عشرين عام وانا ندوز رمضان فلندن راجل خدام عشرين عام وانا نفطر بحدي 😂 ولفت ونورمال وعادي جدا بالعكس عندي الوقت باش نصلي ونقراً قران، رمضان ماشي هو لومبيونص رمضان هو العبادة
حسيت براجلها ندم حيت جابها والله أنا بعدا كيبقى فيا شحال من واحدة كتمنا هاد اللحضة لي نتي فيها ولكن مكتقوليش الحمد لله رابي واحد نهار غادي يحيدها ليك و غادي تندمي على هادشي كامل 👌🏻
كنوزۃ دیري واحد بیبي یونسك و یعمر علیكوم حیاتكوم انا حملت بولدي علی 21 سنۃ و دبا راه في عمرو تسع سنین كنحس براجل معایا في دار و الله مسكین یجیب لیا الما و یغطیني بالكاشه كي یشوفني ناعسه و كیقول لیا أمیرۃ دیالي الله یحفضو الله یرزق كل محرومه❤
@@ریفیۃحرۃ-ق7ر الله ايشافيه شفاء لا يغادر سقم ولا يبقي الم.تبعي ليه الرقية الشرعية.وعطيه الماء مقري فيه القراءن وفيه ملعقة ديال العسل الحر والله ايعجل بشفاء ويكون في أحسن اللهم جعلها ساعة الأستجابة إنك على كل شيء قدير.
@@AmirAwatif-f1p لا اختي مفهمتينيش قتليك مطلقيش حافظي على حياتك الزوجية وهاي شملك مجموع فهمتيني اختي راني اختي تنهدر معاك من تجربة حافظي على الأسرة ديالك فهمتيني أتمكن غلاط
كلنا هكاك اختي حتا انا لي الطاليان نفس الشي ولكن غادي تولفي غير قادي امورك او بقاي غادا جايا انا كنت قبل ولادي ميدخلو مدرسة كنت كلا شهرين نازلة دابة دخلو ولينا نزلو من الصيف عاد عندنا الجنسية او الدار في المغرب او نقدر نزل بمرة ولكن والله ماقدري ترجعي تعيشي في المغرب منين تولفي هنا
السنة الأولى دائما هكا من بعد راه غادي تمشي المغرب و من بعد أسبوعين غادي تقنطي و هدا عن تجربة تنبغي المغرب و تنحماق على بلادي و لكن ما نقدرش نجلس فيه اكثر من اسبوعين😊
غا ولفتي الدوران مع صحاباتك و طوطيح ف زناقي و العراضات و شطيح و الرديح عليه تخنقتي دابا اما البنات متبتين و لي تيخرجوا بالتاويل و العقل نهار تيمشيو للغربة او رجالاتهم تيكونوا ملتزمين متحسوش باكتئاب و الخنقة
Wakha akhti dakchi li ban Lya machaft hna 23 sana dyal lgharba ma khadro la f ramdan Wa la a3yad wlakin kandiro ljaw rad a khasha laiman Wa thla fi rajlha dryaf hadi katkaran ramdan dyal lghorba machi hwa dial maghrib hakan wlkin ga3sbarna
حتى انا من النوع اللي متعلق بفاميلتو الصغيرة و دابا 3سنين و انا ففرنسا ولفت شوية حيت ولدت بنية ونساااتني و كنمشي جوج مرات فالعام للمغرب كنجلس شهر و لا شهر نص كنرجع مرتاااحة…الحل هو الوليدات❤️
ررراه مزال صغيرة حتى انا كنت بحالها والحمد الله غير ولف وصافي غير تعود وصبر دابا ترجع بيا الوقت احسن وقت هو مع راجلك ووليداتك الله يرزقك وليدات تعمر عليك
بالعكس اختي كنزة رمضان في بلجيكا زوين بزاف احسن من غير الدول انا دوزت رمضان في بلجيكا زوين كاينين بزاف لمغاربة ولعرب تحسي بزاف مع رمضان ماشي غير الدوال انا 12العام و12رمضان كندوزهم فالغربة الحمدالله على كل الحال
انا جيت فرنسا هادي خمس سنوات وجاتني صعيبة الاجواء خايبة ديال الاعياد مكاين لا اعياد لا رمضان والو والحمد لله على كل حال ولفنا الانسان خاصو يتاقلم ولا مغايقدرش يعيش ولا غايرجع اللور ويسمح فكلشي
