خلف بن هذال وفيصل الرياحي ( سلام ردية تملى الصدور افراح وسرور ) ابها 21-11-1408 هـ 

خلف هذال ابداعه منقطع النضير وابياته دمار للخصم شاعر لن يكرره التاريخ

الله يرحم الرياحي انشهد انه ذيب

البير طقت صفا ماعاد تروي فرخ عصفور وانا شربت البحر من حر كبدي مابردها والله من الثقه بالنفس الله يرحمه ويطول عمر خلف

الله الله يرحمك يا فيصل الرياحي شاعر متمكن

طاروق خلف هذا من افضل الطواريق اللي سمعتها طول حياتي

رحمة الله عليك يا ابو بدر الشاعر العملاق رجولة وعقل ووفاء في التعامل ولا صبر مثله احد على مصادمة الشعار ووقفاته مع اعتيبة لاتنسى والالتزام بالمواعيد وشف ليالي الطائف جميع حفلاتهم

في الشطر الاول من تسليمة خلف صوره ابداعيه رومانسية ، سبحان الله كل يفول بما يعتمل في خاطره

مافي مثل خلف الله خلق وفرق كفاية عيني تشوف البعيد ولا تطالع داخل الدور تغضي عن الثعلب المكار واطالع في اسدها ❤ ‏‪

تحية متابع من المغرب رحم الله فيصل واطال عمر خلف

خلف ظاهره لاتتكرر في الشعر. سبحان من اعطاه. الله يشفيك ويختم لك بحسن الختام يابوهذال. ويرحم فيصل ابو بدر رحمة واسعه

على كفوف القدر نجري ونبني للفخر سور والعقده الي تقول احذر من العقده بعدها رحمة الله عليك يافيصل

ياراعي الخيمة اللي حرك الغربي وتدها ضربة من تحت الحزام الله يرحم الرياحي ويطول بعمر خلف ويعطيه الصحة والعافية

هذا هو دوري الابطال صدق

الا ليت الزمان يعود يوما يا ابا هذال ، شاعر الوطن الاول والرحمه للشاعر فيصل الرياحي

الزمن الجميل

مبارزة شعرية في قمة القوة بين شاعرين ظهرا متكافئين ... حقيقة ، شخصية خلف قوية و كاريزماه متفوقة و ثقته بنفسه بلا حدود و لذلك يطوع صوته كما يشاء دون رهبة . دوما لاحظت شراسة هجوميته في مقابلاته مع غالبية الشعراء دون فسحة أو جس نبض في هذه المحاورة ، كان فيصل على قدر المقام و أكثر من ند للشاعر خلف و أظهر شاعريته العالية في الفتل و النقض و التشبيه. على عكس حبيب منافس فيصل آنذاك كان في مقابلاته مع خلف ركيكا ضعيفا وهذا يثبت قوة فيصل على حبيب شعريا فأبو هذال هو المحك الذي يقاس به. لعلني وفقت في المقارنة.

الله يرحم فيصل الرياحي شاعر علم ويغرف من بحر انشهد لله انه فقيده والله يشفي الشاعر الكبير شاعر الوطن خلف بن هذال شاعر الحماسه والله ماحد سد مكانه الى الان الله يشفيه واه على ذيك الايام والليالي الجميله صفوف نخبه تسعد على اللعب وشعراء من الوزن الثقيل @

الله الله يافيصل الرياحي شاعر متمكن

الله يسكنك الجنه يبو بدر

الله يشفي شاعر الوطن الكبير المتميز بالشعر والوانه. نظم عملاق قلطه عملاق. ويرحم فيصل الرياحي ايضا عملاق من عمالقه القلطه. وكلهم ابناء الموروث

الله يعطيك الصحه والعافيه يابو هذال

فيصل بالرد الثاني يقول: على كفوف القدر نجري ونبني للفخر سور الصفوف عدلوا كلمة نجري الى نمشي الله ابداع لما يكون الصفوف مدركين للشعر وفاهمين للشعر

الله يرحم الرياحي فقيدة

الله يشفي خلف هذال اسطورة الوطن ويرحم الرياحي

يقول خلف الا غديت وضعت بين امعان وجفور ..هل يقصد مدينة معان ومنطقة اجفور الموجودات بالاردن

ياسلام ياسلام

طاروق رائع 👏🏻

المنطقه بين معان وجفور منطقة حماد يشبه الربع الخالي فعلا شاعر

رحمة الله عليك ياالرياحي.

الله يرحم الرياحي ويشفي خلف اكل خلف بالطاروق هذا

الرياحي الله يرحمه يقول أول ٦ سنوات من بدايتي بالمحاوره قبل ١٤١٢ مااحسبها لأنها من البدايات لي.. ونا اشوف لعبه زين بذيك الفتره

من بيته الاول واضح انه شاعر طرح ووصف يعني شاعر نظم

معان منطقه عندنا بجنوب الاردن وجفور باقصى شمال الاردن... لكن الي هاضني بيت خلف لاوالله الا ضعت وغديت بين معان وجفور.. وصصف شاااعر

