انا جربت الجبنواز بدون محسن خدمت كيكة عيد ميلاد بنتي كاااامل تخلعو فيها و الله ما صدقو بلي أنا لي خدمتها هههه راجلي ولا يحلف لهم هههه ربي يفرحك و ربي يعطيك و يمنيك
يعطيك الصحة تارت وعليها الكلام والله خير من هذوك لي راهم يعلمو ببقرة وبنتها لواحد يتعلم من ليوتيوب وصوارد فورماسيون يشريهم متريال ربي يفرحك ختي على هذ دروس كانت في خاطري نقرا وجاتني غالية حتى لقيت قناتك
رب يعطيك على حساب نيتك ❤❤ كنت غير نحوس على وحدة اللي تمد او تشرح من قلبها او رب لاقاني بيك الله يرزقك او يحفظك ❤❤حنونة او يجعلها في ميزان حسناتك نشالله
روعة حبيبتي نتعلمو من عندك خير مانخسرو دراهمنا فالدورات❤❤❤❤ سبحان الله جيت نسجل في دورة قاتلي مدتها 3 أيام بمليون ومتين ، دخلت لليوتوب تلاقيت بقناتك روعة روعة😊 نروح نشري المستلزمات بهذيك المليون خير
قاناش بالشوكولا الابيض:400غ شوكولا+400غ كريمة سائلة ساخنة+400غ كريمة باردة تم نغطيها ونتركها ليلة كاملة تم نخفقها بسرعة قليلة ونزيد فالسرعة بشويّة+سيرو مع معطر الفرومبواز
تهبل تهبل تهبل تبارك الرحمن على خدمتك وعلى هدرتك وعلى أمانتك في التوصيل والتعليم اول ما شفتها قلت بربي نسيييها ونردلك لخبر قلت نديرها لماما نفرحها بيها ❤
ماشاء الله عليك حبيبتي تهبل كنت درت جينواز الورقة والله بنتها قوة حتى الحشو درت الشونتيي مع الشكولاطة السوداء ودرتها قلب لوليدي تع سانكيام باش نفرحو وربي يوفقك في مسيرتك وتستاهلي كل خير
صح ، الكيكة للي تبان منها الجينواز اسمها بالإنجليزية Naked cake و الترجمة تعها تشبه للحلوى تعنا تع جداتنا تشاراك العريان، يعني الكيكة العريانة 😊. يعطيك الصحة شيف راكي في القمة 👍🌷
مول 17سم :6بيض، 240سكر،240فرينة مغربلة،24 غ مكسو، لابات لاروم لافاني ،نخلطو كلش بلبلتور ، يتضاعف يرجع بيض ،زوج م كبار ماء نخلط 3د . نشعل فرن على 180. بابي كويسون في مول ونفرغ. لمدة ساعة طيب تبرد نغلفها نخليها فلفريجيدار، 400غ شكولا بيضا،800كريمة ساىلة اوبلا نسخن 400 كريمة تغلي ثم نفرغها على شكولا دقيقة ثم نخلط. ثم نضيف 400غ على 3دفعات باردة ونخلط.نغطيها ونخليها تبرد (غدا با نلونها).ممكن 3ساعات في مجمد. غدا نضربها ب مكسور سرعة منخفضة ثم نزيد نتحصل على منقار نتوقف، ثم نلونها بأي بات اروم. سيرو بارد كاس سكر ،زوج كيسان ماء غلاو بعد 10د ضفناله بات اروم فرمبواز. لاجنواز نقطعها على 3 قطع.نحي قطعة فوقانية. ثم في سارسو: نشربها طبقة اولى ثم كرام قناش مونتي ،ثم حشو توت عليق ، ثم كريمة ثم طبقة ثم نشربها كريمة مكسرات ثم كراميل او شكولا تارتيني ، ثم طبقة 3 نشربها نحطها ، ثم نعاود نشربها ملفوق ،ثم نخليها ترتاح ساعتين نغلفها بشانتي بذوق مانڨ ،ثم ليسيها.
سارسو 17سنتيم جينواز ستة بيض 240غ سكر 240غ فرينة 24غ محسن لافاني لما يتضاعف حجم الخليط نضيفو ربع فنجان ماء حولي ملعقتين درجة طهي في الفرن 180 لمدة ساعة لاغاناج 400غ شوكلاطة بيضاء 400غ كريمة طهي نصف ساخن ونصف بارد نخلوها تبات في ثلاجة ولا نحطوها فكونجيلاتور مدة 3 سوايع ومبعد نطلعوها بلباتور
يعطيك الصحة شاف ماسيليا والله راكي شاف وعليه لكلام هاذي التارته جاتك تحفة باين عليها قمة في البنة والشكل ماخلاتش برافو عليك راكي فنانة حلويات بالفم والملا يعطيك الصحة مرة ثانية ويسلموا ايديكي
اختي خدمتك ماشاء الله انا حبيت نتعلم مي عندي طلب انك تديريلنا فيديو توريلنا لبرود ي اللى تخدمي بيهم باه نشريوهم ومن بعد نخدمو على قاعدة صحيحة لاني مانيش موالفا نخدم ومنعرفوش هذا اابرودوي كي تعمليلنا فيديو نقدرو نكابتو ونجيب كيفهم بارك الله فيك ربي اوفقك وتلقاي نجاح كبير ان شاء الله توصلي بمليون مشترك يعطيك الصحة
مشكورة حبيبتي والله خاصني دفعة باه نولي نخدم عندي محبة لهذا المجال لكن كيما قلت البلديات الصغار دائما يعلقو وميشجعوش الواحد في ميزان حسناتك وحسنات والديك
جربتها روعة ودرتها في عيد ميلاد بنتي جات تحفة قالولي علاش ماتخدميش ليكومود لناس شكرا على مصدقيتك وراني شاركت في القناة وانشاء الله كل التوفيق وانا من العاصمة ونقولو شوية