راه حشومة هادشي لي كتقولي نهار لول فاش سنيتي على العقد كنتي عارفة سيد عايش برا، حاجة خرى مبغاتش تفهملي هاد سيد مسكين متزوجش باش يبقا بوحدو ويبقى يضور من قنت لقنت وصل واحد السن لي خاصو يشوف وليداتو ويدخل لدار يلقى مرا صاينة دارها وجامعة ولادها ومقىياهم اما ضوران معندو باش ينفعك
ختي حتا انا جيت هادي عام و نصف لفرنسا و راجلي معندوش مع الخروج بزااف كنقنط و كنبقا غير ناعسة و بعد المرات الافكار الخايببين كيحيو الخ واخا بديت القرايا قريت عن بعد زدت كملتها.. الصراحة خاصني نعاود الماستر باش نبقا غادا جايا و تبانلي حياتي فين غادا اما هاكا را الموت .. النهار بحااال خوه و كتبقاي تفقسي على أي حاجة و كتفكري النهار كامل و الراجل بعد المرات الغوات و خاصك تصبر و بعد المرات الحب و الغزام هه على حساب و الدنيا تستمر. رب يلاقينا مع شي صحابات طيبين و يعطينا وليدات صالحين و خدمة زوينة.. و الحاجة الاخرى لي كتزيد تخليني نسد على واسي هو أنني دايرة الحجاب مكنبغيش النظرة العجيبة لي كيديرو الناس الخ .. دعيو معانا
الصبري كاع دوزوا هاد المرحلة كدجي قاصحا فلول المبعد ان شاء الله اختي التولفي انا عام ونا نبكي احتا اولدت عاد التولفت الغربة الصعيبة بزاف الله اليكون المعانا
وكنزة انا 16 عام غربة هاد الاحساس اللي كتحسي بيه عادي في الاول كنت كنقلب على بنادم اللي ونسني كنت غير انا وراجلي دبا كرهت كحل الرأس بفعاليو غير غاديا تولدي وتونسي خلق الاجواء الراسك حافضي على النعمة اللي فيديك خلقي سعادة الراسك
حتا انا فاش جيت البلجيكا كنت حسيت بحالك بالخنقة ملي دازة مدة 10سنين تولفتها اوليت كنهبط غير مرة فالصيف المغريب أو عيشا وحدي حمدي الله لقيت ولد الناس مونسك كيصرف عليك خاصك تخدمي تعمري وقتك...
La walo smahli machi hada lhal lwahid li kayn. Qoliha tdir chi formation ou tjbar chi khedma fin telef lwaqt ou ntlaqa m3a nas, tbedel lhyot dyal dar ou tfewej. Tejbar chihaja bach t3amar waqt dyala mn ghir lwlada, malkom derya nodi weldi mra 3ad jat 3at radi t3achar rajl dyala ou tchof lhayat d zwaj chno hiya. Zwaj rah s3ib ghir bohdo bla drari. Ouii drari kay wenso o allah yerzak kol wahda li tmenathom mais machi sahlin ou m3a drari kay jiw so3obat akhrin surtout bin couple. Mchi a khti te9ra logha, wla chi formation chno makan. Diha mn 3andi li khalqa ou kabra fe belgique. Had lblad khesek tjbar chihaja fach t3amar biha lwqat dyalek si non balek dayman ghir fe maghreb. Allah y sahal
ختي صبري مع راجلك والله يحنن قلوبكم على بعضياتكم انا منين بدا رمضان مخرجت لزنقة لا ليل لا نهار وعاد الكوزينة وانا ديال راسي ممزوجاش ختي لا قنطة تحت رحمة الله حمد الله على داك رزق ولو يبالك لا شيء وربي غيزيد يبارك ليك ويفرجها عليك حاولي ترضاي بالقضاء والقدر وديما شوفي لتحت منك
حتى أنا اختي في فرنسا عام ونص راجلي كيخدم من 7h دصياح حتال 9h دليل و كنبقا غير بوحدي مكنخرجش و معنديش صحابات ولكن الحمدلله أنا لي ختاريت نكون مع راجلي ونونسو و ندير حتى أنا لأسرة ديالي
