بسم الله الرحمن الرحيم ديمة صلوا لو لي الرسول يس أنظم اللؤلؤ ؛ بالدر أفصلو لو هاهو معلولُ عبدك يا بر قلبو أجلوا لو بالذكر وانوار جوَّة أملوا لو من جوارو ابليس اطردوا مرزولو *************** فوق المرسول مدحو يا زمَّال اصبحوا أمسوا لو سمعوا العشَّاق زي المعسول بالجواهر قط ما بيقيسوا لو ************** وضعه احلوا لو في بطاح مكة النجم دلوا لو طاهرا مختون ثغره كالؤلؤ رتبة عالية فوقها علوا لو ************* شعرو مسبول والحلم والجود فيه مجبولُ هو الشفيع كافة الرسل يحبوا لو والجنان مفتاحهن أباحوا لو *************** صفوة الباري معجزاتو كثار ما لها عبار ود عتيك رجله وساقه جبَّار وبي علوم الغيب سيدي خبَّار ************** الجذع حنَّ لي الرسول سيد يوشع ويوحنا ايضا البدنات للذبح ازدلفنَّ واليبيس إخضَّر ماح واتحنى ************** نعم صحباه في الجهاد هاجين ديمة راغبة هو عزوا دين الله هانوا أعداهو اكرموا من لي الاسلام وحباهو ************* البريق لامع من قبا جادت عيني بالدامع يا كريم زورة لي النداء سامع ولتقول لي مهما تروم طامع ************* يا أبي الطيب إبن شيخنا الشيخ أكرمو طيب من جميع اسقام عافيه طيب قل لي نال رتبة جدو والطيب ************* علي مقدارو بالذكر وامداح أحيي لي دارو أعطو سبعة أولاد يبقوا ندَّارو ويا الرسول يبلغ كلما دارو ************* صل يا قاهر لي الرسول عد المخفي والظاهر تشحن الثقلين لي عدوه تناهر من سعد الحاج لي أبي الطاهر