بالضبط هذا الي ببالي واستغرب حتى اكو مدرسين ينصحون الطالب يقره الي مضبطه ويعوف الماقاريه ويخلي بالاخير وهذا اضرب شي ممكن يسويه الطالب لان اني كنت اسويها بالشهريات والاحظ دائما مالحك اكمل المادة ابد
اني ضيعت الوقت بالتفكيررررر ضامنة دخولي بإذن الله تعالى ، بس مضابطة اول فصول أذا اعوفهن شوكت ارجعلهن؟؟ زين إذا اكمل شلون ماعرفف حرفياا داضيع وقت بالتفكير اعوف الفصول الاولى وبعدين ارجعلهن لو اكمل
@@hadeel_aliمبدئيًا عوفي التفكير الي يشغلج عن التنفيذ ثاني شيء امشي بمواد الكورس الثاني ومن كل يوم عوفي ساعتين ثلاثة للتراكم مال الكورس الاول وإن شاء الله تگدرين تكملين راح تحسين صعب وهو فعلًا شيء صعب ويحتاج انضباط وصبر بس مهما كان لازم تتحملين هذه الفتره وارجع واكرر التفكير ديري بالج تخلي يسيطر عليج لان الوقت جاي يمشي مو مال تفكير وندم على الي راح وبالتوفيق
بصراحه اني دفعة 2025 احمد ربي مليون مرة شفت الفيد وكملته بي فائده مو طبيعية جنت افكر اترك الادب للمدرسة بس حسيت بأهميته ودراسته بالوزاري وطريقه دراسته حلوة ومناسبة وغيره من طرق الدرلسة او الكلام المُحفز بالفيد بحيث عقلنا يتقبل الفكرة وتصير الدراسة ممتعه و حلوة شـكراً علـى الفـيد الـمُفيـد ✨
أركز بالفيديو.❌ أركز بالمَكتبة.✔️ *تعديل بما أنُ ماشاء الله تعليقي جايب ٤٠٠ لايك أدعولي لأن وضعي الصحي متأزم، هاي قبل شهر من علقت كنت اسچ والوضع يخبل 🤏💔.
هلاو طلاب المعفين من لخامس ولي مقبلين على السادس حسوي كروب وجمع بنات فقط و نقرا سويه بلعطله هسه وعليوت بدون خصوصي او معهد ونساعد بعض لدفعه2025 ونن الي تريد تدخل تكتب جوه تعليقي ولكروب عتلي او انستا 💗🥹✨حتى يصير واهس ونتشجع
الصدمني انو رغم معدلة ٩٨ يدرس هندسة حاسوب مو قصرا بالقسم بس معجب بطريقة تفكيره انو طلع معدل عالي وما اختار غير قسم مو همه السمعه والفلوس همه حلمه اراهن انه راح يكون مبدع وناجح بهالقسم وبحياته
31:29 تخيل نفسك أب باچر شنو تعَلم أولادك ؟ اول مَرة حرفيًا من دخلت للسادس لليوم أشوف فيديو كامل وأستفاد من كُل دقيقة بي راح أكون أم ناجحة يفتخرون أطفالي بيه بكُل مكان ومن يصير حديث عن الاهل راح يشاركون الحديث بكُل اريحية وثقة بوالدتهم اكو جملة ثانية دونتها من الفيديو " قصتك بهاي المرحلة راح تنتهي خليها نهاية حلوة " " التزم ، توصل " مُمتنه لكُل حرف نطقته بهل فيديو شُكراً لجهودك 💙.
@@violet2265 بالعكس نعرف اكو اكثر من مكان للتعليم وتطوير الذات وحتى نگدر نفتح مشاريع تخُصنا وننجح وتكون مصدر مادي النه بس كوني انثى بمجتمع مُتحفظ وقليلة فُرص العمل والانطلاقة للعالم الخارجي المدرسة حتكون اول محطة للانطلاق وبناء كيان وعمل خاص بيه .
