دمك هو همك وين راهي صلة الرحم😡 بعدوني🪓عندي راجلي وولادي والباقي دير في مدفغ ودفع💣 

يعطيك الصحة على كامل الوصفات و المجهودات لتقدميها إنشاء الله في ميزان حسناتك و حبيت نشكرك بزاف على الوصفة تع بوصفاير و الله وليدي زاد بيه و كان مضرر و هبلت في سبيطار و ما كان حتى تحسن بصح جربت الوصفة تاعك تع نبات الملمس الحمد لله بفضل الله و فضلك و ليدي ريح شكرا بزاف ختي حنان الله يفرحك و يسجيلك وليداتك و المزيد من النجاح يا رب ألف سلام حبيبة 🤩🤩🤩🤩🤩

دمعة طاحتلي وقلبي معمر عندك حق انا مريضة ادعولي بالشفاء لبنات

صح اقسم بلله كي دير الخير يسوطك ويدور عليك انا مفهمتش هاد الدنيا كيفاه الإنسان الطيب يدورو عليه و يحڨروه

الاخت لي دارتلي أبوني روحي يا اختي الله يخلي شملك مجموع وكلامك مسموع وين ما رحتي وربي يعطيك وقفة في مكة و يعطيك برنوس لهنا وصحة وسلامة و يفرحك دنيا و آخرة .

يعطيك الصحة يابنتي انا متتبعه من سطيف و كلامك صح يا بنتي عندي 61 عام و نستراح كي نسمعك حبيبتي. ووصفاتك ما شاء الله ونعمة التربية واصلي انت في القمة. وخليك من النفوس المريضة والحسوده ربي معاك

عندك الحق ختي حنان الغدر عاد يجي من الاخت والاخ هم اول ناس ياكلو لحمك حسبي الله ونعم الوكيل فيهم نحتاج دعوات كل من يقراء تعليقي الاني مقدرتش نتحمل لاذى

كلامك دواء 👍 انا واحدة اتاذيت بزاف منهم رغم اني درت فيهم الخير ......راني بعدت .......حسبنا الله و نعم الوكيل فيهم 🤲

نيشان ختي ڨاع هدرتك صحيحة الاقارب عقارب هدرتك عسل ولي يسمعها يبرا شهيتينا بهاذا الكعك ربي يشهيك في الجنة ونعايمها

الڤلب راه معمر ومدود من الفاميلية مصبتها في حتى واحد راني لازة غي لفاميلة راجلي صبتهم في كتافي الحمد لله ربي عوضني خير من فاميلتي فاميلتي درتلهم ليكيدايشن هذا شحال ويعطيك الصحة على الهمسات

كلام اكثر من رائع همي همي جاني من دمي مانظلمش الناس حسبيا الله ونعم الوكيل

يعطيك الصحة حتى انا راني في حالة مع خاوتي و خواتاتي قطعتها معاهم كامل كيما قالها عالم "عندما تدعي الله ان يرزقك راحة البال لا تستغرب عند ابتعاد الناس عنك

بارك الله فيك اختي لعزيزة كلامك صواب ودواء كرهنى من صلة الرحم ومن الناس الوقت لي رانا فيها زوج ووليداتك وخلاص والله يحن القلوب و يبعدهم علينا بتوفيق أختي لعزيزة بتوفيق

يعطيك الصحة على وصفاتك كلامك صحيح والله يجيك الضر من اقرب الناس ولاو ليدير الشر يحبوه وليدير الخير الناس يبعدو عليه ويكرهوه ومايسمعوش بيه نقولكم ديرو الخير في عماركم. ونشأ الله ليدير موصيبة لخوه يطيح فيها هو نشأ الله 🙄👍

و الله يا طاطا لعندك الحق كي نسمع كلامك نريح و اليوم اقسم بالله ايلا ڨيلت نتفرج على فيديوهات نتاوعك تعلمت منك بزاف روحي الله يسترلك ديواني نتاعك و وليداتك