الرياحي متوهج في هذا الطاروق الله يرحمه ويغفر له ويعافي خلف ...👍🏼

خلف بن هذال : سلامِ رِدّيّةٍ تملا الصّدور افراح وسرور والوردِ يِقطَف ويِنثَر بين مَبسمها ويدها اخِصّ خالد ولد مِن عَلّقَ القربه على الكُور تشرب بّها الصّادره والوارده تسقي ولدها الرياحي : يا مرحبا بَ النّيابه والعَلَم منشورِ منشور بيرق طوال العَمارَ اللّي مِشى معهم سَعَدها هذي شهادَه لابُو تركي وِفا ما طَبّها زُور شهادةٍ كِلّ مِن فوق الثّرى قالُ وشهَدها خلف بن هذال : وَسّع بِطانك ترى المَسرى طويل اظلَم بِلا نُور وان كانِ عارَضتِ لِك عِقده ترى خَصمِك عَقَدها اللّيله الملعبه غِبّه ولي مِينا وبابُور اَرسِي بها مِثلِ ما تِرسِي طِميّه في بلدها الرياحي : على كفوف القدر نجري ونبني ل الفخر سور والعِقده اللّي تقول اِحذَر مِنَ العِقده بعَدها اللّيله الملعبه تفداك والمكبور مكبور كم واحِدٍ دوّر الحاجه وعَوّد ما وِجَدها خلف بن هذال : المسّ خَلاّ الجِمالَ الصّهبِ تِستسلِم مِنَ الجَور لا تِقعِدَ النّايمه خلها الرّضيعه في مهَدها قلبي على شِطّة الايّام مستعصي ومعصُور والقومِ ما تترك الفِتنه لِيَا ذَعدَع سَعَدها الرياحي : كَلمَتكِ هذي تِعَدّلها على برطم وحنجُور يا راعيَ السّبحه اُمّ الخيطِ قلّ لِي كم عددها كم واحِدٍ فرّق العالَم بدونِ اِحساسِ وشعور رُوحَه مِنَ النّقد واهلَ النّقد اشُوفه ما حَسَدها خلف بن هذال : السّبحه اُمّ الخَرَز فيها ذهَب وخيرِ وشرور ما لا مَسَت خِدّة العَذرا ولا ناشَت نَهَدها ارقد شويه ترى النّيّه مطيّه م انتِ معذور وشلون تلقي معي حِجّة غلط واتجي بعدها الرياحي : تقولها يا خلف ونقولِ خِذ راي مستور يا دُوبِ عَينك تحرّك نونها داخل بَرَدها الموت مَ احدٍ حَفر قبره ونِصّ النّاسِ مقبُور يا راعيَ الخيمه اللّي حَرّك الغربي وِتَدها خلف بن هذال : دنياك هذي مِرَكبةٍ على قرنٍ من الثّور لو حاصِ عنها رمَت بعض الخيامَ اطوَل عَمَدها عيني تشُوف البعيد ولا تطالع داخل الدّور تغضي عن الثّعلب المكّار واطّالع فَ اسَدها الرياحي : هذا ما هو حلم شي قبلنا معروف مخبور يا عاويٍ لَ الذّيابَ السّحمِ ثمّ جاتك جهَدها ارفع لسانك عن اسنانك ترى الشيطان مغرور والحجة الفاشله ما ينفع الفاشل سنَدها خلف بن هذال : اِن كانِ مِخطي نقول اخطَيتِ وندِقّك على الزّور هذي وعايِد رِجالٍ ما توَخّر عن وَعَدها لا والله اَلاّ غديت وضعت بين اِمعان واجفور فزعتك ما تاصَل الحِروَه ولا يلحَق مِدَدها الرياحي : تبغى الحقيقه ما عاد اِلْنَا عليكم كبر الاظفور لكنّ رُوحِك خلقها الله وزوّد في كِبَدها حنا ندل البشر خذها من اكتاب ابن منصور يا راعي الجبهه اللي طبنا الشعبي صفدها خلف بن هذال : اِجنازتِك ما تبى اَلاّ شبر خام وكاس كافور وان كانِ جهّزتها عندي وانا هندي لحَدها ما تنزف البير لو ركّبت لك عشرين ماطور لكنّ رَيّح ركابك لا تسَيّرها وَحَدها الرياحي : انته بعيرٍ نهار العِيد لَ الايتام مجزور مِثلَ الجِمالَ السّمان اللّي تبرك من وَهَدها البير طقّت صفى ما عاد تِروي فرخ عصفور وانا شِربت البحَر من حَرّ كبدي ما بَرَدها

ايوه ياخوي عطونا مثل هذي الملعبه

ذا فيه محاوره ثانيه محمد جرشان نزلها

ياولد اشههد ان الرياحي اعيونه فيها العشاء حر

🇸🇦✋🏻💐🌺

شعر اول لغز وحكمه. ونادر جدا سب وان صار قليل جدا لكن من عشرين سنه والحين اغلب محاوره كلها سب

الحين استغرب من اللي يمدح ويقول فلان فلان شاعر عملاق وفلان شاعر خطير ومدري ايش وهو لو تقول فسر بيت من المحاوره او اش المعنى ماعرف باختصار ليسو بحاجة تقييمكم

طواريق خلف متفرده

اجنازتك ماتبا الا شبر خام وكاس كافور وان كان جهزتها عندي وإنا هندي لحدها ذبح الرجال ودفنه ابوهذال الله يرحم الرياحي ويشفي ابوهذال

سلام رديةً تملا الصدور افراح وسرور والورد يقطف وينثر بين مبسمها ويدها تركيبة مايجيدها غير ابوهذال

اذا سمحتم ياكرام ويش هو الكور

ليتك اختصرتها

الرياحي في هذه المحاوره جدا متوهج

الرياحي دفنه أقوى من خلف

في رأيي إبداع خلف وتفرده في النظم والقصائد المنبرية خاصة ، أما المحاورات فهو أقل بكثير فيها خاصة مع شعراء كبار مثل صياف ، والزلامي ، وشليويح وغيرهم وعادة اسلوبه في المحاورة واحد ومكرر .. لحن طويل وممل وصعب على الصفوف والشاعر الآخر .