@@violet2265تكدر تستفيد منها بطريقتك بالنهاية هي مادة علمية مية بالمية ونفسها تتدرس بكل الدول اللهم نظام التعليم عدنا كلش تعبان بس اذا خليت ببالك تتعلم وتفهم مو تحفظ حفظ صدكني راح تستفيد منها ترست مي برو
أختي وضع صور النساء ونشرها لا يجوز ، وهذا الفعل ذنوب جارية ومجاهرة بالمعصية ، إنتبهي جزاكِ اللّٰه خيرًا .انتبهوا من إستخدام أيموجيات ذوات الأرواح محرّمة كهذهِ 🤷🏻♀️🦦🦅🐈⬛🕊️🦋 لأنها رسم محرّم مضاهي لخلق اللّٰه
صح متاخره هواي وهسه بديت بلمواد بس ان شاء الله حيوفقني واكمل وجيب معدل لي يفرحني ويفرح اهلي وادخل لكليه الي جنت احلم بيها رغم مستواي الي كلشش ضعيف وبس ادعولي
عموماً الفديو جان كُلش دافي .. حسيت واحد من اهلي ديحاورني ويخفف عني ! الهدوء والكعدة والمكان كُلها ألفة ، اكثر فقرة خلاتني ابتسم هي ( ادرس كانك تلعب ) راح أملي الحايط مال غرفتي منها كوني احب التدوين ، حبيت تسلسل المواضيع من الجدية الى العوامل المساعدة على الدراسة ، امتنان كبير الك عليّ ، 💛
صار كم اسبوع نجحت من الخامس وكلش بيئتي ضغطت عليه وصديقاتي سجلو معاهد وتوترت لحد هاي الدقيقة من شفت الفيديو احس اشارة من رب العالمين چنت محتاجه هذا الكلام من صدگ شكرًا هواية الك على هيج طاقة اتمنى بعد هيچ ايجابيه اعرف الخطوات الي راح اخذها ببداية السادس ان شاء الله ختام يرضيني💗💗💗
لتخافين ابد المعهد مو شي ضروري و مو الا تدخليه يلا تطلعين معدل ياما وياما طلاب طلعو معدلات وهم من عوائل فقيره و مداخلين معاهد اني اختي مدخلت معهد وسوت انتساب اصلا اعتمدت بس ع يوتيوب ونفسها وطلعت معدل ٩٧.٢٩ ماشاء الله وصديقتهه مسجله معهد طلعت معدل بال ٧٠ شوفي الفرق هي تعتمد ع حرص الطالب
@@themnb6695 عيونيي كلش صح هسه توني شفت الرد واتذكرت تعليقي ولله صارله هوايه 3اشهر بس الحمدالله هسه انتهت العطله وراح ابلش ب دوام واني بعدني على قراري وما داخله اي دوره والف مبروك لأختج اكيد لكل مجتهد نصيب يارب يقسملنه الي بي الخير🤍🤍
اول ما تخلصين الخامس سواء طلعتي اعفاء او لا المهم اول ما تخلصيه اخذيلج بريك راحة اسبوع لو اسبوعين من الخامس بهذا الاسبوع ابحثي عن جدول يفيدج للدراسة او انتِ سوي جدول من عندج تشوفيه يفيدج و حضري كتبج والدفاتر والاقلام وخصصيلج مكان تكعدين بيه تقرين ويكون هادئ حتى تفهمين اكثر + نظمي وقت النوم ووقت الكعدة وبعد اسبوعين من الاستراحة بلشي اقري للسادس صدكيني ما راح تندمين لان هاي اخر سنة اني متندمة كلش لان ما درست بالعطلة لذلك لا تغلطين غلطتي + مو شرط تقرين كل المواد يعني بس العلميات اهم شي مثلا عندج الاسلامية والانكليزي خليها للمدرسة اذا انتِ قوية بيهن حتى ما يضيع وقتج عليهن .. اهجري الملذات من أجل السادس اذا صدك تريدين معدل عالي ... وبعد ما تخلصين من السادس ان شاء الله العبي براحتج وسوي يلي يعجبج
@@itach0 ااا اني معدلي عالي تقبلني المدارس الاهلية ببلاش وهم يبدون من وكت يعني شهر 6 يبدون لذلك ماباقي ببالي سالفة الدراسة بالعطلة بس يعني احتاج نصاىح بصورة عامة تفيدني او اخطاء طلاب قبلي ،، شكرا ع نصائح
@@Illlllll_Rوالله انه هم وياج خامس بس الوالد ابد مابي مجال يفعل النت بالعطلة + ماكو إمكانية يدخلج دورات حضوري ؟ لو عند اي مدرس او مدرسة المهم تمشين المادة وياهم
طالبة دفعة ٢٤ باجر امتحان الكيميا وخلص قررت ماروحلها من الاساس ولا اروح فيزيا وهيج حكون مأجلة ٦ مواد لكن ح أبدي استعد للدور الثاني من باجر ان شاء الله وربي يقويني ويساعدني اتمنى ارجع لهل كومنت بعد شهرين واحنا حاصده ثمار هل تعب كله . ٢٠٢٤/٦/٢٨ الجمعة ، ١٢:٢٥ ص .