عندك الحق حبيبتي صحبت الحمتات درتهم خواتي ودارو علي وهدرو في خوتاتو لي ربيتهم لأنو راني في 21سنه زواج صبتهم صغار فشلوني زادتني جاره شفقت عليها ووقفت معها في كلشي ودارت علي وخرجتلي خرجه غلعتني بسبتهم درت زوج عمليات ومازلت فالفراش والله ماقدرت ننسي قلبي محرحرني لي نلزلهم ونحسبهم خواتي يقرسوني كي لفعات

انا اهل زوجي سامين مدة عشر سنين من عمري وانا مساعفتهم ومحبوش يتسقمو قطعتهم نروح الا فلعيد وكفى يعطيك الصحة

وكاأنكي تتحدثين عن اختي ومادارت فيا حطيتي يدك علي لجرح اختي ربي يهديك ويحنن قلبك عليا قولوا معيا امين

كل كلامك صح حنون .كل مرة دربنا همسة ربي يسترك دنيا و اخرة ...وصفاتك كلها روعة و بخصوص الكعك اول مرة ندير الكعك نهار لي حطيتي الوصفة تاعك من تم راني معتامداتو ربي يفرحك بزوجك و باولادك ان شاء الله

انا نقولك اختي حنان من هذا المنبر انا عندي زوج خواتات واخ واحد ونبغيهم نموت عليهم ولوكان نصيب نقلعها علا روحي ونزيدها فيهم وحتا هوما يبغوني بزاف ومايبغوش عليا ربي يخليهم ليا ويحفظهم

جربته كعك روعه يعطيك الصحه حبيبتي وربي يحفظلك وليداتك ويجعل ايامهم كلها الورود

عندك صح حنان انا لي شفته مع نسا جدارمية جامي شفته تعلمت بزاف ماكان لا جوارين لا صحابات راني مبلعة بابي راني هانية في راسي

انت تحكي و انا مضرارااااااا يا اختي مابقات علاقة مع الناس كرهو لنا حياتنا و طيحولنا الصحة . اللهم اجعل كيدهم في نحورهم

يالحنون لالا ماتحلفي طيابك صادق جربت وجربت كلها ناجح انت مدرسة ونحن نتعلم راكي فسور نيشان مبقاوش لفامي صراولي صوالح متامنيش وربي يخلص دعيمعاي ربي ينصرني عليهم

حنان ديري همسة على السلفة الي تعمر السلافات لخرين وترجعهم في طريقها

قاع لي قلتيه صحيح على لافامي، كانت بكري النية والقلوب البيضاء، اما درك الحسد والنفاق ولو يقدرو ينحيو النعم الي في يدك، هي في الحقيقة نقولو السلام على وجه ربي فقط،

يا اختي حنان لو تعرفي شحال نحبك ربي يسجيلك ولادك و يخليلك صحتك و يباركلك في عائلتك و يحفظلك والديك

عندك الصح حنان ملي قطعت هذ الناس المريضة ريحت من راسي وليت لاهيا غير في داري وولادي و زوجي كي نضايق ندي قهوة ولا عشا ونروح للغابة ولا للبحر مع ولادي نقلع الغمة.الحمد الله ربي يتم الستر

برتيلي قلبي الله يهلكهم المنافقين متخبيين من وراء الدين يارب عجل ولى تأجل بين الحق فيهم شكرا حنونة الله ينصرك

يا حنان والله نتبعك من زمان.حبيت نطلب منك تطلبي من المشاهدين يدعولي بذرية والله العضيم راني محرومة من خمسة سنين. والله يرزقك الخير ويرزق كل من دعالي ماتنساينيش.

