دعوة مصر للناتو والحكومة الجديدة وصبر السيسي و طرد الضيوف وإنتصار ترمب وبديل بايدن وتهور بوتين !! 

مصر في الناتو !!
____________________________
🛑 زبدة اليابان !!
_____________________
‏🛑 في وقت عندنا فيه ازمة في الطاقة من سنه ولسه النهارده الحكومة بتفكر في حلول عشان تاخد قرارات ..
📌 بتحاول الحكومة ‎اليابانية استباق النقص المحتمل في الزبدة الصيف ده حسب وزارة الزراعة اللي قالت إنها بتخطط لزيادة حصة استيراد الزبدة السنادي بنسبة 40٪ بعد إنخفاضها بسبب موجة الحر !!
🛑 القرار الصح في الوقت الغلط قرار غلط والحكومة بتعمل ده طول الوقت بتاخد قرارات صح كان المفروض تاخدها من وقت وفات اوانها، بس مش كده وبس بتاخد قرارات وبعدين تفكر في تعديلها،
🛑 الحكومة بتراجع نفسها في قرار غلق المحلات الساعة 10 بعد موجة غضب كبيرة من تسبب القرار في مشاكل اقتصادية وبطالة،
🛑 ده يقولك ان القرار اصلا مش مدروس منزلوش عرفوا شكل السوق ايه ولا فاهمين طبيعة الشعب المصري ايه !!
🛑 أو قرار وزارة النقل بتخفيف الإضاءة على الطرق لتخفيف الاحمال !! الإضاءة اصلا اللي كتير من الناس بتشتكي انها شغالة بالنهار هنقفلها بليل على الطرق !!
🛑 عموماً الحكومة زي ما توقعنا قررت تاجيل رفع أسعار ‎الكهرباء لحد سبتمبر حسب الشرق بلومبيرج، لكن مفيش اخبار عن قرارات زيادة البنزين والسولار أخر الشهر،
🛑 مصادر العربية بتقول إن تشكيل الحكومه هيتم إعلانه بداية يوليو بعد تأجيله بسبب أزمة الكهرباء،
لكن يا دكتور مدبولي تأخير الان الحكومة كل الوقت ده خلق اشاعات وخلى الناس تفاكر وكأنك مش قادر تشكل الحكومة !!
🛑 كل التفاصيل دي حتى الصغير منها خلقت حالة غضب كبيرة في الشارع احنا في غنى عنها وكان ممكن تجنبها لو بس عارفين ندير المشهد بشكل سياسي واعلامي صح والغريب هو صبر الرئيس السيسي عليها !!
🛑 رأس الحكمة
____________________
🛑 كل تحسن اقتصادي في مصر الشهور اللي فاتت كان سببها رأس الحكمة ..
نصر كان عندها عجز في صافي الأصول الأجنبية في القطاع المصرفي بما يعني أن الالتزامات بالعملات الأجنبية تجاوزت الأصول في البنك المركزى،
🛑 والأصول الأجنبية للبنوك دي هي ما تمتلكه من ودائع ومدخرات بالعملة الأجنبية وتكون قابلة للتسييل في الأوقات اللي يحتاج فيها البنك إلى سيولة لسداد التزاماته،
🛑 تحول بقا صافي الأصول الأجنبية بالجهاز المصرفي في مصر عشان يحقق فائض ب 14.29 مليار دولار للمرة الأولى من 28 شهر،
🛑 التحسن جاء مدعوم بتدفقات أكبر صفقة استثمارية مع الإمارات لتطوير رأس الحكمة.