اتذكروا إنُّ إذا تعبانين وتدعون اللـّٰه التعب ح يبقىٰ بس آثاره عليك تروحَ ، مثل ما نار إبراهيم بقت وهي اكبر نار مرت على الارض منذُ بدأ الخلق هي بقت لكن اثرها قدرتها علىٰ الحرق ما بقت راحت !، عندما يكُون اللـّٰه !! ربي يكُون بعونكم 🩵🥹
بخصوص الأدب ادرسوه على قناة اسمها الأدب العربي مع عصام يشرح الأدب كأن حياة الشاعر قصة و الإسلامية ادرسوها على قناة اسمها الإسلامية ويا حمود كذلك مسهل المادة طبعاً مع الحرص على ان الأدب و الإسلامية يكونون جزء من الدراسة اليومية سواء مراجعتهم أو دراسة شي جديد منهم
@@Mariam_8822 جملة ما الحك هاي الطالب يكولها إذا جان باقي للإمتحانات الوزارية أسبوع و هو بعده ما دارس شي، عيني عندج وقت كافي حتى تدرسين المادة و حاولي تفهميها مو شرط تحفظين المادة نصاً و صدكيني سهلة اني هم جنت اشوفها صعبة بس هونيها و هي تهون
مُختصر فترة المراجعة : التهم الضفدع (السادس) يعني التهموا الصعوبة اول شيء ادرس فصل فصل وراها وزارياته كاملة مو دراسة كلاوات فهم ترسيخ تطبيق نفصل الادب وندرسه بمبدأ التكرار كُل يوم ندرسه جربوا تشربون قهوة وتدرسون أدب من الصُبح وتراجعون السابق قبل اللاحق ادرسوا مواد علمية ثُم لغوية + اللغوية تحتاج تفكير وحل واستفيدوا من الدراسة مو بس مُعدل الاسلامية لحد يشيل الها هم ممكن بوقت قياسي نجيب ١٠٠ اتونسوا بالدراسة 💗 وثقوا كُل شيء
نصيحه نصيحه ابدي بدايه صحيحة من تقرين اقري بتركيز لاتكولين عندي مجال والحك من تقرين حل وزاريات وامتحني امتحني امتحني العطله الصيفيه مهمة وخلي كدامج هدف
بقوة الله نصيحة اهم شيء التوكل والصلاة والدعاء تلتزمين بوقت الصلاة وضعج وحدة واوقاتج وحدها تترتب ... بقوة الله ضبطي ضبطي ضبطيييييي المواد لتمرين شنو الفائدة تمشين وانت ممضبطة وبداية دوام ترجعين استغلي العطلة وممنوع تضغطي ع نفسسسج وحرفيًا بقوة الله الله يوفقج بحق لا اله الا الله وبحق الحجة عجل الله فرجة .. افضل شي بقوة الله حتلوا تتأخري المهم تضبطين اقري ٣ محاضرات أَفضل او ٤ باليوم وادب يوميا راجعي من بداية ع حسين عبيدة
@@nonn8144 زين تسوين لصراحه لأن المعاهد ابد متفيد اولا أنتِ حتضيعين وقت ع البس و الأناقة وهم المعاهد راح اهواي يسختون فراح تكون تضيعه وقت مو مثل الالكتروني راح يكون عندج 24 ساعه و تكدرين تنضمين جدولج ع حسب المواد الداخلتها الكتروني
اتمنى ان يرزقكُكم اشياء جميلة مثل روحكم الجميلة و كلامكم ترك ثغرة بكلبي وأثر بية اتمنى من مولاي الضامن وايام مولاي منقذ البشرية ان يوفقكُم ويحقق جميع امنياتكُم اتمنى ان تدعولي طالبة سادس سنتين معيدة بنفس المطاف ونفس التعب لكن في نهاية هذا الذكرى قررت اتركك دراسة لكن اهلي دايرفضوا لانو شفت نفسي مالي شغف بكلشي
بهذا اليوم قررت اعدل حياتي ودراستي جان واهسي خربان مِن الدراسة وفاقدة شغف وجان بالي فكرة الاعادة بَس بعد الفيديو قررت اشتغل على نفسي واني كدها 2024/2/23 ارجع بعد امتحانات الوزاري واشوف انجازي ان شاء الله 🤍.