والله الظلم هذه المرة ضرني اخت زوجي تسكن مقابلتني. مرت عيشي. وعيش خوها. وكيلها ربي. راني ندعي في ربي يكشفها. جهلت مثل فرعون. عايرتني حتى باليتم. ربي يتولاها

صح حبيبتي والله كلامك صح راني مبعدتهم تهنيت منهم بصح غاضتني كي كنت نية معاهم يعطيك الصحة حنان ولكعك راه يهبل ديريلنا لڨريوش نتاع زمان

حنان تعيشي يا اختي هدرينا على موضوع اهمال الاهل لبنتهم كي تتزوج

ولله كلامك كله صحيح ياختي حنان انا عندي 55سنة شفت الويل من لفامي و قول منقطعش صلة الرحم لكن مشاكل كلها ولات عليا بامراض مزمنة و عمليات جراحية و لهاذا راني معاك في كل كلامك و شكرا على هذه الهمسة

ربي يحفظك ويحفظلك مولا بيتك ووليداتك طلّيتي على قلوبنا وحكيتي بلساننا يااااه ياحنان القلب راهو معمّر وكلامك وصوتك فيه قبول عجيب وهذا رزق من ربّنا مايعطيهش لأي واحد غير اللي يحبّو وربّي وعبادو يحبّوك الله يرضى عليك دنيا وآخرة ويحبّب فيك خلقه يالحبيبة❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

موضوع عليا والله 8سنوات وانا مع ناس منافقين مرضوني بصح هذا وقت ستووووب جبدت راني في رحمت ربي الحمد لله

واه أختي عندك الصح من الزعاف جاني الڨواتر ولينار بالرغم من أنه ماعنداش في لافامي لي مراض بيه وزيد مازلت صغيرة أولادي مرانيش نقدر نعتاني بيهم امانة ادعيولي بالشفاء وليت نشوف غي بعينيا

ياعمري انا اصلي معسكرية وجداتي ودارنا قاع يديرو الكعك وكعك شباب وقلتلهم تحيا كعك حنان ودايما نديره يبغوه. ربي يبعد عليك العديان وقاع الي يكرهك ربي ياخذ فيه الحق. نبغيك حنونة. من وهران

اول مرة نسمع كلام ابرد القلب ياختي انا اجبدت روحي منذ سنين كل كلمة قلتيها عشتها انا لي اذوني خواتي مخلاو حاجة دونية مداروهاليش بالنميمة والكذب كوصلت كرونا مرضت واحد ماسقسا يالكان بالتلفون اقطعتهم نهائيا شكرا اختي حنان

يا حنون الله يعطيك الصحة حطيتي يدك على الجرح و الكلام اللي قلتيه صحيح مية بالمية حسبي الله ونعم الوكيل هذا منقول ...شكرا الحنون

يا عمري على بنت ولايتي هدرتها حلوة عسل وسكر وتعجبني كي تقولي دير في مدفع ودفع و بصحتك الخزانة.

أجمل كلام سمعتو عاشرت ناس داري .... وين لحق خيري لحقولي الشر ....حمد لله بعدت تهنيت ورتحت بي يهنيك اختي والكعك يشهي لعشيا ان شاء الله نديرو لولادي ❤️❤️❤️❤️❤️

آه يا ختي طحتيلي على الجرح والله لا دمعة طاحتلي واه مرضونا وركبولنا إكتآب حاد وخلايع وخلونا ندورو من طبيب لطبيب بلا فايدة حسبنا الله ونعم الوكيل حقي إنشاءالله نديه في ديك دار

اختي حنان تمنيت تعاونيني عندي مشكل مع خدمة الدار تجيني صعيبة بزاف، كلش كي الجبل ، كنت مليحة عندي وحد 3 سنين راني نعاني ، اللي نخدمها ما تبان حتى كرهت خدمتي ، و حتى كي نقعد ماراني مهنية الله يجازيك اختي حنان، اعطيني روتين بالحرارة تاعك تعوني و تكون فيك البراكة من عندك ان شاء الله ، والله ربي عالم راني في حالة ، الله يفتح عليك

فحلة وعليك الكلام ومرا ونص بنت بلادي الفحلة نتاعنا كل صبع بصنعة خدمتك متقونة وأطبقك في القمة تبارك الرحمان