🛑 الضيوف
_____________________
🛑 بكره هتستضيف مصر مؤتمر الاستثمار "مصر والاتحاد الأوروبي" اللي بتحضرله الحكومة من فترة بحضور الرئيس السيسى ورئيسة المفوضية لمدة يومين،
🛑 قبل المؤتمر ده وبعد قرارت إغلاق المدارس السودانية المخالفة وترحيل أصحاب محلات بسبب خريطة حلايب .. قال مصدر مسؤول للقاهرة الإخبارية قبل ساعات من 30 يونيو :
📌 جهات إنفاذ القانون المصرية تلتزم بالإطار القانوني والتشريعي في تعاملها مع ملف اللاجئين
📌 تنفيذ إجراءات الترحيل لأي أجنبي من الأراضي المصرية وفقا للقانون حال ارتكابه جـ ـريمة تستوجب الترحيل أو عدم حصوله على الأوراق والمستندات المطلوبة للإقامة بشكل شرعي
📌 الإجراءات المصرية تمارس دون تمييز بين جنسية وأخرى وفي إطار مؤسسي
🛑 الناتو
___________________
🛑 صحيفة "فاينانشال تايمز" قالت إن امريكا دعت وزراء خارجية إسرائيل ومصر والأردن وقطر وتونس والإمارات والبحرين لحضور القمة اللي جاية،
🛑 خد بالك إن مصر في بداية الحرب ولحد النهارده رفضت وجود قوات للناتو في غزة على الحدود المصرية او مشاركة قوات مصرية للناتو في السيطرة على غزة،
🛑 في نفس الوقت تطرف المجلس الوزاري الأمني بديل مجلس الحرب بدأ يظهر،
بعد ما قرر تطبيق القانون "الإسرائيلي" في مناطق تسيطر عليها السلطة الفلسطينية إداريا في الضفة، و سحب صلاحيات تنفيذية من السلطة الفلسطينية في مناطق شرق بيت لحم وجنوب شرق القدس،
🛑 أمريكا حذرت إسرائيل أكتر من مرة من إن تصعيد الوضع في الضفة ممكن يؤدى لإنتفاضة فلسطينية.
🛑 لبنان
__________________
🛑 لسه أمريكا عندها رعب من حرب في لبنان وبلغ مسؤولين أميركيين عن قلقهم من شن إسرائيل هجوماً بري محتمل على لبنان خلال الأسابيع اللي جاية حسب NBC،
🛑 نقل البنتاجون بعض الأصول العسكرية في المنطقة عشان تكون جاهزة لإجلاء الأميركيين،
🛑 ونقلت قناة "إن بي سي" عن مسؤولين أميركيين إن المسؤولين الإسرائيليين مصممين على مهاجمة حزب الله في لبنان رغم ضغوط إدارة بايدن.
🛑 "إسرائيل عندها رغبة في إنشاء منطقة عازلة بطول 16 كلم على الحدود اللبنانية لإبعاد حزب الله عن الحدود دبلوماسيا ولو مقدرتش فالجيش مستعد لاستخدام القوة.
🛑 المناظرة
___________________
‏🛑 مناظرة ترامب بايدن لاكبر اتنين مرشحين سناً في تاريخ امريكا إنتهت وكأنها ضربة قاضية من ترامب لبايدن انهي بها مسيرة بايدن السياسية،
🛑 حسب CBS الديمقراطيين في مجلس النواب هيطالبوا بايدن بالتنحي عن الانتخابات بعد الأداء الكارثي في المناظرة،
🛑 ‏أداء بايدن كان كارثي بالمعنى الحرفي للكلمة، ترامب قدم أقوي اداء في مناظرة في تاريخه إمبارح،
🛑 ‏صحيفة بوليتكيو الاميركية قالت إن ناشطين في الحزب الديمقراطي هيدعوا الى عقد مؤتمر وطني مفتوح لاختيار مرشح جديد للرئاسة عن الحزب الديمقراطي،
‏🛑 بعد المناظرة نقدر نقول إن موافقة بايدن على المناظرة كانت حبل المشنقة اللي شنق به نفسه.
#السيسي #الناتو #غزة #اسرائیل #ترامب #بايدن #بوتين #اللاجئين #السودان #لبنان #الكهرباء #الدولار