الله يبارك اختي انا العام لي فات كانت الفيديو انتاعك انشوف ونعود باش تعلمتهم الحمد لله بفضلك اقدرت نخدم ونشرى ملابس العيد لاولادى مع انو نخدم غير 20 طزينة
يعطيك الصحة انامن الشلف ونخدم ديول في رمضان نخدم حتى ل 45دزينة فالنهار بصح. نتعب بزاف مع الدار والدراري ربي بقدر كل وحدة تخدم بالحبال باش تعاون زوجها على مصاريف رمضان وحوايج العيد اولادها كيما انا
ربي يوفقك والله نصائح في القمة وانا كل مرة ندي ماعندك معلومة جديدة عندي 5 سنين وانا نخدم ديول كمشىروع والحمد الله مزالني نزيد نتعلم ربي يقدرك ويحفضك شكرا
سلام ختي اول مرة نشوف قناتك ربي يقدرك الفحلة بنت بلادي ربي يزيدك من واسع ان شاءالله حبيت ختي نبدى نخدمهم حفزتيني الله يبارك عليك بصح سنيوة معنديش قلتي عندي قوليلي شعال ولا كاين توصيل راني حابة نشري وحدة ❤❤❤❤❤
يعطيك الصحة اختي العزيزة بالنسبة للعجينة التي تسخن ضعي تحت البسينة انتع لحديد قارورات ماء مثلج حتى تبرد العجينة بسرعة وتتماسك وتصبح جيدة هذه طريقتي جربي وقولي لي وصحة رمضانكم
يسعدك يابنتي واش ديتي دعاوي الخير على مصداقيتك بعض القنوات يقولولك مانقدروش نمدوا سر المهنة للأسف ما نعرف الا صح ولا الحسد راكي علمتينا بلا مزية منهم ربي يحفظك ويسعدك
سلام حبيبتي يعطيك الصحة مديتي الوصفة من قلبك انا تعلمتهم عليك عندي عامين درتهم كمشروع في رمضان 😊❤ومازال دائما نتفرج ليفيديو تاوعك تاع الديول فيهم طاقة ايجابية رائعة يرحم لي رباك حبيبتي الاجر راهو يلحقلو إن شاء الله
السلام وعليكم ورحمة الله حبيبتي الغالية يعطيك الصحة يالعزيزة من قلبي نحب كي نشوف بنات بلادي فحلات وانا عندي 13سنة وانا نخدمهم مي ليا واهلي يعطيك للصحة وادعولي ربي يوفقني نخدم في هذا رمضان ربي يستركم
سلام انا عندي مشكل في السنيوة كانت تخدم مليح من بعد عادت تلصق حبيت نعرف اذا السميد عندو علاقه كنت ندير الساحل رطب وحدو من بعد ضفتلو سميد متوسط نوع سيم باغسكو ضيعتلي بزاف تعيشي جاوبيني
يعطيك الصحة أنا تاني نخدمهم بصح بالسميد الرقيق برك هوا يليقلو المعاونة وحدة كي تكون وحدها وزيد التربية والله غير صعيب بزاف وزيد معا تكملي تلقاي الناس يحسبولك شحال دخلتي الدراهم.انا نقولهم دخلت الدراهم ايه بصح ضهري عواج وصحتي راحت بصح الحمد الله الي لقا حرفة في يدو وممدش يدو
اسمحيلي اختي انا عندي مقلة و طاوة كبيرة انتاع النحاس بصح نسكن في فرنسا كيفاش حتان انديرلهم باش تعود ما تلصقش لأنني دراهم اليوم جاوني يابسين و نصف الكبير الصق في المقلة تحياتي الحارة لبنت بلادي ربي يجعلها في ميزان حسناتك يارب ❤❤❤❤❤❤❤