دجاج ميد راديو محمر ومدغمر في الكوكوط بلا ماء كيجي احسن واروع دجاج تاكلي صوابعك وراه يممم 

الدجاج لي قدمت في البرنامج لالة مولاتي
الدجاج مقطع مغسول ومسقطر مزيان .
في إناء نوضعو قطع الدجاج نشرملو الدجاج العطرية كلشي معلقة صغيرة القياس
ليبزار ، سكنجبير، هريسة، قزبر يابس مطحون، خرقوم بلدي، معدنوس مكرض رقيق، ضريسات تومة ، شوية حامض مسير مكرض رقيق، قبصة كامون ،شوية سمن ، معلقة صغيرة حك مطيشة اختيارية ،موطارد،ضامة الزعفران ،معلقة من عطرية الدجاج،
نشرملو الدجاج في هاد الشرمولة مع شوية الماء.
نخليو الدجاج يتشرمل مرقد ليلة كاملة في التلاجة او ساعة الى بغيناه في نهارو للغذاء.
ناخدو كوكوط نوضعو فيها الدجاج والشرمولة نضيفو شوية الزيت بلا ماء نشلظو جوج بصلات نشعلو عليه العافية نقفلو عليه تصفر الصفارة نقصو عافية مهيلة ونخليوه نصف ساعة يطيب وتدغمر بصلة وتوقف في زويتة.
نضيفو الزيتون بلا عظم ونرافقوه مع فريت .
وهاهي غديوة ساهلة وبنينة