بعد ما شفت هذا الڤديو من اليوم و من هل لحظه الحاليه قررت ابدي بدايه صحيحه صح عندي گومه نقوصات بس صدگ حلمي يستاهل صدگ فرحه امي تستاهل و اني گده حگدر و طول ما اڪو وقت اكو فرصه اڪو محاوله اخرى متوكله ؏ الله الواحد الأحد الصمد 🌊💙
الشيء الوحيد المزعج ان احتمال يكون الامتحانات ب الشهر 6 وماكو ذاك الوقت حتى اكمل هل المواد لان فترة المراجعه حسب كلام الوزارة 20\4 يعني 10 وشهر ال 5 يعني 40 يوم خوفي الوحيد اني ما اكدر اكمل المادة ابوي حاط كل امله بيه وي امي
بلشي من هسه حت لو مسجله مدرسين او مدرسه اهليه اعبريهم ع اليوتيوب نصيحه بس دراسه بتركيز وشوي شوي يعني كل يوم محاظره او ثنين اذا تكدرين خصوصآ الرياضيات والفيزياء 🤍@@واللهيحبالصابرين-ق9ظ
@@Al-Dosary1 لا مراجعة موضوع موضوع بالفصل وبنهاية طلع الأسئلة جميع الأسئلة الوزارية الي تخص الفصل وتحلهن كلهن وبهذا شي راح تكون ضابط الفصل وهيج تكمل إلى أن تخلص المادة كلهه
الاسم=مليكه العمر=17 سادس دفعه24 جنت طالبه مقصره وهواي سختت والحمدلله دخلت وزاري المهم سوين جدول مراجعه لاربعه مواد امتحنهم دور اول وكيمياء وعربي ورياضيات دور ثاني ان شاء الله توكلت ع الله امنيتي اطلع معدل ب90 قسم بالله اذا طلعت من سادس هذا سنه اصلي 100ركعه وختم القران واصوم ثلاث ايام لوجه الله رجعوني اكلكم نتيجتي بعد شهرين +يارب ع كد رحمتك 😊🙂
خ اكتب ملاحظات المقطع : لازم اسوي جدول للمواد العلمية الصعبة "فيزياء كيمياء رياضيات احياء" اصعب شي بيهم فيزياء +رياضيات تحدد يا افصل ضعيف بيهم بهذني المواد تحدد المادة الي انت اضعف بيهم وتجي تدرسها من البداية من اول صفحة ! الى اخر صفحة . تدرسها ع اليوتيوب . وتجيب ملزما ودفتر للمادة 🤍. تبدي تكتب الملاحضات والاسئلة المهمة من تكمل الفصل تبدي تحل وزاريات الفصل كلها . تروح ع غير فصل نفس الشي . لحد ما تكملها . وتروح ع غير مادة🤍. مبدأ =فهم = ترسيخ = تطبيق . بعد ما ركزت ع الصعب وخلصت منه ف راح اكدر احفظ السور واقرا الادب بدون ما يكون اكو شي شاغل بالي . الادب لان مزعج راح نشتغل ع مبدأ التكرار . من تبلش بالفيزياء او رياضيات ح تبلش ببداية اليوم تدرس الادب "تنطي للادب ساعة"ونوب تبلش بفيزياء او رياضيات . ثاني يوم قبل لتبلش بالموضوع الجديد مال الادب تراجع الي قبلة تنطي فد 10 د وتقرا وزارياتة . هسه نجي للقواعد والاسلامية وانكليزي القواعد " مثل الفيزياء ورياضيات" تعود ع النمط "مبدأ النمطية " بالمواد اللغوية ف من تجي لجملة حتشوفها اسمية او فعلية فعلية؟ اكو فعل وفاعل اسمية؟ اكو مبتدأ وخبر "استفاد من الدراسة" لان من تدخل اي قسم راح تكون متعود انو "تدرس = تستفاد من المادة" مو بس حته تعبر المادة او تنجح . هيج ح نكمل فترة المراجعة🤍🧚🏻♀️🕯. لازم تكون منتظم وما تطفر من مادة لمادة🤍🧚🏻♀️.