Ana fheemtk 7awli tsabri chwiaa w ila qderti ifout remdan habti lmaghreb chi simana w rje3i gha bach tartahi chwi o talfi mais rah tma khassk darori tsaabri a kenza hbibaa 7awli diri chi haja tlhaay fiha la salle haka wla tyaab wla lmhm tkoni martaha❤️
راه انا كنطلب الله الليل ونهار نتجمع مع راجلي وماما مع بجوج على برا راجلي ايطاليا وماما فرنسا ونا حاملة والله لي تشهيت ك نديرها بوحدي مع خلاني فدارنا مع خويا دعيو معيا نتجمعو انا ورجلي عفاكم 😢 كنتوحشو والله دموع في عنيا
تحية ليكم تانتوما من ايطاليا 🇮🇹 وكنزة غي صبري كلنا هاكاك في الاول كيطيح عليك الضيم وكتوحشي ماماك ويبان ليك رمضان بعيدة على بلادك ختي صبري مع راجلك وكلشي كيبقى غي تعاويد وهذه هي المراة المغربية او العربية ديما صبارة والله يكون معنا جميعا 🤲😘😘
حبيبة ديالي الزواج هو الصبر ثم الصبر ثم الصبر و تحمل المسؤولية وقولي الحمدلله لأنه ماعندكش مشاكل خايبة و معسرة امورك بلعكس حبيبتي جلسي مع راجلك توانسو وشقو حياتكم وتعاونوا وكونو مستقبلكم غادي تولفي مع الوقت وحاولي تبعدي من قجقلة ديال البشار وكثرت بنادم كوني كلااااص فافكارك وتصرفاتك حاولي تنساي كنزة العازبة انت دابا كنزة الزوجة المسؤولة واحد النهار غاتكوني أم فمن دابا جهزي نفسك و دربي نفسك على تغيير شخصيتك عرفي مع من تجتامعي و مع من تصاحبي ومن الاحسن راجلك هو لي يكون فيه كووووولشي صاحبك صاحبتك ختك خوك أمك لمهم هو كوووولشي ا بنتي ❤❤❤❤❤ مسيرة موفقة حبيبتي
أختي أنا ليا 4 سنين في طاليان وولدت هنا بوحدي ودارنا مقدروش يجيوا عندي وأنا بنت كازا مولفة مدينة فيها البحر كازا يجيك الجوع مع 3ليل تلقاي غير المحلبات ديال القلب هنا إلى بغيت تعشاي في الليل ماخاصكش تفوت 10 ديال الليل 🤣🤣🤣الي نقولك أختي أنت حاولي ديري جو لراسك في أي بلاد تحطيتي فيها ومع لوقت غادي تولفي إلى كانت عندك نية الإستقرار حيت لومبيونص الي بغيتي تقدر تخلقيه راسك واخة الغربة ✌🏻✌🏻✌🏻
احسن تعليق 👍 الله يحفضط هاكا كنت انا كتر من كنزة غير البكا البكا والتخمام حتى جاو عندي مساكن وكنت كانمشي للمغرب تلاتة الخطرات فالعام حتى صدقت حاملة بشوية بشوية حتى والفت ولكن والله اختي صعيبة الغربة صعيبة انا مشيت نحماق❤❤❤
😢😢😢كلنا دزنا من هادشي خاصك الصبر ثم الصبر ثم الصبر. راه مازال جاي العيد و جاي الولادة و النفاس و المرض😢😢😢و يجيوك أخبار الموت لهلا يضرك....آحياني اختي. يلا مصبرتيش و هبطتي دابا راه عمرك متولفي غتبقاي طالعة هابطة.
ختي انا جيت ف 2021 و مازال لدابا تحت تاثير الصدمة كنت عايشة ف قطر عشرة سنين تزوجت جيت لهنا حسيت راسي تقبرت قريت و خديت دبلوم و دوزت سطاج و مع ذلك ماقادراش نتأقلم مع الوضع هنا بالمقارنة مع قطر !
كنزة خلي مشاكيل بيك وبين راجلك راجلك عندو الحق صبري وحاولي تولفي ومتجرحيش راجلك بلي مولفتيش مدامك معاه خاص تكوني فرحانة الغربة صعيبة ولكن زوينة انا 10 سنين مغربة وحدي لا راجل لا والدين عندي غير قط ولفت هنا صراحة ماكين بحال المغرب ولكن هنا كلشي كين طبيب الهنا الخدمة و ...
