خلوني اخذ راحتي | حي الرفيق اللي ليا ضاقت علي الارض ضاق | خالد ال بريك | بطيئ ♪ 

#لايك_على_دربك
#قروب_FN #ععذرناك
لـلانـضـمـام لـمـجـمـوعـة [ FN ] تواصل معي سناب
حـسـابـاتـي عـلى الـتـواصـل الأجـتـمـاعـي⬇️
سـنـاب شـات ⬇️
/ ur-8u
الأنـسـتـقـرام ⬇️
ur_8u?r=nametag
بـنـتـرسـت⬇️
pin.it/1E9vEjo
خلوني اخذ راحتي خالد ال بريك
خلوني اخذ راحتي خالد ال بريك بطيء
كلمات : صنهات حشر
على الطريق اللي نهاياته بدايات انطلاق
يبدا الخيال يعيش جوه والقديم يجدده
خلوني اخذ راحتي وارتاح من ضيق الخناق
محتاج لي سجه تعيد الراحه المستبعده
ياخذني التفكير لـ ابعد مرحله وابعد نطاق
واعيش في غربة عن الواقع ورحله مجهده
منها يمر البال في ضيقه وهمً مايطاااااق
واميل للعزله واشوف ان الظروف معقده
ماصعب من شعور الفراق الا شعور الاشتياق
همً يطاول راعي الفرقا ونارً موقده
من يكثر التفكير فالدنيا ولحضات الفراق
يمكن يبين الحزن في عينه ويجفا مرقده
كافحت فالدنيا بعز وذقت شيً مايذاق
مامرت ظروف الليالي باردة ومبرده
بيني وبين العز وسلوم العرب عقد اتفاق
رصيدي اللي ماملكته في بنوك الارصده
رزقي وتوفيقي على الله خالق السبع الطباق
اعيش لحضاتي ولا افكر فِ بكره و وبعده
كم من سليمً شكله معافا وتفكيره معاق
يمشي على البيدا برجلينه وعقله في يده
اليا انفتح للشر باب يصير كنه في سباق
واليا نصيته في مجال الخير كنك تطرده
الخير والمعروف مايجزا بصده وانشقاق
على الاقل اليا تجمل فيك احد لاتجحده
حي الرفيق اللي ليا ضاقت علي الارض ضاق
يسعدني اليا شفته اسعد واحد الله يسعده
صدره خلي من الحسد والحقد واسلوب النفاق
لاشفته افقد ضيقة الخاطر عساني مافقده
المدح مثل العود الازرق مايمد ولايساق
الا على قرمً علومه بالفعول موكده
لاصد ابو جنبً صخيف وصد ابو كفٍ رقاق
علي الثمالي مايجنب لين يبلغ مقصده
اسمٍ مع اهل المرجله ماهو سريع الاحتراق
يوم الاسامي بعضها بالانقراض مهدده
يكرم عن الهفوات والزلات والهرج الدقاق
لاهان راسً تعب الاجيال قبله وبعده
يسعى لفعل الخير والمعروف والحق الحقاق
من يحتزم في المحزم المليان يبشر بسعده
ياعلي بن عيضه فعولك تشرح صدور الضياق
صبيً من المسعود ياقف كل ماحان وعده
انت المشرف في الوطن والدبلوماسي فالعراق
وتبين في يوم يجف الدم وسط الاورده
اخوك يوسف ماضرا بالهينه والانفهاااق
هو مسندك في حزة الشدات وانته مسنده
عزوة ثماله لاغدا للخيل فالحرب اصتفاق
يبطي معاديهم وهو يونس على الكبد لهده
روس الرجال اللي لهم في سلم الطاله وثاق
يحكي بها التاريخ والواقع قبل لاتنشده
وقت الرخا غيثٍ يصب الما وهماله حقاق
ووقت اللقا تنطح معاديها وتاطا جلمده