كل اللي قلته صح واضيف عليه ان سياره المعاق يكون اللوحه المعدنيه مختلفه عن باقي الجمهوريه كل الدنيا ولو المرور شاف اي سياره معاقين يستوقف وشوف مين اللي سايق السياره ولو مش المعاق اول مرافق اللي ساقها يسحب السياره على طول تتصدر وشكرا لو عايزين تحلوها❤
يعنى خبرة 25 سنه هتعتقد ان معلوماتى غلط بردوا .. ده عميلى اللى بيحجز عندى باخد حق الحجز بس و بساعده بخبرتى وبدون رشاوى او اى سكك شمال انه ينجح واغلبهم الحمد لله ربنا بيوفقه .. لو عندك حد عايز يحجز يكلمنى تحياتى 💐💐
يعني الدوله حلت كل المشاكل ومفيش غير المعاقيين اتقوا الله كفايه اللي هما فيه ربنا يجعلكم زيهم او تشوفوا دا في حبايبكم وقتها هتكون العداله الالهيه والانتقام
الحكومة عايزو تحل مشكلة بيع الجوابات يبقا تحط عقوبات علي المخالفين مش تقفلها ع المعاقين ولا علشان اللي بيشتروا الجوابات ظباط ووكلاء نيابات وناس مسنودة يبقا نسيبهم ونحط علي الغلبان
المشكله دي عشان تتحل لازم نرجع للقانون وقت ٢٠٠٧ اللي هو يكون في فك حظر فوري اغلب المعاقين غلابه محتاجين يبيعوا الجواب و الدوله تأخد حقها من فك الحظر وقتها الكل هيتراضي
المشكله ان سوق سيارات الزيرو بيقف فكلامى هو الحل يتم خصم مبلغ من مكسب تاجر الزيرو عن كل سياره و يوضع فى حساب بنكى خاص بزوى الهمم واللى استلم جواب ومش معاه يشترى هيتنازل عنه لصالح البنك و هياخد معاش شهرى الف جنيه لمده الخمس سنوات فتره حظر السياره .. بكده هو مبعش الجواب لمواطن عادى و نشط سوق الزيرو كبيع و شراء و كمان المعاق يعتبر باع جوابه بقسط شهرى الف جنيه على مدى الخمس سنوات
@@user-lv1mp6lb8x و البنك هيأخد الجواب يستفيد به ايه و اللي بيبيع زيرو هيقول انا مال و مال المعاق صاحب الاعاقه اخد حقه من الدوله تخفيض و شراء سياره دون جمارك هو بيبيع حقه المشكله في الدوله هي اللي عايزه فلوس و بتقول المعاق باع حقه و انا كدول مأخدش نصيبي من البيعه دي خلينا واقعين الدوله كل اللي يهمها لم الفلوس من جيب الشعب لا يهمها معاق و لا سليم فالحل الوسط المعاق يأخد جواب عادي كل ٤ سنين قادر يشتري خير مش قادر يبيعه اللي يشتريه يدفع ثمن فك الحظر و يدفع للمعاق ثمن الجواب و بكده يبقى كله تراضوا
استاذ عماد كلام حضرتك سليم وزي الفل بس للاسف حضرتك مش صاحب قرار ولا قادر توصل لاصحاب القرار للاسف دي مهمه أعضاء مجلس النواب المعاقين اللي ماشاءالله عليهم عايمين في ميه البطيخ وقاعدين بس همهم الاول يحصدوا امتيازات المجلس انما دورهم في الحفاظ على حقوق المعاقين زيرو كحكه كبيره بل بالعكس دا حقوقنا بتتسلب وبتقل وهما ولا هنا ياريتك واحد زي حضرتك كان في المجلس او صاحب قرار يالا الحمد لله وحسبنا الله ونعم الوكيل في الحكومه وكل من يستغل المعاق للحصول على حقوقه
مهو لو انت و غيرك شيرتوا الفيديو هيوصل على النت زاى اخبار بيع الجوابات ما وصلت للحكومه على النت .. وصى اى حد تعرفه يدخل يشير الفيديو لان هو ده الحل لارضاء جميع الاطراف المعاق و الحكومه ومستوردين تجار السيارات الزيرو
