اشترك في القناة وفعل التنبيهات ليصلك كل جديد وحصري
العمل محمي بـ حقوق ومرئيه ©️
لتواصل : alfan.link/h2mbr
حفل زفاف : شلاح بن محمد ال ابو جعشة العرجاني
كلمات الشاعر : محمد بن محسن بن جريعان
اداء المنشد : جفران بن هضبان
الموال
افهقو جمر الغلا واشعمو الشبه
وبشرو بي كل منهو تباطاني
دقها تفعيل واشعار ومنبه
واخذو التصريح حصري ومجاني
في حضورً ينحسب له ويحسبه
شاعرً عرجاني وحفل عرجاني
في محل سعيدً طيب النبه
وفي محل خوانه طيور حوراني
القصيده
لو الصبح يستأذن من الليل طلعة زام
ما والله غدا لاشراق شمسه معي طاري
يا شعار شعر النظم في ساحة الاعلام
انا شاعرن ما تنتهك حرمة افكاري
ما مر اسمي التاريخ واهله مرور كرام
ثبت في سجل المجد للكاتب القاري
تحلق هواجيسي على ملحمة الألهام
ولا يوم طفيت نار جدي ولا ناري
سرية جنود الفكر،،تطحن حقول الغام
ولا تنتج الا تسعه سميث وسواري
وتهدى لمن تاريخهم في المديح وسام
ابوجعشه ويكفي الاسم واسر ياساري
بسم محمد وفالح وعبدالله المقدام
ومضحي وعجمي والتراحيب سماري
تراحيب مثل النور لا كفكف الاظلام
ويطغى على كبد السما نورها الفاري
في حفلة شلاش الله يزين له الايام
ولد من بفعله تفتخر يام وتماري
عسى بطن قبره روضةً وارفه وانعام
ويرزقه ربي جنةً نهرها جاري
على كثر مداته ووصله مع الارحام
وكثر مايحذف امواله يمين ويساري
على مدحه اطرب واتنومس وانا ما انلام
محمد محمد ماله بفعله مجاري
ولامن رحل ضرغام ياتي بعد ضرغام
ولامن رحل ظاري يعوض الله بظاري
عواله على اثر سيرته كلهم قدام
صناديد قومً فعلهم يستر العاري
دهاة الدهاه اللي تقلط على الحكام
ودون القبيله كنهم محزمً ناري
صناديد من روس ال عرجا مقادم يام
وياحي ذا المنسب وياحي ذا الطاري
تبيع العمر في السوق لاسامه السوام
الى طب سوق المعركه بايع وشاري
علي الطلاق انهم زحول وذرى وحزام
وانا داري ان الناس تدري وانا داري
#ال_عرجاء #يام #يام_العريقه #الوعله
12 сен 2024
