مع الاحترام لمجهود حضرتك لكن بخصوص شراء التقاوي في الوقت الحالي يبقى هتشتري اخضر و الطن الاخضر يصفي ٣٠٠ كجم جاف وقت الزراعة اذن لو انا محتاج ٤٠٠ كيلو للزراعة يبقى لازم تشتري ١٢٠٠ كجم اخضر و تخزنهم لوقت الزراعة . بالنسبة للتخزين مش دايما مربح لأن الطن بيصفي ثلث طن بعد التخزين يعني ال ١٠ طن ( انتاج الفدان) هتصفي ٣ أو ٤ طن على الاكثر بعد التخزين .. تحياتي لحضرتك
السلام عليكم الكلام على أرض تمليك مش ايجار وان الشبكة موجودة فى الارض شبكة المياة من الأصول إلى بتتغير كل ٥سنوات يحصل لها تجديد لا تحمل على المحصول وشكرا
@@aboalfatehnour5538 حتى ولو الأرض ملك لازم يتحسب ليها قيمه ايجاريه وهذا بديهي في اي دراسة جدوى وبالنسبه للسبكه هي لم تنزل من السماء بيتحسب جزء من قيمتها على التكلفه للعلم الفدان ثوم بياخد لحد ١٣لفه لو ضمان ٥سنه ٦٥٠٠ج هذا غير سعر الخطوط الرئيسيه والفرعيه وشكرا
احلا اشتراك وليق لخضرتك ياهندسة اول مره اشوف قناتك انا زارع زيتون عمر سنه وانا مسافر بره مصر وتعبت من الغربه يالقي ١٠ سنوات ربنا كرمني بالأرض في سيناء قريبه من القنطرة وعملت طاقة شمسية بس ملوحه المياه ٤٠٠٠ عشان كده زرعت زيتون ايه النباتات اللي استسمر فيها عشان ملوحه المياه ولك الشكر والتقدير والاحترام
كل سنه وحضرتك طيب يا بشمهندس حامد ، معلش أنا مش متخصص زراعه ،بس من كلام حضرتك كده حسيت إن الحياة وردي والي عنده ١٠ فدادين احسنله يزرع زرعات موسميه زي التوم أو البصل أو الفول البلدي أو اليقطين ده ع كلام حضرتك كده والمكاسب الي حضرتك بتقوله ده هيبقي مليونير من زراعه وآحده!!! أمال ليه حال الفلاحين بيصعب ع الكافر لما بنشوف آخر تعبهم ف موسم الحصاد وهما بيبعوا برخص الاسعار كل سنه وحضرتك طيب مرة أخرى كل سنه
مشكلة الفلاح المصرى أنه بيعتمد إعتماد كلى على مقولة هذا ما وجدنا أبائنا عليه ومش عايز يتعلم أن الزراعة علم ممزوج بالخبرة فالمحصول المحتاج عناصر غذائية كبرى وصغرى هو لا يعطى سوى الأزوت فقط ويعطى بكميات كبيرة تؤدى لزيادة النمو الخضرى على حساب النمو الثمرى وكذلك حصوله على تقاوى من مصادر مجهولة ومبيدات وأسمدة مصنعة فى بير السلم وليس من شركات لها إسمها علاوة على إختياره لمحاصيل ليس لها جدوى إقتصادية وهذا الكلام يحتاج حلقة كاملة لتوضيح هذه الأخطاء
السلام عليكم ورحمه الله وبركاته . كل سنة وحضرتك طيب . اية نسبة الملوحة المناسبة لزراعة كلا من . الثوم - اللب الخشبي - الفول البلدى . و هل أزمة سد النهضة هتعمل مشاكل للزراعة
مع احترامى يا باشمهندس اقل تكلفه فدان توم 35الف جنيه تقاوى 400ك=8000جنيه كيماويات وسباخ بلدى =10000 مغذيات ومبيدات وماتور=6000 حرث وتجهيز وعزيق مرتين=3000 انفار زرع 15نفر=1200 عامل رى وجاز=1000 انفار تقليع=1000 مصروفات أخرى=2000 زياده في الرش ومقاومة حشائش مرة عزيق زياده وكل الحسابات دى ارض سمرا واكيد ارض الجبل هتزيد فى المصاريف علاوه على ذلك ايجار=8000 انتاج الفدان توم ناشف 5طن بشكل عام الفدان مع هذه التكاليف والرعايه المظبوطه يوفر علي اقل تقدير 35ألف عذرا يا محترم انا لا اقصد شئ ولا اشكك فى معلوماتك إلا اننى ازرع خضروات وهذه المصا ريف بالفعل اقوم بصرفها تحياتى لحضرتك وشرفت بالتحدث اليك وشكرا جزيلا على مجهودات حضرتك
والله على الصبح . انا بزرع توم من اكتر من 20 سنه . بس احب اقولك دراسه الجدوى دى ملهاش دعوى بالوااااقع خاااالص . الحاجه الوحيده الصح اللى قولتها 20 متر سباخ ب 2000 ج وشكرااا
انتا بصراحه قاعد ترزع اي ارقام وخلاص.. يعني مثلا" بتقول.. ان سعر الطن 5000 ج للطن في موسم الحصاد.. وده مستخيل يزيد عن 3000 ج تحاري.. باي حال.. لانه بيكون سعر بيعه للمستهلك المباشر.. هو 5 ح... يبقي ازاي انتا ها تبيعه بنفس السعر ال 5 ج.. والتاجر. والنقل مش ها يكسبوو. من وراك يعني.. ده ناهيك.. عن قيمة التكاليف.. بالشكل الوردي زي مثلا" ان سعر ال 20 متر سماد عضوي ب 2000 ج. ازاي يعني سعر المتر.. لسماد العضوي مع النقل .. 100ج بس.. و هكذا.. وكل هدفك ان تسوق لفكرك شراء الارض وخلاص. ياريت تتحري الدقه..في المعلومات والارقام شويه عشان المصداقيه الله يكرمك وشكرا ليك
@@مصطفيرجب-ز1ن اعرف انه محترم والله ولم ارد عليه بحده ولاشئ وانا اتابعه لاني اريد زراعة نخيل وإذا زرعت نخيل سوف ارجع إليه لأنه فاهم في النخيل ولكن دراسة الثوم بها مغالطات هذا ماكنت اقصده لأن كثير من الناس سوف تأخذ كلامه مرجعيه ولأن لانريد ضرر لأحد مع العلم ان انتاج الفدان من الثوم أخضر يزيد عن ١٨طن وليس ١٢طن كما قال ولأن التكلفه تتعدى ال ٣٥٠٠٠ج للفدان وليس ١٣٠٠٠ كما قال ولأن هناك جو ومناطق في مصر لايتناسب زراعة الثوم وهو لم يذكر ذلك هذا كان يحتاج إلى إيضاح حتى لاتقع الناس في ضرر وخساره ولكن انا شخصيا إذا زرعت نخل سوف اتواصل معه
