الله الله.... تسلم يا خوي يوسف شي طيب من روائع الخشرم. بصراحة أعترف بإعجازي على تنزيل أغاني للفنان القدير إبراهيم الخشرم الله يعطيه الصحة العافية ، ما أخفي عليك كل ما اخترت أغنية وأسوي بحث عليها ألقاها إنك منزلها ، فتشكر من كل قلبي على مجهودك العظيم للفنان الكبير بوفهد الله يطول بعمره ويا ليت الجيل الحالي يتعلمون منه ويا رب يجمعني معاه وأتشرف بشوفته. يا ليت تبلغه سلامي واحترامي وتقديري له وقول له إن له سمرات في ديوانيتي بأواخر السبعينيات وبدايات الثمانينات ولكن للأسف ما ورثت من أخواني أي تسجيل. تحياتي واحترامي ولمجهودك الكبير للفنان القدير إبراهيم الخشرم رمز من رموز للفن الصوت ولأهل الكويت ⚘⚘
الله يسلمك يالغالي وأشكرك على كلامك الطيب وماعندنا إلا حلالك وإذا بخاطرك أي شي مو موجود بالقناة وودك تسمعه أنا بالخدمه بس أنت قول اللي بخاطرك وأنا أنزله إن شاء الله . وبالنسية لسلامك للأستاذ / ابراهيم الخشرم إن شاء الله راح يوصل . بس منو أقوله ؟ وإذا تحب تشرفني في دخينة اوتتواصل معي الرجاء ارسال رقمك لي رسالة على القناة وأنا حاضر باللي تآمر فيه .
والله والنعم أخوي فهد الديولي ( بو مشاري ) تشرفنا بمعرفتك وأنا كنت متوقع انك أنت بومشاري ولكن ما أعرف أسمك خلاص حبيب قلبي أنا راح أدق عليك ان شاء الله . وتسلم .