The Prince Of Persiaخنجر سحرى بيتملى برمال سحريه بتخلى اللى يدوس عليه ينفصل عن جسمه ويرجع بالزمن للوراء ويتفرج على الاحداث وهى بتحصل قدامه داستن طفل من العامه يتبناة ملك فارس ليتربى مع ابناءه وبتيجى اخبار للوزير نظام اخو الملك ان مدينه الاموت بتصنع اسلحه وبتديها لاعداء فارس فبيقرر ولى العهد تاس غزو المدينه وبتحاول الاميره تامينا حارسه الخنجر ابعاد الخنجر عن ايدى الفرس لكن بيقع فى ايد داستن بالصدفه وهو ميعرفش قوته وبتبداء سلسله مغامرات تامينا وداستن للحصول على الخنجر فيلم فانتازيا رائع الفيلم تم تصويرة فى المغرب الديكور للمدن والقصور كان موفق جدا والموسيقى التصويريه والاخراج كان اكتر من رائع ومتوافق جدا مع الاحداث والشخصيات الفيلم حقق ايرادات وشهرة كبيره لكنه ايضا اتعرض لنقد شديد جدا بدون مبرر على الاطلاق الحبكه الدراميه والخدع معموله باتقان شديد والملابس والديكور متوافقين تماما مع الفترة الزمنيه
تامينا بتهرب مع داستن بعد ما اتهموة بتسميم الملك وهى معاه بتحاول تسرق الخنجر لكن لما بيبعد ايديها ويجرى يجيب الخنجر بيدوس على الجوهرة اللى فيه غصب عنه وبيلاقى الاحداث بترجع لنقطه الصفر وبتحاول تامينا تكرر المحاوله وهو مذهول من المفاجاة وفعلا بتضربه ضربه قاتله بالسيف بيقع وهو مش مصدق لكنه بيدوس على الجوهره اللى فى الخنجر وبيرجع الزمن تانى لنقطه الصفر وبيتاكد ان الخنجر دة بيرجع الزمن وتتوالى الاحداث والمفارقات الشيقه والكوميديه ايضا والتى لا تخلو من الرومانسيه بعد ماعرفت تامينا انها هى وداستن مصيرهم بقى واحد ومرتبط بالخنجر
3 окт 2024