والله ياختي غير عندك الحق طليتي على الجرح الباب لي جيك منو الريح صدو و ستريح والله ما بقات الانسانية فالاقارب وربي يحفظك اختي كلامك دوا الله يبارك عليك 👍♥

والله يا اختي عندك الحق حتى الأخوات ما بقاوش😥،الله يعطيك الصحة. 🌹

نصيحة اختي غطي سدرك مزيان ونتي كتصايبي الحلوة . اللهم بارك

يا حبيبتي الله يعونك و لافامي راحت و مشات من تروح الام انا عندي 29 سنة أمي توفاة من كانت عندي 22سنةملي راحة مكانش حنان و صلة الرحم والله معاناة تعهم و مشاكل نفسية اااااااوووف درت قلب و درت * اكس عليهم راني الحمد لله نبكي على امي و نتفكر حنانها و نخمم في ابي و اختي و زوجي و ابني و الحمد لله stop . ربي يحفظك حنان نحبك يا معسكريه بنة عمي حنا عنا نيف تاع زجاج ههههه والله يعاونك

انا مالحسد تاع ااخواتات و الخوت هربت مع راجلي للصحراء الحمد لله راني هانيا من جدهم حتى الاعراس؟ تاوعهم ومانروحش جاب ربي هذي كورونا راندي ندير بيها السبة . مرضوني خاصة الأم العنصرية لي تفرز ....حسبنا الله ونعم الوكيل ....حطيتي يدك على الجرح

يا اختي الحنون رآنا مستفادون منك صراحةانا استفدت منك في شطارتك و طيبك عندي نصيحة لك في الله اختي حاولي ستر ذراعين عندما تصورين لفديو تاعك قد يراك رجال اخرين اجانب عليك تقبلي نصحتي احبك في الله

نيشان اختي انا جربت الكعك نتاعك من 2019 وانا ندير غير الوصفة نتاعك يعطيك الصحة ناجح 100 بالمئة

يعطيك الصحة والعافية على الكعك انا غير هو نديره وراني معتمداته في كل المناسبات . وكما قلت ليكيدايشن برك حتى انا راني معلك في الهمسة ربي يسعدك ويحفظك أنت وعائلتك يارب

والله لعندك الحق 100/ 100 أنا وحدة من الناس نحيت الغدة الدرقية غي من هدا الزعاف وراني نعاني صحيا والحمد لله وراني جابدة روحي مالفاميلا على قد مانطيق وماسلكتش مالتنسنيس يدمروك بالعين نتمنى ربي يشافيني ياااارب ياااارب

يعطيك الصحة حربت كعك نتاعك جاهايل وكلامك فصواب وين دمك وين سمك غي حسد ونميمة

حملة لتوصيل قناة حنان المليون و حملة لمشاركتها في تقديم الأطباق التقليدية الاصلية بقناة سميرة و الله تستاهل

يعطيك الصحة برك الله فيك على المجهودات وشكرا من كل قلبي على النصائح حسبي الله ونعم الوكيل فيهم كل واحد ظلمني

بقات اخت يموت ولدك تششفي فيك وكيلها ربي كلامك جواهر حبيبتي لباب يجيك منو الريح سدو واستريح

أمي توفيت منذ مدة قصيرة أرجو من كل من مر من هنا أن يدعو لها بالرحمة جزاكم الله كل خير 🕊.

ربي يعينك والله راني حاب نجربه بصح منقدرش السخانة مافيها لا حب لا سيدي زكري ههههه

صح كلامك حنان أختي أنا راني بزااااف عانيت من المنكر تع الناس و صلة الرحم و الجيران و الصديقات الله يستر

اه يا يا حنون حطيتي يدك على الجرح عندي خياتي كي لعقارب منين يدورو يقرسو الغيرة قاتلتهم ربي وكيلهم

حبيبتي احيانا جينا الأذية من اقرب الناس قد تكون اخت او اخ او خالة او عمة كيف تقطعينهذه الرحم سوف نتحاسب عليها في دنيا و الآخرة البعيد الذي لا تجمعنا به رحم نبعده لتجنب الذنوب لكن رحم لا يجوز قطع رحم

