سيتم كتابة الحلقة في الوصف للاستفاده
اي سؤل لا تتردد بارساله علي رسائل الصفحة او علي حسابتنا بالفيس وتويتر
تبعونا علي فيس بوك / 93015. .
وعلي تويتر تحقق من مهندس / هيثم نبيل علام (@haitham800): haitham800?s=08
الحلقة
الطريقة الصحيحة لاعمال اللياسة
1- تهيئة الجداران :-
- ياعني ايه ،ياعني اتاكد اول حاجه ان كل اعمال الكهرباء خلصت ان كل اعمال السباكة خلصت ان كل شيء بيتاسس بالجدران خلص وباردو تاسيس التكييف عشان لما اجي اليس مسمحش لحد انه يكسرلي حيطه ولا يبهدلي لياستي ابدا.
- اتاكد تماما ان اي فتحات او ثقوب موجوده بالجدران اتقفلت .
- اتاكد تماما ان الجدران نظيفه مفيهاش تراب او اي غبار .
- اتاكد ان حلوق ابوابي ركبت او علي الاقل عارف سماكتها كويس عشان اللياسة تقفل عليها بعدين.
2- تركيب اكسسورات اللياسة :-
ودي مرحله مهمه جدا جدا في اللياسة ونقولها بشكل مبسبط جدا
- اكسسورات اللياسة هي( شبك ممد زي ده ميقلش عرضه عن 20 سم / زوايا شبك داخليه وخارجيه زي دي وكلها تكون مخلفنة عشان الصداء طبعا )
- دي بنركبها في كل مكان في التقاء بين بلوك وخرسانة زي مثلا بين الكمر والبلوك بين العمود والبلوك زي الصورة دي وباردو بتتركب في اي مكان انت كسرت فيه بالحيطه زي مثلا علي وصلات الكهرباء زي الصوره دي وعلي وصلات مواسير الصرف والتغذيه زي الصورة دي ووصلات التكييف وغيره من اي توصيلات بالجدار.
- الزوايا بقي المجلفنة دي بتتركب فين بص بتتركب عن اي زاويه عندك بالجدار ياعني زي زوايا العمدان وحول حواف الشبابيك من جوه وبره واي زوايا داخليه بين عمود وحيطة وهكذا زي الصور اللي انتو شيفنها دي .
3- عمل طرطشة اللياسة وبتتكون من ايه والهدف منها :-
- خليط الطرطشة بيكون نسبة الاسمنت اكتر من نسبة الرمل ياعني بنسبة 2 الي1 اسمنت الي رمل والرمل ويكون الاسمنت مقاوم و بيكون مقاسة من صفر الي 2مم وبيتم اضافة بوند للخلطة اللي هو غراء مع المايه وخد بالك لاززم قوام الطرطشة دي يكون ثقيل من خفيف وده مهم جدا عشان تديك حاجه اسمها طرطشة مسمارية وكلمه مسماريه يقصد بيها انك بعد ما تخلص طرطشة تلاقي الجدار البحص فيه عامل زي راس المسمار مدبب وخشن وتفضل ترش بالمايه اقل حاجه 4 ايام الي 7 ايام عشان كل ما ترش اكتر كل ما تبقي الطرشطة جيدا جدا.
- اوعي اوعي اوعي يضيف اي حاجه تاني غير اللي قلنا زي الجير مثلا عشان يخليها تشك بسرعه دي هتخربلك الخلطه وخد بالك الطرطشة اللي يعدي عليها اكتر من ساعة مشتغلش بيها المقاول متستخدمهاش تاني وتترمي ويتعمل غيرها.
- انت بتعمل منزل احلامك فمتسمحش لحد انه يلعب بيك ويقنعك باي حاجه غلط.
4- عمل البؤج والاوتار والهدف منها :-
- اول حاجه يعملها المقاول انه يشد خيط علي كل الجدران عشان يتاكد ان هيعمل البؤج كلها بسمك واحد متقلش عن 1.5 سم وما تزيد عن3سم.
- بعد كده يبداء يعمل البؤج مساوية للخيط المشدود وهي عبارة عن مربعات 7سم *7سم مثلا وحاول ميكنش المسافة بين البؤجه والتاني لا تزيد عن 2 متر.
- ولازم تعمل البؤج عند كل الاركان عشان تتاكد ان كل الزوايا 90 درجة ودي مهمه جدا وبتكون اول بؤجة تبعد عن السقف والارض 60 سم
- ايفضل ان وش البؤجة نفسه يتركب عليه قطع سيراميك عشان تتاكد ان بعد اللياسة ان المعلم هيشيل البؤجة ويليس مكانها عشان مكونات البؤجة غير مكونات اللياسة وبالتالي هتعملك مشكله في الدهانات فيما بعد.
- بعد كده بيوصل البؤج دي ببعضها بحيث تعمل مساحات بينها اللي هتبداء تليسها وخد بالك خلي مونة الاوتار دي نفس المونة اللي هتستخدمها في اللياسة عشان ميحصلش اي فرق بعد كده زي ما قلنا في البؤج واقل عرض وتر يكون7سم.
- طبعا بستلم الاوتار والبؤج دي بالقده اللمنيوم وزوايا باردو عشان نتاكد ان الجدران كلها مستويا افقيا ورئسيا قبل ما ابداء الليس.
5- البدء في عمل طبقة اللياسة:-
- اول حاجه اعملها اني ارش الجدران مايه كتير بغزراة وده مهم جدا قبل اللياسة عشان الجدار ميشربش مايه الخطله بتاعه اللياسة وتشقق مني.
- خلطة مونة اللياسة اسمنت ورمل بنسبة 1الي3 وخد بالك جدا تستخدم رمل خشن نظيف في اللياسة ومتسمعش كلام المعلم لما يقولك الناعم احسن لانه بيدور علي مصلحته والرمل الناعم هيفيدة انه هيرفد كمية شغل كتير وسهله في شغلة والخلط يكون ميكانيكي مش يدوي عشان تضمن خلط مكونات اللياسة صح.
- اوعي تحط مايه كتير في الخلطه ياعني قوام الخلطه يكون مضبوط لان كل ما تزود مايه اعرف ان لياستك هيحصلها تشقق كتير.
- بعد ما المقاول ينتهي من فرد المونة وتنعمها مضبوط باسلوب احترافي تبداء ترش اللياسة بتعتك بعد 3 ساعات من عملها وتفضل ترشها لمده 7 ايام عشان نوصل للياسة مثالية مفيهاش تشققات ان شاء الله .
طبعا اعيد واكرر قبل ما تليس اتاكد ان كل شغلك في الجدارن منتهي عشان متكسرش وتخرب اللياسة بتعتك وتتاكد ان لياستك مشاية مع شبابيكك وحلوق ابوابك ونهايه الزوايا اللي هتبان عدنك في طبقة اساس خاصه بالجلفنه ادهانها بيها عشان متعرضهاش للصداء
يومكم سعيد
29 апр 2020