هي المشكلة بهذا النوع الي ذكرته بنهاية الفيديو ما يعرف يلتزم ما يعرف شيسوي ما يكدر يستمر اي انسان ما يحب يفشل او يصير بالاسفل ما بالك بشخص ذكي و متفوق بس تظل مشكلة الالتزام و الارادة هي العائق و المشكلة لكل شخص من هذي النوعية مع ان تلگة عنده هدف و عنده ظروف و عنده حاجة للنجاح بس ما يكدر يلتزم صراحة معاناة ما ادري شنو العائق او السبب الي يخلي هذا الحاجز موجود و لو شكد ما حاولت ما ينكسر هل هية مشكلة نفسية لو عقلية لو شنو …
ايزي أخذ حامض الكبريتيك بتركيز عياري 999433 نورمالي ثُمَّ على جهازك بعدها جيب قفل من خارج وداخل لباب الغرفة وفقط اهلك عدهم نسخة بعدها اكسر جزء من الشباك حتى يدخلولك منه اكل بعدها جيب الكتب المدرسيّة وراح تشوف التزام بنسبة عالية
ألاستمرار مو معناها ما تسخت وأنما بعد كل تسخيت ترجع تحاول وتدرس الأستمرار هو أستمرار المحاولات ....... فطبيعي اللي يصير وياج وما دام ما مستسلمة وبعدج تدرسين وتحاولين فثقي حتوصلين بس حاولي تقللي تسخيت وخصوصا بوقت المراجعة لتسختين هناك وقت الجدية فضبطي نقسج❤ويا رب التوفيق والنجاح والمعدل اللي تحلمي بي
داشوف هذا الفيديو و اني حالياً طالبة خامس بس ما بقى شي ع السادس و إن شاء الله و ارجع و اشوف تعليقي و اني ما اكون قد فقدت الشغف صح هسا فقدنه الشغف بالخامس و خايفة افقد الشغف بالسادس هم بس الله كريم.🥺✨
أول مرة أشوف فيديوااا كلش عبالك أنا وجاي احجييي لان أنا سنتين بسادس لان ماجنت أعرف أصرف اله صح بحيث أنا. ادخل للمادة حرفيآ صفر مخلصة من المادة رغم شهرين مراجعة مااعرفت أصرف صح نهائيآ بحيث الفيزياء قارية بس فصلين الريضيات طفر اللاحياء بس حفظ وبدون فهممم الكيمياء كذلك يعني بسنة الاولئ مااجنت أعرف أصرف صح. لكن السنة الثانية هاي اتمنئ اكون تغيرت. واكون اعرف اصرف واتخلص من البعثرة الي بحياتي كلهااا واكون وصلت للشي الي اريدة واناا جدآ اشكرك أستاذ علي. لان حجيت الاشياء الي جنت اريد احد يوجهني الها كلش اشكرك ربي يوفقك بحق محمد وال محمد والي جذبني للفيديوا المكتبة االي وراك حسيت بالهدوء من شفتهم والله وجهك بريء وخلاني اكمل المقطع للاخير واستفاد وخليت الفيديوا بالمحفووضات حت ارجع علية مرة ثانيةة. اتمنئ من رب العالمين اكون اعرف اخطط واانضم الشي الي اريدة شكرا مرة ثانيةة علي وياك الطالبة نور وان شاء الله من اخلص. من السادس اخلي يم اسمي الشي الاريدة ادعيلنة وياك. والامام المهدي بيوم جمعة هاي يسدد خطاك،،، واذكروني بالدعاء الله يذكركم بجنتة امين يارب العالمين🤎🤎🤎🤎🤎♥
9:04 يا متونسين لخاطر الله وياك طالبة احيائي معيدة خبلني واحد من فصول التطبيقي صار شهر بيه شكد جاف +اعتمدوا المادة الاضخم من كل فرع ترا نقطة مكدرت اتجاهلها لان ماكو ونسة للاسف😭😂
اللهم طب الكندي جامعة بغداد بعون الله وتوفيقه اللهم بالمهدي المنتظر عجل الله فرجه الشريف انمار تطلع بالسادس معدل بعدد اسمائك الحسنى ويه الإضافة يصير ميه بوينت اعشار يارب
