انا مرة كنت قاعدة بذاكر الساعة ٣الفجر عشان كان عليا تانى يوم امتحان وكان البيت كله نايم المهم حسيت ان فى حاجة بتحرك فى الشقة روحت اتصلت بصحبتى وقولتلها انا خايفة راحت قالتلى نطى تحت البطانية و فضلت تضحك
مره كنت قاعده خير اللهم اجعله خير لقيت موبايلي بيرن رقم غريب فرديت المهم لقيت واحده ست بتقولي بت يا ساره اطلعي اقفلي علي الرز قولتلها النمره غلط يا طنط قالتلي يعني انتي مش ساره قولتلها اه فقفلت و اتصلت تاني و قالتلي انتي يا بت يا ساره الرز هيتحرق اقفلي عليه قولتلها ياطنط انا مش ساره و الله قالتلي بتضحكي عليا و بتقولي انك مش ساره فقفلت رنت تاني مردتش و رنت كمان مره رديت قالتلي طلعتي ولا لسه قولتلها اه طلعت و قفلت علي الرز قالتلي طيب مع السلامه 😂😂😂😂
اللهم صل على محمد وعلى آله محمد كما صليت على إبراهيم وعلى آل إبراهيم في العالمين إنك حميد مجيد وبارك على محمد وعلى آله محمد كما باركت على إبراهيم وعلى آل إبراهيم في العالمين إنك حميد مجيد في الأولين وفي الآخرين وفي كل وقت وحين وفي الملأ الأعلى إلى يوم الدين
أغرب مكالمه جاتلى كان رقم غريب بيرن فبرد وبقول سلام عليكم لقيته أتردد قوى وقعد يقول أه أه وبعد كدا قال وعليكم السلام فبقول مين قالى أنا كنت هعاكس بس خلاص مش معاكس وقالى سلام وقفل
اغرب مكالمة بتيجي من شركات النصب . يتصلو بيا و يقولولي مبروك رقمك كسب معانا جهاز شاور و عطر فرنسي و مكنة حلاقة و مزيل عرق . دا على أساس ان حد مفهمهم ان صاحب الرقم معفن مثلا !؟
في مرة من 10 سنين كنت فرحان بالموبايل فقلت اعاكس رقم غريب فرنيت طلعت واحدة قلت لها ازيك ياحنان عاملة ايه ياحنان راحت قافلة الموبايل المشكلة انه فعلا طلع اسمها حنان ههههههههه المهم اتصل بيه بعدها ابوها قاللي يابني انت تعرف حنان منين وهئ ومئ قلت له والله ياحج ما اعرفها قاللي يابني احنا صعايدة وبسبب المكالمات دي جوزها عامل معاها مشاكل واحلف وايمانات ابوها مش مصدق اني معرفهاش ويبعت رسايل وقرفني ف عشتي حرمت اعملها تاني :))
اغرب مكالمة جاتلى كانت ٦ الصبح بنت اسمها ملك وبتقولى انت لسه صاحى يا حبيبى 😂...بس ابوية الرد مش انا ....واتنصبلى محكمة ...والاخر رنيت عليها تانى قالتلى النمرة غلط 😂
