الحمدالله بفضل الله ودعت العصبيه ، الدعااااء ي امهات وربي اقوى سلاح الدعاء و اني اناظر لطفلي كيف هو صغير ولا حول له ولا قوه وانا كبيره و بعقلي و احط راسي و حرتي فيه ؟ و غيرها كنت اقول اول شي عيالي و البيت مو مهم حتى لو كسرو او خربو ، انصحهم بهدو و اتكلم معاهم كنهم كبار ، وربي فرررق و صارو يستجيبون اكثر و تصرفاتهم صارت كنهم كبار ماشاءلله لا قوة الا بالله ، و الله يرزقنا و اياكم صلاح انفسنا و ذرياتنا ❤️💓🌷
والله انا اول مره اكتب تعليق بس مره احب طريقه كلامك واحس انو كل الي بيتكلم بهذا الطريقة قلبه طيب لدرجه اني ساعات اتكلم مثلك ترا مره مرتبه وجميله تبارك الله والله نفسي اكون مثلك❤
الله يسعدك شروفه انا الي سألتك عن المنشر. حبيت اقولك فيه فايده له ماذكرتيها انا ابخر الملابس وهي معلقه فيه بس لااازم الوحده تنتبه لا تحترق الملابس الافضل المبخر يكون بغطاء
موضوعك مفيد الله يسعدك💕 بخصوص ضبط النفس مع الأطفال، أحاول أتذكر اني مأجورة على تعبي وأتذكر ان الطفل ما يتعمد الخطأ لكن من جهله يسوي الخطأ، ومن الغباء اني أعاتب وأعصب على طفل ما يفهم والأهم ما تعمد وبشر زيه زيي ممكن يغلط، وأتذكر أن كل قوي ربي فوقه يشوفه وهو سبحانه أقوى منه، فلو استقويت على طفلي وصرخت عليه أو ضيقت صدره أتذكر ربي اللي يشوفني وقادر يجازيني ويحاسبني. ممكن تتكلمين عن بر الوالدين رغم اختلاف الشخصية وصعوبة فهمهم وكيف نشجع أنفسنا ونحاول، وربي يكتب أجرك💞
كلامك صحيح ...وانا من الناس اللي صرت اسخر لساني لي وقت العصبيه ...لما اعصب على عيالي ادعي اقول الله يصلحكم والله يهديكم ..من كثر ما اقولها لما اعصب ولدي الصغير عباله هذي شتيمه صار لما يزعل مني يقول لي الله يصلحك والله يهديك ههههههه
مره بناتي كسر علبة زجاج فيها عسل ب 330 ريال وتوه جديد اتذكر كنت اصرخ عليهم واقول لهم اطلعو من المطبخ قبل اضربكم بسرعه اطلعوووووو وهربو وجلست انظفه وبعدها هديت نفسي وقلت الحمدلله ماسويت فيهم شي كان ممكن اضرهم لازم الانسان مايتصرف وقت الغضب والا يتكلم اذا هدي يكون تصرفه افضل
صح انا كنت كذا ماكنت اتصرف الا بالصراخ والعصبيه ولما مشيت على هالخطوات قلت العصبيه بنسبة كبيره عندي بفضل ربي ثم بفضلها الحمد لله والله يحفظ بناتك العسل يتعوض ان شاء الله بس ماتتعرفي الأثر اللي كان ممكن ينحفر بسبب هالضرب الحمد لله ان الله هداك للتصرف السليم
والله يا شريفه انا كان هادئه ومسالمه لين ولد بولدي لثاني والله والله صرت على اتفه الاسباب اعصب ومن كثر العصبيه صار يجيني صداع لدرجة اني يجيني رعاف من قوة الصداع وحاولت اهدي واتغير وقتها رحت وانا مره مضغوطه رحت صليت وصرت ابكي صارو بنتي وولدي يخافو مني وقتها قلت خلي اروح اصلي وادعي الله يريحني ويفكني من العصبيه لكن اليوم صرت هاديه بس صرت اروح في مكان فاضي وابكي لين ارتاح بس وانا اصلي طبعاً❤
غرفة الغسيل عندي مررة ضيقة ومضايقني المنشر ياخذ مساحة كبيرة ويعيق الحركة لكن اقنعتيني بمنشرك😍😍😍 وجب تغيير منشري بإذن الله شكرا لك ولفيدواتك الممتعة والمفيدة ياشريفة❤❤❤❤
طيب لو وحده بسوق او بمناسبه او عند ناس وتعرضت لموقف عصبها اكيد ماراح تنسدح بتغير وضعيتها باللي تقدر نفس الاستحمام ماتقدر تتحمم بمكان غير بيتها ولكن تقدر تتوضأ واذا ماوجد تقدر تغسل وجهها المقصد انها ماتسلم نفسها للعصبيه وتسوي اللي تقدر عليه ومتاح لها هذا الوقت
ايواا انا تكلمت عن الخطوات ياقلبي ما ذكرت حديث عن الرسول صل الله عليه وسلم والحديث اللي تكلمت عنو وماذكرتو كان عن الوضوء ولكن عموما يعطيك العافيه عشان افدتيني وافدتي غيري من اللي بيقرأ التعليقات❤️❤️
الوقفه لابد منها بس انا اللي في بالي اني اخفف كركبه واقلص ايام الغسيل يعني حاليا الغسيل عندي على يومين يوم غسيل وتنشير واليوم الثاني لنا تنشف كوي وتطبيق خاطري اخلي يوم واحد مخصص للغسيل والوكي ❤️❤️🌷