ردات اعلق بس انتضرت الى ان ينتهي الفيدو ونطي وجهت نضري حرفياً افضل افضل افضل فيدو شفته بلا مجامله اني دفعت 2025 ان شاء الله راح اصنع قصتي Create my own story ونهايتي نهاياه ترضي الله وترضيني حلمي طب هذا اخر فيدو تحفيز راح اشوفه وختم قصتي ب لابتعاد عن كل ماهو ملهي لكي استثمر تعبي
احنه مدرستنا الي متفيد حرفياً و مو هنيالنا لان ماكو تطبيقي واحيائي لان الفيزياء والرياضيات جاي ندرسهم مال تطبيقي وكيمياء اكيد مال احيائي يعني مستنگين الاصعب من القسمين
كلش حفزني كلامك وحرفيا الضغط العايشين بي من الناس السلبيين بحياتنا بس نبقى مصرين حتى نكمل ونحقق احلامنا أن شالله 🤲🏻😊. ﴿وَلَـسَوْفَ يُـعْطِيكَ رَبُّـكَ فَـتَرْضَىٰ ﴾
2024/5/3 يوم الجمعة المصادف 24/شوال/1445 الساعة 6 ونص قبل اذان المغرب بنص ساعة...ليلة استشهاد الامام جعفر الصادق عليه السلام.... طالب مطلع اعفاء بالخامس.... طالب مقبل على صف السادس علمي دفعة 25 ....نسأل الله ان يوفقنا لما يحب ويرضى انه القادر على ذلك بحق محمد وال محمد عليهم افضل الصلاة والسلام.... ان شاءالله اجيب المعدل اللي اريده وان شاءالله كل شخص يشوف تعليقي ان يتوفق....... ساكتفي بهذا المقطع ثم ابدأ دراسة السادس باذنه تعالى😊😊.... اجمل شي في المقطع هو وجود هذه الكتب القيمة في الخلف
ذكرتني بمكتبتي وكتبي كلهم راحوا يارب انت ما تخسر ولا كتاب. اني كلش احب اقر كتب قبل السادس بس عادي من اخلص السادس ارجع اشتري واعوض كل للي خسرته من كتب .
@@أحمداللامي-ف4ص عيوني بعدني ما مقرر بالفيزياء على منو بس الاسماء الي طلعتهم هُمه(عصام الشمري ، مؤيد سليم ، حسين محمد ، منتظر الخفاجي) هذوله الي نصحوني بيهم انتِ شوفي كل مدرس كم فيديو من عنده الي تفهمين عليه كملي وياه ، وبالتوفيق يارب💖✨.
حرفياً الضايع بالغوة السادس ويكول لا خلص دفعة 2024 مابيها حذوفات وراح يطيحون حظنه ومفكر توقفت الحياة يشوف الفيديو يطلع منه مطمن ربي يوفق صاحب القناة جنت اكول خلص ماراح اوصل بس افكر انو ربي مايعوفني وفعلاً وان شاء الله ماراح نتوقف لحد ما يتوقف نفسنه
اني بنت مثل باقي البنات عندي حلم واني صغيره اصير دكتورة بس مع الاسف تركت الدراسه بسبب الضروف ، بس ما تخليت عن حلمي ورجعت هاي السنه الي هيه سنه 2024 امتحن خارجي صف ثالث متوسط .. والحمدالله تاهلت للوزاري .. وحالياً جاي ادرس للوزاري بقى 70 يوم لامتحان الوزاري ان شاءالله راح انجح واخذ درجات عاليه واكيد راح ارجع واشوف هذا تعليقي واني حققت اول خطوه الي توصلني الحلمي . #رجعوني ورا ما تطلع النتائج اكلكم نجحت ..🚶♀️
طبعاً شفت الفديو واني مطلعه اعفام من الخامس واريد اهيئ نفسي حتى ابدي بدايه صحيحه برحلتي. الفديو ماينوصف يعني حرفيا جداً حلو وحيل استمتعت واني اشوفه طريقة كلامك وتوضيحك للمعلومه وطريقة تفكيرك قمة في الرقي. ان شاء الله ارجع هنا اشوف نفسي وين وصلت 🤍. «2024/5/22 الاربعاء»
اني دفعه 24 وقررت اعيد متحنت بس اسلاميه ،بهواي شغلات غلطت منها هملت لاسلاميه ولادب جزء ثاني طلاب لتهملوهن واقروهن كل يوم ،اي ف قرتت اعيد وابدي من صفر وان شاء الله خير
حبيبتي ليش تعيدين وعندج فرصه الدور الثاني تقريبا اكثر من 50 يوم اني هم اجلت المواد كلهن دور ثاني وراح ابدي ادرسهن وامتحنهن ليش تستسلمين من هسه عندج وقت تبدين.