منتبعكش دائما بصح كي نشوفك نفرح ونحب نسمعك هايلة وناس ملاح نحبك في الله ربي يوفقك وكلامك صح وموزون

و الله يا أختي راكي حسيتي بيا راني في المعاناة مع عجوزتي وبناتها متزوجات ديما يديرولي في المشاكل مع اني مريضة ونعاني هادو سنين من الخلعة ديفوا نخمم نهرب من زوجي و نخلي الدار والاكتآب قتلني مالقيت حل لحياتي دعيولي ياناس الخير نبرا لولادي

سلام عليكم يعطيك الصحة يابنتي وصفاتك ناجحين ناس ولات تحوس هلي صولحها بنتي جابت الباك اقرب الناس مبركتليش الله يهديهم نشاء الله ربي يحفظك يتبنتي ويفرحك بولداتك نشاء الله

توحشناك وعجبتني دمك هو همك والله كنت راقدة وكي شفت العنوان نضت نجري

ياخيااااااااتي على حنان مادارت فيا شهيتيني على داك لكعك راه بغوي مممممم يعطيك صحيحتك🙌🙌🙌

درته هذا الكعك ورحت نبارك لوحدة فطريق رحت نشري لقيت ولادي مفتينه تفتات ههه ها عاودت خدمت من جديد يشهي بزاااف

كلامك صواب اختي حنان اعيت مانكون مع ناس مليحة لكن للأسف خوفا من الله مانحبش نقطع الرحم القلب طاب وكي تفوتي 40 سنة خلاص....

والله اليوم هاد الفيديو جا في وقته على خاطر ضروني جيراني بزاف وماللي رحلت حداهم وهوما يخزرو فيا من البعيد تقولي ديتلهم رزقهم وهكاك ونهار توفى ولدهم وقفت معاهم راكي عارفة جيران لبعضهم ونهار الجنازة بسمانة قتلهم غير بالعقل لكان نتعاون وعدني السيتيرنة غير شوية باش نقي من تحتها على خاطر هي تحت البالكون والريحة طلعتي ودارتلي الناموس بزاف ماخلتليش امه ودعات عليا بالرغم اني مادابزتهمش هدرت غير بالعقل وهكاك وسكت ودرت روحي ماسمعت والو حتى يجي نهار ولدي رمى الكرة تاعه من البالكون رفدها ولدهم قلت لبنتي روحي جيبيها منعده يااختي ويطيحو عليها بغاو يضربوها حتى غلقت الباب وهكاك وحبو يكسرو عليا الباب وكي هدرت معاهم ردوني غالطة وبنتي ماشي متربية وبنتها حرشت ولدهم ييطيحلي من الحزام للتحت قعدت غير نشوف فيهم ومرضت من بعد غاثتني عمري بصح وربي يشهد عليا ما خرجت مني حتى كلمة تاع عيب في حقهم وهوما خرجو قاع الحقد اللي في قلوبهم ماعلاباليش علاش وضرك ولدهم الصغير هوايته كل اليوم يرفد الحجرة ويرميها عليا من البالكون يوميا وكي نهدر معاهم تقولي عمرنا ماشفنا جار سوء كيما نتي وكلت ربي عليهم وكرهت داري على خاطرهم وقلت لزوجي يخدملهم أوراق الاقامة ونهاجر لسبانيا ماينفع معاهم والو المهم اللي قرى التعليق تاعي قولولي برك ادا كنت غالطة في حقهم واللي كتبته جزء فقط من معناتي ومع ذلك راني نحس بالذنب مع اني والله قاع الناس تشهدي بالمليحة

عندك الحق اجيتي على خاطري ولله راني مغبونة عيشا معاهم اقرب ناس عيت انا وليداتي وزوجي لعزيز ندمت هدو خياتي وميمتي مفهمتنيش خلاص منصغري ونا نعاني ودوك راني بزوج وليدات راجلي مقدرش يشوف نفسيتي تعبان وكلت ربي عليهم يختي مابقاتش صيلت رحم