غير صبري غدي يجيو الولاد أو تولفي أو مبقيش يبقى عندك الوقت حمدي الله أنى 21 عام ونى مزوجى أو راجلي كان خدام فطليان أو كان مقولني يديني أو داني من المدينى أو سكنت معى ضرهم فلباديا أو ملي بغاو ولادي يقراو جيت المدينى الضاري أو ولادو مدارش اليهم الوراق أو دبى ولدي عندو 18 ارعام أو قالي من برا نخلاق أو دفع اليه ضوسي علا حساب الخدمى أو مزال مجوبوش
انا 20 عام ونا هنا تزوجت دبا 18 عام نورمان غادي تجيك شوية صعيبة ولكن شوية الصبر ومع المدة تولدي وعادي تولفي وايبقاش عندك داك المشكل زعما وقتما قاليك راسك تهبطي المغرب ونديك انا واعود بالله منقول انا حتى كبروا ولادي شوية عاد خرجت نخدم لاحقاش ميمكن ولادي صغار تبقا كل مرة نديهم لاكريش او لانونو مساكن نكرفصهم مهما شبعين نعاس ماهانيين وهادي هي سنة الحياة فينما كاين راجلك تلقائ معه ماشي ديال راسك
والله يا اختي كنزه انا ما كرهت ندوز رمضان مع راجلي في المانيا يا ريت كو خرجت لي الفيزا يا ريت كدوزت معه رمضان انا وحدي في المغرب كنحس براسي بحال ذاك الحنشني مقطوع عليه راسه❤
أنا هدي عمايين جيت لأوروبا كرهت الي جيت جاتني غربة صعيبة وبالخصوص ف أعياد بالحق دابة صافي ولفت مشيت المغرب صافي مقدرتش نجلس كتر من شهر ف المغرب كنقول غير فوقاش نرجع الحمد لله على كل حال
ختي كتزة حمدي الله و شكريه الف مرة عرفتي علاش لانك الحمد لله طحتي فولد الناس لي كايخرجك و يخليك تخرجي مع صاحبتك و دايرا يوتوب انا جيت لفرنسا هادي عامين حتى فدارنا مكنتش صراحة كانخرج زلا ندور كنت غير دار و قراية ولدت بنت و لي داز عليا ربي لي عارفو عندي 21 عام جيت فرنسا منين كانت عندي 19 راجلي صعيب معيا المعيور و السبان و يطيح من قيمتك حتى ل كونيكسيو هي اللخرة ماكانتش عندي نهار كامل و انا فدار هو يخرج البرا يتسارا و يفوج و انا نهار كامل فدار و تلفازة مافيها والو من غير الا مشبت مرة مرة عند مو انا و بنتي بوحدنا حتا الا بغيت شي حاجة ماعندي ريال فجيبي ولكن الاهم هو يكون معك راجلك ضريف و يخرجك را ماتقنطيش
بقا صغيره آكنزا، ره دنيا تبدلت ، وخا المغرب مزيان ولكن الإنسان تبدل بزاف ، خصك الوقت تستانس ، ملي دير ولادك دكساع تونسي مع بنك ولا بنتك ، مكيدوم غير معقول ، تهلا في رجلك ، جمع فلوس باش تشري طموببيلا وتبدلك حياتك كاملا ، تحياتي مليكة من بلجيكا ❤❤❤❤❤❤❤
صراحة الغربة صعيبة ولكن الحمدلله الإنسان مع المودة تيولف دابة إنتي مع رجلك او شوفي ماادراك مساكن لمعندهوم الاوراق كاين لسنة سنتين 10سنين مبشاوش المغرب ولكن الحمد لله ❤❤❤❤❤❤
قاع قنطنا الزينينو وجاتنا صعيبة فى الأول دابا تولفي و تولدي وليدات و تولفي تولي تمشي للمغرب و تبغي غير امتى ترجعي حيث غادي تولفي الهدوء و الجو وشحال من حاجة 🥰🥰🥰
غير صبري دابا يسر الله وتولدو شي كتكوتة ولا كتكوت يونسكم ويعمر عليكم كيجي الملل مرة مرة عادي غير صبري وزيدي وقراي القران مرة مرة باش تحسي بالاستقرار الحقيقي هو في ذكر الله ❤❤❤❤🎉🎉🎉
كنزة ولفتي زنقة و دوران مع قوة البنات ماشي هاديك هي الحياة زوجية راه كلشي ب modération هو لي مغرب و خدام مسكين ما راعيتيش ليه رمضان اصلا ماشي هو الفطور فالقهاوي و البيفي و l’ambianceرمضان هو تصلي صلاتك و تقراي قرانك و تبتي و تقربي لي خلقك رخفي على داك سيد خالتي حتى هي عاد مشات لبلجيكا عند راجلها هي كانت بوليسية فالمغرب مشات بلجيكا ماخداماش عادي حيث اصلا طبعها ماعندهاش مع الخروج حافظ على راجلك و راعي ليه