السلام عليكم ورحمه الله لو سمحتي انا حاليا يجدد الانتريه بتاعي وكنت منتفقه ع جلد مقلوب ولكن بعد الفديو غيرت رأيي ف حضرتك تنصحيني بايه وايه سعر الكتان والجلد المقلوب حاليا لأن اكيد المنجد هغير السعر معايا وايه افضل حاجه بعد الكتان اقدر اعملها لو سعر الكتان كان فارق عن الجلد المقلوب ومقدراش اعمله وشكرا لحضرتك خالص
الشكر لله 🌹 افضل قماش متين وشيك جدا هو الكتان وانا عمله فديو عن انواع و اسعار الكتان فى الوقت الحالى ودا رابط الفديو ru-vid.com/video/%D0%B2%D0%B8%D0%B4%D0%B5%D0%BE-uThrJ87EkDc.html اما بالنسبة للجلد المقلوب فى منه خامات سيئه جدا وفى خامات حلوه لكن غاليه ودا كمان رابط فديو لانواع الجلد المقلوب بالاسعار فى وقتنا هذا ru-vid.com/video/%D0%B2%D0%B8%D0%B4%D0%B5%D0%BE-6jcj25XH6HU.html ولو عايزه قماش سعره حنين ويكون كويس هتجيبى( الچجور )التقيل عشان فى منه خامه خفيفه وضعيفه انا مصوراه فى كذا فديو فى القناه
السلام عليكم ورحمه الله وبركاته حضرتك المنجد اللي اتعاملتي معاه معندوش ضمير وكبر دماغه المفروض كان يقلك ان القماش فيه اصلي منه وفيه منه مضروب زي الخامه اللي حضرتك بتشكي منها الخامات الاصليه موجوده في محلات مشهوره مثل نجيب سليم ده بيبع الخامات الاصليه لو دخلتي على النت وكتبتي نجيب سليم للاقمشه ليه فروع كثير جدا في مصر
على فكره المنجد جوزى وهو ال نجد الركنه وانا اللى نزلت اشتريت القماش لما جبت الجلد المقلوب كان نازل جديد فضل عندى شهور وبعدين طلعته وزوجى نجد بي الركنه لما عرفنا إن خامته وحشه حزرنا الناس منه وزوجى كمان على قناته (فنون التنجيد) حذر الناس منه
الكتان ، شيك جدا ولونه مش بيبهت لكن اتأكدى انك بتشترى الكتان الاصلى فى اكتر من فديو هنا فى القناة بنتكلم فيهم عن الكتان وشكل الخامه من قريب جدا انصحك تشوفى الفيديوهات قبل ماتشترى وفى نوع نازل جديد (معالج) لسهولة التنظيف كل دا هتلاقيه في العطارين ، المنشيه ، الاسكندريه
هاتى اى خامة على قطن او ممكن تجيبى الچكور بس الخامه التقيله منه سعرها معقول وحلوة فى الكسوة المهم شطارة اللى هيفصللك الكسوة تبئا مظبوطة وفيها بحبحه شويه عشان لو القماشه كشت ولا حاجه فى كذا فديو هنا في القناة عن قماش الچكور بصى عليهم وخدى فكرة
القطيفه كلها معمره مش بتنحل على طول اهم شىء تجيبى خامه تقيله مش خفيفه زى بتاعة الستاير ولو التنجيد عندك ثابت الجلد المقلوب هيناسب الانتريه وتنضيفه سهل جدا
@@mon-alarby طب الجلد المقلوب انواع خايفه اجيبه يبقي فيه عيوب زي اللي قولتوا عليها في الفيديو ...أميز الكويس من الوحش ازاي في الجلد المقلوب..من سعره ولا خامته ...خايفة الصراحه يضحك عليه فيه
@@user-yd9lo3js8d هو بيتعرف من الخامه ومن السعر كمان ارخص حاجه في الجلد المقلوب ٧٠ج للمتر الغالى ممكن يوصل ل ١٨٠ج مثلا عموما فى فديو هنا في القناة مصورة فيه انواع الجلد المقلوب وشكل الخامه من قريب دا رابط الفديو ru-vid.com/video/%D0%B2%D0%B8%D0%B4%D0%B5%D0%BE-6jcj25XH6HU.htmlsi=QwXF0fR5MgO3M8rl اضغطي عليه هيشتغل الفديو معاكى
الشانيليا حلوة بس هاتى نوع نضيف عشان يعيش معاكى ومينحلش لان الأنواع الرخيصه بتكون خامتها خفيفه ولو شديتى الوبر بتاعها بأطراف صوابعك بيطلع خصوصا بعد مايتغسل
لو الركنه بتاعتك ثابته ممكن تجيبي قطيفه عادى لكن لو الروكنه شلت متحركه الافضل تجيبى كتان شكله شيك جدا وخامته متينه تتحمل فى كتان صافى وفى كتان على قطن وفى كتان معالج كل الخامات دى مصوراها فى الفيديوهات موجودة هنا فى القناة شوفيها قبل ماتشترى
فى نوع غالى موجود في العطارين المتر ب١٢٠جنيه دا كويس وفى نوع نازل اليومين دول كويس برضو المتر تقريبا ب٦٠ جنيه زوجى قالى عليه فى ناس كانت جيباه عندنا في المحل عشان التنحيد
شكرا لحضرتك على الاشتراك الانتريه لما يكون لون واحد سادة بيبئا اشيك وتعملى الكوشن مشجر او فيه مكس الوان وبالنسبه لعدد أمتار القماش ابعتى حضرتك صورة الانتريه بتاعك على الواتس على رقم 01281866053 عشان نحددلك عدد الامتار لأن كل موديل حجمه وعدد أمتار القماش بتختلف من موديل لآخر
@@hamdyahmed351 افضل قماش تنجيد هو الكتان فى كتان صافى وفى كتان على قطن وفى كتان معالج ضد الماء وكل الانواع دى انا مصوراها فى الفيديوهات هنا فى القناة واتكلمت على كل حاجه تخص كل نوع وبالاسعار واماكن بيعهم وازاى نعرف القماش إذا كان كتان ولا تقليد حضرتك خد جوله في قسم الفيديوهات هنا فى القناة وهتلاقيهم موجودين
@@mernamaher6249 القطيفه فى منه خامات كتير منها الخفيف (السلفانا)دا بتاع ستاير بس ومنها خامات تقيله بتاعة تنجيد المهم اشترى خامه متينه متملعش لما تشديها