تعلمت الكعك من عندك هادي عامين وليت نطير فيه يعطيك صحة وربي يفرحك

يا الحنون اخطيك من لفامي الغيارة والحسودة ارواحي لعندي راني اختك وحبيبتك ليعمرك ما شفتيها والله غير نعم الاخت ليك رزيقة سطايفية تحييك

جربت الوصف تاع الكعك و جاني روعة هو و وصفت المشوك راني معتمدتهم يعطيك الف صحا 🌹🌹

و الله يا طاطا لكعك نتاعك راني في خمس سنوات معتامداته و ڨاع يبغوه روعة و بنين، ربي يجازيك و في ميزان حسناتك.

اختي أنا راني عايشا مع ناس يديروها كحلة ويقابلوك ووجوهم صحاح ويقولك قل الله قال الرسول

بارك الله فيك ويعطيك الصحة والله اذاوني بزاف وكيلهم ربي حبوا يخربوا بيتي وياربي اللي يحفر حفرة لأخيه يطيح فيها 🤲🏻

والله عندك الحق كلمك كي دوا بصح انا جرحوني مقدرتش ننسا لحقت وين كي نفست شيخي قال نتوما ماشي قادرين او توليدو والله ما نسمحلو

شوفي حنان انا نحبك بلا ما تقدمي والو علابالك علاه لانك تباني طيبة القلب ❤️😘

راني حاسة بك اختي لعزيزة راني كي فك الزهر ما كاين لا مع الأخت و لا الأخ ليا ربي سبحانه عز و جل الله معانا و الي ايشد في ربي مايطيحش انشاء الله طول عمرهم الغيرة عاميتهم ايشوفو في دراهم غير مادة برك وكلت ربي او بعدت

انتي قلتي 99بالمية انا نقولك 100 بالمية وضوك نحكيلك: انا يا اختي كنت سامحة في ورثي لخاطرش امي مريضة سرطان الدم وخاوتي قالو البنت ماتورثش..قعدنا هاك مدة17 عام الاخوةيتكرشو علينا والكناين زوخ وفوخ يضحكو على ضعفنا.. فاتت الايام وحدث شجار كبير بين الرجال والاخ الكبير حب ينتقم من خاوتو ايمالا رجعلنا حقوقنا بالقانون والعدالة والام الي كنا نقولو مريضة وصابرين على جال زعافها مخلاتش. شهادة الزور امام القاضي تحلف وتقول كنت نمدلهم والكذب والبهتان ورغم ذلك استرجعنا بعض من حقوقنا والله غير نتفكر كنت مريضة ونعيط وهي تروح للي تعرفو والي متعرفوش تحمد وتبارك وتهني وقناعتها انتي راكي عند راجلك...حتى ولد الناس كرهوه لخاطرش متربي وماهوش مداصرهم....ودارت الايام امي حاوزها ولادها الي كانت تشارع معاهم وتكذب على جالهم ..وين راحت؟؟؟ راحت عند اختي وخويا الكبير الي بهدلاتو في المحاكم..الدنيا دوارة مكانش صلة رحم الا في ولد كرشك وزوجك فقط كي ميعرضوكش اتهناي زيديها في دارك ولا ذهب توكلي ماكي مليحة وتقطعي ماكي مليحة....انا والله والله غير بريت كي بعدت......واسڨمتلي لهيت بنفسي نخرج نلبس نحوس وكي نتوحش نفكر روحي واش دارو فيا وخلي الكرامة هي الي تقرر...

