🔴المحاسبه قريت عند استاد عبد الفتاح ربي يجازيه فهمت قاع دروس من عندو وجامي درت كور ولا قريت في الليسي مي قريتها كامل عندو وفهمتها وجاوبت فيها في لباك ولحمدوله مام اقتصاد+قانون من عندو . 🔴الادب قريت عند استاد اسامه حيقون ربي يحفظو ان شاء الله وفادني بزاف وكما قتلكم جامي قريت في لكلاصى ولا قراني واحد توجور من عند اسامه حيقون ربي يحفظو ومام جاوبت فيها وحمدووله ياربي. 🔴الرياضيات قريت عند استاد سفيان ط روووعه الله يبارك شعبه جيستيو ننصحكم بيه هاايل ربي يعطيه واش يتمنى قريتها غير فلخر عندو مي ناكدلكم بلي ختمتها رياضيات وفهمت قاااع منهاج تغي تغي بيا ننصحكم لي جيستيو بيه. 🔴مواد الحفظ شريعه حفاظه وفهامه احفظ وافهم عند استاد شمس دين+الاجتماعيات كنت حافظه مصطلحات+شخصيات+تواريخ كاامل ومتعلمه رسم بياني مليح وتعيين على الخريطه شوي شوي مخيرتوش فلباك درت رسم بياني والدروس مكفانيش وقت نحفظهم فهمتهم عند استاد قنشوبه واقترحلنا درس الاستراتيجيات حرب البارده حفظتو غير هو وجانا فلباك ولحمدوله استاد قنشوبه مقترحاتو ناجحه ربي يحفظو. 🔴الفرونسي والنجليزيه والفلسفه مقريتهمش خلاص وهدا اكبر خطا الفرونسي والانجليزيه مقريتهمش قاع فرونسي حفظت كوتغوندي والانجليزيه تعلمت الاجابه على اسئله النص في اخر لحظه انا بالنسبه للفلسفه مديروش غلطه تعي حفظت زوج مقالات مجاوش ايه اعتمدوا على مقترحات مي هزو 5 على الاقل وتجي فيهم على الاقل 2 انا 3 لبقاو جاو قاع للاسف وراحت فيا كي مكنتش متعلمه منهجيات لاااازم تتعلمو منهجيه ابداو بتحليل نص ساهل خلاص . ربي ينجحنا حانا وربي يوفقكم خاوتي