@@user-lv1mp6lb8x مع احترامي لكلام حضرتك طبعا بس موضوع بيع الجوابات ده موجود من قبل حتى قانون سنه ٢٠١٨ هو زاد بس لان الاستفاده بقت اكبر نتيجه للاعفاء الكامل من الجمرك للأسف الحكومه بتلجأ حاليا للعقاب الجماعي لل١٥ مليون معاق كلهم واعتبرهم لصوص وحراميه زي مافي فئه مش قليله من الاصحاء من الشعب بيحقدوا على المعاق حقد انا مش عارف ايه اساسه من تعليقات ناس اصحاء كتير ان ليه المعاق ياخد عربيه كل خمس سنين هي كفايه عليه عربيه طول عمره وان المعاقين بيعملوا بيزنس بالعربيات دي وعلى افتراض ان المعاق وده مش صح بيعمل بيزنس بالعربيات دي ياعم ده ربنا واخد من أهم حاجه في الدنيا اللي هي صحته وانت زي التور حقيقي الواحد مصدوم في فئه مش قليله من الشعب بتفكر التفكير ده ربنا ان شاءالله يبتليهم باعاقه ميخفوش منها عشان يشاركوا معانا في البزنس ده
المفروض يكون فيه شروط للتقديم علي جواب سياره ذوي الاحتياجات الخاصة ومنها .. السن لا يقل عن 21 سنه .. إن تقول الاعاقه واضحه جدا وتستحق .. أن يكون العائله لها سياره واحده فقط إن كانوا فيها أكثر من معاق.. عدم تقديم الاطفال وصغال السن اقل من 21 سنه لذلك يسبب الازدحام وبيع الجوبات .. واخيرا وليس اخرا ياااريت مفيش حد يبيع الجواب علشان عليه مشاكل كبيره وشكراً
انا واحد من ناس عندي الاعاقة حركية على كرسي متحرك مفيش مفيش لي ولا الشغل عندي فرصة واحده وبس هي جواب وفقط انا عندي 22 سنه مفيش حاجة ليا حرام من فضلكم شوف حل
انا مش فهمة ايه لزمة كرنية الخدمات ده غير ان لما عاملتو رسم العصب والعضلات واشعة علي العمود الفقري والقدمين وكلفوني 2000ج ليه بقي لما اجي اعمل جواب اعمل نفس الفحصات بردو ما المفرد معايا كرنية الخدمات وليه مش للمعاقين خصم 5% من تمن الشقة ليه... كل الميزة الجبارة ان لينا اسبوع في البوسطة نجيب منه كراسة الشروط ويدني شقة اول بالكونة طيب ليه فيه معاقين محتاجين الشقة ومش معاهم غير معاش كرامة... يجيب منين وكمان قالو كام مررة انهم هيعملووالكود الهندسي في اي مكان ده حتي مش معمول بيه في شقق الاسكان عشان تدخل العمارة فية سلم لزم حد يشيلك والمفرود ان فيه رانب ... لكن تقول ايه حسبنا الله ونعم الوكيل
كل الحراميه والنصابين استفادوا من سيارات المعاقين وانا بنتي معاقه وعلي ما قدرت أجمع ثمن العربيه علشان اودي بنتي تعمل علاج طبيعي لأن عندها شلل دماغي راحت الحكومه موقفه سيارات المعاقين يعني انتم سبتم البلطجيه يستفيدوا من سيارات المعاقين ووقفتوها على المستحق المفروض أي واحد راكب عربيه معاق مش باسمه يتم مصادرتها ولكن مبدأ السيءه تعم ده اسمه الظلم بعينه وحسبي الله ونعم الوكيل فى كل تسبب في هذا الموضوع