وصفاتك ناجحين نشاله نجربو ونديه لوالديا ربي يحفظهم الله يهدينا ويحنن قلوب أنا ملي شديت داري ورجلي تهنيت يهدرو فيا وكلت ربي عليهم وراهم يخلصوا وعيني تشوف يختي جوارن لهلا تشوفك مرضوني وكرهوني في داري ام ادم من مداد شهتيني وانا نتوحم شاتسليني ياحنان

قلبك راه معمر حنونة ربي يفرج عليك وعلينا قاع رانا شاربين من نفس الكأس حنوني اعطيني وصفة الكعك

درت الكعك و ديتو لدارنا واش نقولك يعطيك الصحة الله الله عليك حنونة. أدعولي لبنات ربي يرزقني

شكراً جزيلاً على الأفكار والنصائح ربي يحفظك واصلي لك ألف تحية. فيديوهاتك ولا أروع مشاء الله.

عجبتيني في الموضوع تاعك تقول طليتي على قلبي قتلوني بالعين والحسد والنفاق مهما سامحت وراني ندعيلهم ربي يهديهم باسكوا ماقدرتلهمش من شرهم حسبي الله ونعم الوكيل

يعطيك الصحة حنون كعك معسكر و عليه مانصبر ههههه 😂😆 كعك حنان لايعلى عليه انا غي هو حمرتيلنا وجهنا نت معلمتنا وام المخبوزات ربي يفرحك ويحفظك ويرحم الكرش لي جابتك..والعرب ألي لابوبال وهني المورال

سلام عليكم اختي الله المستعان على الناس لي قلوبهم مريضة الله يهدينا اجمعين بغيت نقولك حنان متقطعيش بالسكين فوق الطابلة باه ما تخسرش

انا بيا الفحلة لي تلعب لعجين والله نموت عليك ربي يعطيك الصحة و يباركلك فما رزقك.

سلام اختي حنان انا كريمة ام زياد من وهران..نتبعك و الله كلامك في الصواب..و الشيخ قورين نتاع معسكر نتبعه بزاف ...مبقاتش صلة الرحم يعطيك الصحة ١٥٥ ،١٥٥...صحتي على الهمسات...راك تقولي فالحقيقة....سلام

ختي عندك الحق الله يجيرنا من هذا الوقت

بصح قاع لي قلتيه صواب مبقاتش في وقتنا صلة الرحم في وجهك يضحكو ويبتسمو في كفاك يكذبو ومنشرو ياعندك خواتات ياهما مكانش قاع منافقين وكذابين،💔💔💞

يعطيك الصحة اختي حنون و الله نموت عليك وركي نفعتنا بزاف باالوصفات نتاعك شكرا حبيبتي 🥰🥰

همسة اليوم جات في وقتها يا اختي مابقى اخ ما بقات اخت والجيران مانحكيوش نقولو حسبنا الله ونعم الوكيل وعواشركم مبروكة

السلام عليكم اختي حنان والله غير ربي يباركلك في زوجك واولادك ويعطيك الصحة على هد الكعك باين يهبل انا ما جربتوش والله غير لكان ضلي تهدري كاين طبايع والله ما تقدري عليهم من الأحسن كل واحد يحكم حدو

امين بكيتيني حسبتك راكي تهدري علي راني نعاني مع خوتاتي خدعوني وبلعوعلي دارنا ومنعوني من الدخول غيرة وحسد

كل الكلام اللي قلتيه صحيح يا اختي بعدت و خليت غير السلام السلام مع كاع لفامي والجيران بصح السوسة لكبيرة اللي مقديتش نبعد عليها واللي راه في وسط الدار غامني و مخرج فيا العلل شانهدر و شا نقول حسبي الله ونعم الوكيل فيه

أكيد حنان كلامك صح مين يروحو والدين صاي غير بعدي ناس سيرتو لفامي انا قاع فايتتهم مكان اخت مكان خال مكان خاله مكان حتى واحد رانا عايشين وحدنا و معانا ربي سبحانه قاع المشاكل تخرج من عند الاقارب

كعك و عليه الكلام بنتي كل سيمانة راها تصاوبه لينا الله يعطيك الصحة و يسترك و يحفظك من العين

سلام يطيك الصحة علا الكلام الزين ديري همسة علا الاخت لي تكره خوها مهما عمللها خير تبقا تترصدلو ف المكاءد ومرتو بنت ناس بصح يكرهوها وجايبينها موراها