اي شخص يريد معدل 99 و100 بس تخلص المنهج هاهيه تكدر تجيب 110 هم اما اي طالب ما ملحك مكمل المنج ما يكدر يجيب هل معدل فـ يعتمد عليك اذا تلحك تخلص الكتب ولا لا وبس.
الانسان الناجح دائمًا رح يدور على حلول والفاشل رح يدور على اعذار. خلي هاي المقولة دائمًا ببالج الحذوفات وفترة المراجعة مو هي الي خلته يطلع معدل هو درس وتعب على نفسه هذا اولاً، ثانيًا حتى لو ماعنده حذوفات وتطبيقي واحيائي ونفس دفعة 24 هم رح يطلع معدل. ليش؟ لأنه ناجح وتفكيره سليم رح يدور على حلول ويسوي جدول ويخلص واجباته والمنهج ويراجع مارح يطلع اعذار .
طالبه سادس دفعه ٢٤ عدت سنه علمود أحقق حلمي وحلم اهلي واطلع معدل عالي واحاول استمرّ قدر الإمكان حتى اطلع المعدل الي اني أريده لان بألسنه الأولى طلعت معدل كان مو من مستواي ولا حتى هدفي أو حلمي ولكن السنه هي ان شاءالله بتوفيق الله رح اطلع المعدل الي أريده بعد ما صرت من دفعه ٢٥ وشكرا لكم أتمنى التوفق الي وللجميع يارب ❤
فرحه الاهل والوعد الي وعدته لابويه انو راح اصير هنه اول شي يجن بالي من اسمع بشي اسمه تحديد المصير وهيج شي وان شاء الله اني كدهه لان اني انسانه تعبت على دراستهه من صف الاول وهسه اني صف خامس علمي ورايحه ان شاء الله بحيل الله سادس اني كدهه ان شاء الله واكو موقف مستحيل ينمحي من ذاكرتي يمكن احقق حلمي وهم نا راح انساه فد مره كلت لمدرستي انو اريد اطلع من الاوائل على العراق وهيج حجيتلهه بنيه انو راحح تكلي كلام يناسبني لان بوقتهه جنت كلش فاقد الامل ومحد مساندني وهي صارت كدامي بعد وهي فعلا ما قصرت وكالتلي لكن وره فتره كنه جاي نسولف على المعدلات والاوائل وهيج شي كان تكول راحم الله امرئ عرف قدر نفسه بوقتهه فعلا حسيتهه تقصدني وخلص اني قطعت وعد على نفسي ان كنت اني اقدر او لا راح اجهاد وراح اقاتل قتال الصحابه حتى اطلع واشوفهه الي ما يعرف قدر نفسه وخلص هاي هي النقطه الي ساندتني هسه ومن عدى الاقارب والناس الي تكلك ما صير لو تموت وغيرهم وغيرهم ما يدرون بيه هذا الشي الي يكولونه الي يحسبون بهذا كلامهم يكسروني لا اني يحفزني حتى استمر واكسرهم وافكس عيونهم وبل اخير اني ما جايه اثبت للناس شنو ومنو اني لكن بقت هي مسأله مستقبل وهمه جو بل طريق