يااستاذ احمد لو ناديت لأسمعت حيا..ولا حياة لمن تنادى..اولا تحياتى لك.وثانيا فيه حلول كتير لكن مين يسمع..المفروض ممنوع عمل توكيل بالإداره بالشهر العقارى لسيارات المعاقين . وثانيا.بيع الجواب العقوبة الحبس للبائع والمشترى قضية أموال عامه.ثالثاشرط القدره الماليه للمعاق لشراء السياره والصرف عليها.رابعا .المعاق يجيد القراءه والكتابه.خامسا.مش كل الحالات يتم الموافقه عليها بجد انا كنت بالقومسيون وكل مره بشوف مهازل بجد وقلة أدب وقلة قيمه للمعاق.وأخيرا .الرقابة الرقابه وتطبيق القانون على الكل وكل واحد ياخد حقه فقط.واحنا مش عاوز تفضل من أحد علينا .وعيب يامصر المعاقين فيكى مهدور حقهم مع إننا ناس محترمه ومتعلمين كويس وماسكين مناصب كبيره وفينا اللى دكاترة جامعه..وكل الشكر لحضرتك أستاذ أحمد.تحياتى.. د. الراعى❤❤
لازم نراعى جميع اوضاع المعاقين بمعنى شخص معاق ذهنى لكن جاهل ده يكون مرافقه فى القياده درجه اولى او تانيه ولو شخص غريب يبقى معاه رخصه مهنيه لكن الحكومه بتدفع المرافق رسوم ماليه ما يوازى رسوم الرخصه المهنيه .. يعنى كده هى بتساعد على الشمال .. هو الحل الصحيح للقضاء على بيع الجوابات تنازل الموكلين والموزعين من مكسبهم عند بيع العربيه الزيرو بمبلغ 10.000 لصالح صندوق بنكى يسمى .. صندوق خدمات المعاقين ... واللى اعاقته تستحق لكن مش عارف يجيب عربيه يتنازل عن جوابه لصالح حساب الصندوق و ياخد معاش مؤقت شهرى و قدره الف جنيه من تاريخ كشفه و حتى اتمام الخمس سنوات و بعدها ينقطع المعاش ويستطيع بعدها التقديم على جواب اخر .. اعمل شير للفيديو و خلى اصدقائك يشيروه عشان صوتنا يتسمع
اكتر ناس بايعه جوابها هما الاعاقه الحركيه وهما سبب فساد الشغلانه لان اغلبهم بقى سمسار و نصاب واكتر ناس بتنصب على المعاقين معاقين تانين زايهم .. انا من خمسه و عشرين سنه فى المجال طب خد المفاجاءه اكتر ناس قليله الادب و لسانهم طويل و عندهم بجاحه وعايزين تخدمهم ببلاش وحتى لو على خراب بيتك .. هما المعاقين الحركى بتوع زمان .. و تخيل ان المجال ابتدا ينضف و نشوف ناس محترمه و مثقافه ونظيفه فى ادبها و لسانها لما دخلت الاعاقات الجديده .. وللامانه نظام شغلى بيقربلى العميل المتربى اما عديم التربيه و السماسره مبيعجبهمش نظامى فبعملهم حظر .. يومك سعيد
ياريت يااستاذ احمد تعمل فيديو توضح فيه ان الحكومه تعدل قانون ذوي الاحتياجات الخاصة.. ان لايتقدم علي جواب سياره شخص لا يقل سنه عن 21 سنه وان تكون مده فك الحظر لا تزيد عن 5 سنوات وان تكون الاعاقه المتقدمه تكون شديده وواضحه .. للاسف بشوف حالات كتير لا تستحق وده ال عمل ازدحام شديد علي الجوابات وشكرا لحضرتك يامحترم ❤️
@@user-lv1mp6lb8x اقصد يااستاذ احمد.. أن فيه حالات كتير زي ضعف نظر خفيف واي حد مركب مسمار أو بتر صابغ بيبقي عاوز يعمل جواب وده بالفعل الناس دي اتكلمت معايا والله .. اقصد للناس ال زي دي بتعمل ازدحام شديد.. رجاء من الساده الاعضاء عمل قانون ذوي الاحتياجات الخاصة بما يرضي الله